Morgunblaðið - 20.02.2016, Side 28

28 FRÉTTIRErlent
MORGUNBLAÐIÐ LAUGARDAGUR 20. FEBRÚAR 2016
HAMRABORG 14 / DALVEGI 4
KÓPAVOGI
Henry Þór sigurvegari keppninnar
Kaka ársins2016
„Samið hefur verið um að Bretland
njóti sérréttinda innan Evrópu-
sambandsins. Ég mun kynna
samninginn fyrir ríkisstjórninni á
morgun,“ sagði David Cameron,
forsætisráðherra Bretlands, á twit-
ter-síðu sinni, eftir að leiðtogar að-
ildarríkja Evrópusambandsins
náðu samkomulagi um breytingar
á sambandinu seint í gærkvöldi.
Kröfur hans um umbætur á Evr-
ópusambandinu mættu meiri and-
stöðu en búist var við og neyddist
hann að lokum til að gefa eftir í
þýðingarmiklum málum. „Cameron
samþykkti að fresta áætlunum sín-
um um að takmarka rétt innflytj-
enda til barnabóta eftir meira en
30 klukkustunda viðræður,“ sagði
fréttamaður Telegraph í Bretlandi.
Eftir áköf mótmæli frá leiðtog-
um Austur-Evrópu samþykkti
Cameron því að fresta áætlunum
um takmörkun barnabótanna um
fjögur ár eða til ársins 2020. Þá
samþykkti hann einnig sjö ára
„neyðarstopp“ á bætur, skattaaf-
slætti og félagslegt húsnæði fyrir
innflytjendur en hann hafði áður
krafist þess það stæði í þrettán ár.
Breyttist í maraþonfund
Viðræðurnar hófust á leiðtoga-
fundi ESB sem hófst í Brussel í
fyrradag og stóð fram eftir kvöldi í
gær. Viðræðunum lauk svo rétt
fyrir klukkan tíu að íslenskum
tíma.
Gert hafði verið ráð fyrir því að
gengið yrði frá samkomulagi á
„enskum morgunverði“ í gærmorg-
un en samningaviðræðurnar dróg-
ust á langinn. Eftir maraþonfund,
sem lauk klukkan hálfsex í gær-
morgun, var fyrirhuguðum morg-
unverði fyrst breytt í „enskan há-
degisárbít“, síðan „enskan
hádegisverð“ og að lokum var talað
um „enskan kvöldverð“. Síðdegis
var leiðtogunum ráðlagt að bóka
hótelherbergi í eina nótt til við-
bótar þar sem útlit var fyrir að við-
ræðunum lyki ekki fyrr en í dag.
David Cameron hafði gert ráð
fyrir því að samkomulag næðist
um morguninn og boðað fund í rík-
isstjórn sinni, sem átti að fara
fram í gærkvöldi, til að tilkynna
dagsetningu þjóðaratkvæða-
greiðslu sem hann hefur lofað á
kjörtímabilinu um aðild Bretlands
að Evrópusambandinu. Ríkis-
stjórnarfundinum var aflýst þegar
ljóst var að samningaviðræðurnar í
Brussel drægjust á langinn. Talið
er að Cameron stefni að því að at-
kvæðagreiðslan fari fram í júní, en
hann hefur sagt að hann hyggist
ekki hvetja kjósendur til að styðja
áframhaldandi aðild ef samkomu-
lag næst ekki um kröfur hans.
Francois Hollande, forseti
Frakklands, sagði í gærkvöldi að
hann hygðist gera það sem þyrfti
til að halda Bretlandi í ESB en þó
„gegn því skilyrði að Evrópusam-
bandið geti haldið áfram að færast
fram á við“.
Fregnir hermdu að Hollande og
fleiri leiðtogar hefðu lagst gegn
kröfu Camerons um vernd fyrir
ríki utan evrusamstarfsins. Came-
ron vill að tryggt verði að ekki
verði gengið á hlut breskra fjár-
málafyrirtækja með auknum sam-
runa evruríkja en Hollande sagði
að Bretar ættu ekki að fá neit-
unarvald á evrusvæðinu eða vald
til að setja eigin reglur um fjár-
málamarkaðina, að sögn fréttaveit-
unnar AFP.
bogi@mbl.is, laufey@mbl.is
Cameron gaf eftir í
þýðingarmiklum málum
 Samkomulag náðist um kröfur Breta á löngum fundi leiðtoga ESB-ríkjanna
AFP
Maraþonfundur David Cameron, forsætisráðherra Bretlands (t.v.), Jean-Claude Juncker, forseti framkvæmda-
stjórnar ESB, og Angela Merkel, kanslari Þýskalands, á leiðtogafundinum í Brussel sem hófst í fyrradag.
Mjótt á munum
» Hafni kjósendur í Bretlandi
aðild að Evrópusambandinu í
fyrirhugaðri þjóðaratkvæða-
greiðslu verður það fyrsta
landið til að segja sig úr ESB.
» Ný skoðanakönnun bendir
til þess að 36% kjósendanna
séu andvíg aðild Bretlands að
ESB en 34% hlynnt. 7% sögð-
ust ekki ætla að kjósa og 23%
hafa ekki gert upp hug sinn.
Harper Lee, höf-
undur skáldsög-
unnar To Kill a
Mockingbird, lést
í heimabæ sínum,
Monroeville í Ala-
bama, 89 ára að
aldri. Lee fékk
Pulitzer-verð-
launin fyrir To
Kill a Mock-
ingbird sem var fyrst gefin út 1960
og fjallar um blökkumann sem var
ranglega sakaður um að nauðga
hvítri konu. Bókin er álitin ein af
bestu skáldsögum allra tíma vestan-
hafs og hefur verið seld í 30 millj-
ónum eintaka. Samnefnd kvikmynd,
sem var frumsýnd 1962, naut einnig
mikilla vinsælda.
Harper Lee sendi ekki frá sér
aðra skáldsögu fyrr en á síðasta ári
þegar Go Set a Watchman kom út.
Lee fæddist í Monroeville 28. apríl
1926. Hún forðaðist sviðsljósið og
fjölmiðla, veitti sjaldan viðtöl.
Harper
Lee látin
Harper Lee
 Höfundur einnar
af bestu skáldsögum
Bandaríkjanna
Stjórnmálamenn eru yfirleitt gagn-
rýndir fyrir að eyða of miklum pen-
ingum en Lars Løkke Rasmussen,
forsætisráðherra Danmerkur, sæt-
ir nú gagnrýni vinstrimanna fyrir
að hafa valið ódýrt flug þegar hann
fór í helgarfrí til Malaga á Spáni.
„Andstyggilegt!“ sagði einn þing-
manna vinstriflokkanna á Face-
book um ferð forsætisráðherrans
með lággjaldafélaginu Ryanair sem
hefur sætt gagnrýni danskra
stéttarfélaga fyrir brot á réttindum
starfsmanna. Fjögur stærstu bæjar-
félög Danmerkur hafa bannað
starfsfólki sínu að ferðast með
Ryanair á vegum þeirra.
Gagnrýndur fyrir
að velja ódýrt flug
DANMÖRK