Morgunblaðið - 07.11.2015, Blaðsíða 29

UMRÆÐAN 29
MORGUNBLAÐIÐ LAUGARDAGUR 7. NÓVEMBER 2015
www.smarativoli.is / Sími 534 1900 / Smáralind
SKEMMTUN FYRIR ALLA!
Opnunartími: Mánudaga til fimmtudaga frá kl. 14 til 22
Föstudaga frá kl. 14 til 23
Laugardaga frá kl. 12 til 23
Sunnudaga frá kl.13 til 22
halda upp á afmæli
ð!
Aldrei of gömul til að
VERÐ
FRÁ
2.39
0,-
pr. ma
nn
Gerðu þér glaðan dag og komdu með börnin og
barnabörnin í frábæra skemmtun í Smáratívolí
Íslendingar tefldu fram 17keppendum á heimsmeist-aramóti ungmenna sem laukvið frábærar aðstæður á sum-
ardvalarstaðnum í Porto Carras í
Grikklandi á fimmtudaginn. Þetta
heimsmeistaramót er venju sam-
kvæmt skipað nær öllum bestu ungu
skákmönnum heims sem komu
hvaðanæva úr heiminum, en kepp-
endur voru 1.596 talsins. Banda-
ríkjamenn áttu flesta þátttakendur,
128, en næstir komu Grikkir með 78
þátttakendur, Rússar með 70, Ind-
verjar voru með 50 skákmenn. At-
hygli vakti að Kanadamenn voru
með 56 keppendur í hinum ýmsu
flokkum. Norðmenn sem sigla á
bylgju mikla skákáhuga áttu 35 full-
trúa. Teflt var sjö aldursflokkum
stúlkna og pilta frá 8 ára til 18 ára
aldurs. Við áttum tvær stúlkur í
mótinu, Freyja Birkisdóttir tefldi í
flokki stúlkna 10 ára og yngri og
Steinunn Verónika Magnúsdóttir í
flokki stúlkna 18 ára og yngri.
Helsta niðurstaða mótsins er sú
að breiddin er mikil meðal ungra
skákmanna okkar enda sáust glæsi-
leg tilþrif í fjölmörgum viðureignum.
Fyrirfram var Vignir Vatnar Stef-
ánsson talinn eiga besta möguleika á
verðlaunasæti í opna flokki 12 ára og
yngri en hann hafnaði í 51. sæti af
202 keppendum hlaut, 6½ vinning af
11 mögulegum, fékk aðeins ½ vinn-
ing úr tveim síðustu skákum sínum.
Heimsmeistaramótin eru merkilega
þétt niður alla aldursflokkana og
elo-stigatala hæpin viðmiðun þar
sem stigin endurspegla engan veg-
inn raunverulega styrk fjölmargra
keppenda. Það er því til marks um
góða frammistöðu nái menn að
hækka á stigum og sá sem gerði
best í þeim efnum í Grikklandi var
Björn Hólm Birkisson en hann hlaut
5½ vinning af 11 mögulegum og
hækkaði um 150 elo-stig. Akureyr-
ingurinn Símon Þórhallsson stóð sig
einnig frábærlega en hann hlaut 6
vinninga af 11 mögulegum og hækk-
aði um 100 elo stig.
Hinn 10 ára gamli Óskar Víkingur
Davíðsson var með á EM í Svart-
fjallandi fyrir tveim árum og hefur
bætt sig mikið síðan, varð í 54. sæti
af 185 keppendum og hlaut 6½ vinn-
ing í opna flokki 10 ára og yngri.
Eftirfarandi skák er hans besta frá
þessu skemmtilega heimsmeist-
aramóti:
HM ungmenna 10 ára flokkur; 4.
umferð:
Óskar Víkingur Davíðsson – Ole
Zeuner (Þýskaland)
Spænskur leikur
1. e4 e5 2. Rf3 Rc6 3. Bb5 a6 4.
Ba4 b5 5. Bb3 Be7 6. c3 Rf6 7. d3
0-0 8. 0-0 d6 9. h3 Be6 10. He1 Ra5
11. Bxe6 fxe6 12. Rbd2 Rh5?!
Þetta ferðalag riddarans er of
tímafrekt og Óskar Víkingur hrifsar
til sín frumkvæðið með nokkrum
beittum leikjum.
13. d4 exd4 14. Rxd4 Rf4 15. b4!
Rb7 16. R2f3 Dd7 17. Db3 Rd8 18.
Bxf4 Hxf4 19. Had1!
Góð liðsskipan og brátt eykur
hvítur þrýstinginn á stöðu svarts.
19. … Kh8 20. c4! Hf7 21. c5 e5
22. Rf5 Dc6
23. Dd5!
Góður leikur sem mylur niður
varnir svarts. Önnur leið var 23.
Rxe5! dxe5 24. Hxd8! Hxd8 25.
Dxf7 Bf6 26. Hd3 með vinnings-
stöðu þar sem 26. … Dd7 er svarað
með 27. Dxd7 Hxd7 28. Ha3! og
vinnur og eftir 26. … g6 á hvítur
27. Hd3! með óverjandi máthót-
unum.
23. … Dxd5 24. Hxd5 c6?
Hann varð að reyna 23. … Rb7
en ekki er staðan björguleg eftir
24. Hc1.
25. Hd3 dxc5 26. Rxe5
Vinnur lið og nú er eftirleikurinn
auðveldur.
26. … Hf6 27. Rxe7 c4 28. Hd7
h6 29. Hed1 Rf7 30. Reg6+ Kh7
31. f4 Hxg6 32. Rxg6 Kxg6 33. Hc7
Hd8 34. Hxc6+ Kh7 35. Hxd8
Rxd8 36. Hc8 Re6 37. f5 Rf4 38. e5
– og svartur gafst upp.
Glæsileg tilþrif á HM
ungmenna í Grikklandi
Skák
Helgi Ólafsson
helol@simnet.is
Ítarleg og meið-
andi umfjöllun fjöl-
miðla um meinta
sakamenn sem ekki
hafa verið dæmdir er
tilefni skrifa minna.
Ég er ekki að leggja
dóm á það hvort fólk
sé sekt eða saklaust
enda eiga slík mál
sér ákveðinn farveg
hjá dómstólum. Það
sem mér blöskrar eru mynd- og
nafnbirtingar fólks sem ekki hef-
ur hlotið dóm og jafnvel er sak-
laust. Það er ekki okkar að dæma
í slíkum málum við erum ekki
dómstóll. Ég er ekki að segja að
ekki megi fjalla um mál sem eru
fyrir dómstólum. Gagnrýni mín
snýr að þeim ítarlega fréttaflutn-
ingi sem sumir íslenskir fjöl-
miðlar hafa tileinkað sér. Frétta-
flutningurinn er afar meiðandi,
meintir gerendur eiga í flestum
tilfellum fjölskyldur. Ég hef horft
upp á hversu skaðleg slík um-
fjöllun getur verið. Þar sem
framtíðaráform meints geranda,
sem hugsanlega er fórnarlamb
skipulagðs glæps, hafa runnið út
í sandinn á einum sólarhring eftir
óþarflega ítarlega einhliða um-
fjöllun. Þar sem fjölskyldulíf hef-
ur verið lagt í rúst vegna þess
áfalls og þeirrar skammar sem
kölluð hefur verið yfir fjölskyld-
una. Það er afar sárt að horfa
upp á þau eyðileggj-
andi áhrif sem hlotist
hafa af slíkri umfjöll-
un, sérstaklega þar
sem börn og ungling-
ar eru í fjölskyldu.
Það er klárt mál að
makar, börn og for-
eldrar eru með öllu
saklaus, hvort sem
meintur gerandi er
það eða ekki og eiga
fyrir um sárt að
binda og eiga skilið
að fá að vera í friði
fyrir meiðandi umfjöllun. Um-
fjöllun af þessu tagi mun alla tíð
loða við einstaklingana hvort sem
hún er sönn eða ekki. Við búum í
landi þar sem margir ein-
staklingar hafa verið í sárum í
lengri tíma af ýmsum ástæðum
eftir hrun. Það er eins og að ljót
og meiðandi öfl hafi farið af stað
í og eftir hrun. Ég bið um mál-
efnalega sanngjarna umræðu og
ekki væri verra ef þeir sem fjalla
um þessi mál ættu til ögn af kær-
leik til handa náunganum.
Dómstóll
pressunnar
Eftir Ragnheiði
Kristínu Björns-
dóttur
Ragnheiður Kristín
Björnsdóttir
» Það er eins og að
ljót og meiðandi öfl
hafi farið af stað í og
eftir hrun.
Höfundur er hjúkrunarfræðingur
og forstöðumaður.