Morgunblaðið - Sunnudagur - 20.03.2016, Blaðsíða 40

TÆKNI
40 MORGUNBLAÐIÐ SUNNUDAGUR 20.3. 2016
Svangt fólk í Nýja-Sjálandi, sem hefur látið það eftir sér að panta pitsu, má eiga von
á því að róbot afhendi pitsuna, að minnsta kosti ef það hefur pantað hjá Domino’s.
Ríkisstjórn landsins styður verkefnið en fyrsti róbótinn hefur verið framleiddur. Ró-
botinn er á fjórum hjólum og getur haldið allt að tíu pitsum heitum í einu.
Róbot afhendir pitsuna
Þegar örgjörvar frá Intel eru annarsvegar þekkja flestir eflaust IntelCore i3, i5 eða i7 örgjörva enda
eru þeir í velflestum far- og borðtölvum.
Intel framleiðir þó fleiri gerðir örgjörva fyrir
annars konar tölvur, til að mynda þær sem gera sérlega
miklar kröfur um afköst eins og skráaþjóna og vinnustöðv-
ar og líka fyrir tæki sem eru með mjög einföld stýrikerfi
eins og sjálfvirknibúnað ýmiskonar og þjarka.
Undanfarna áratugi
hefur Intel framleitt
örgjörva í ýmsum af-
brigðum sem fyrir-
tækið kallar Xeon og
algengt að sjá þá not-
aða í ofurtölvum.
Xeon-örgjörvar hafa
líka stundum verið notaðir í borðtölvum af öflugri gerðinni,
en mikil tíðindi að HP hefur sett á markað fartölvu með
Xeon-örgjörva.
Kosturinn við að nota Xeon-örgjörva frekar en Core-
örgjörvana er að hægt er að nota fleiri örgjörva samtímis,
þeir geta keyrt fleiri kjarna og svo styðja þeir svokallað
ECC-minni, en það er minni með innbyggða leiðréttingu og
eðlilega eftirsóknarvert í vísindavinnu eða fjármálaútreikn-
ingum. Slíkir örgjörvar henta og vel í þrívíddarvinnu eða
vinnslu á umfangsmiklum og flóknum útreikningum. Lykil-
atriði er þó að Xeon-örgjörvar eru aðallega ætlaðir í vélar
sem eru í gangi allan sólarhringinn allt árið.
Síðasta haust kynnti Intel nýja gerð Xeon-örgjörva, E3-
1500M, sem byggist á Skylake-hönnun fyrirtækisins og eru
því minni um sig en eldri gerðir, svo litlir að þeir henta
bráðvel í fartölvur. Fyrstu fartölvurnar með Xeon-
örgjörvum eru einmitt að líta dagsins ljós, þar framarlega í
flokki HP Zbook Studio vinnustöðin sem ég fékk í hendur í
vikunni, en í henni er einmitt 2,8 GHz Xeon E3-1500M v5.
Það er ekki bara örgjörvinn í vélinni sem vekur eftirtekt
heldur er skjástýringin líka forvitnileg, NVIDIA Quadro
M1000M skjákort sem er sérsniðið fyrir HP með 4 GB
minni, en alla jafna er minni í þessari gerð skjákorta 2 GB.
Upplausnin á skjánum er líka óvenjumikil, 4K upplausn,
eða 3840 x 2160 dílar.
Minni í vélinni sem ég prófaði er 16 GB DDR4, en mest
er hægt að hafa í henni 32 GB. Það er í henni SSD-diskur,
512 GB Z Turbo Drive frá HP, sem er fjórum sinnum hrað-
virkara en SATA SSD og tólf sinnum hraðvirkara en hefð-
bundinn harður diskur. Vélin er býsna stór um sig, enda er
skjárinn 15,6" og ramminn eftir því; 375 mm x 255 mm að
stærð og ekki nema 18 mm þar sem hún er þykkust. Svo er
hún tvö kíló að þyngd eða þar um bil.
Sitt hvorum megin við lyklaborðið eru Bang & Olufsen-
hátalarar, en hljóðkerfi vélarinnar eru einmitt úr smiðju
B&O.
Á vélinni eru tvö Thunderbolt 3 tengi, sem nota USB-C
tengin á vélinni. Með Thunderbolt-tækninni næst talsverður
gagnahraði, var 10 gígabitar á sekúndu í fyrstu gerð Thun-
derbolt, síðan 20 Gb á sek. í næstu gerð og svo í þeirri
þriðju og nýjustu er hægt að ná 40 Gb á sek. Til sam-
anburðar þá gefur USB 3.0 5 GB á sek. og USB-C 10 Gb á
sek.
Það er líka hægt að keyra tvo skjái og þá báða með 4K
upplausn. Svo má nýta Thunderbolt-tengin með sérstöku
tengiboxi og keyra á allt að fimm skjái samtímis, en slíkt
box fylgir með í kassanum og bætir þá líka við fjórum USB
3.0 tengjum, auka Ethernet-tengi (það er Ethernet-tengi á
vélinni), VGA-tengi, DisplayPort og tveimur Thunderbolt-
tengjum, bæði 3.0 og annað með straumtengi.
Þó að hún virðist vera eins og hver önnur fartölva við
fyrstu sýn þá er þetta sannkallaður vinnuþjarkur, einkar
hraðvirk og öflug vél. ECC-minnið skiptir miklu máli fyrir
krefjandi vinnu, en það skiptir líka máli að vélin er með
innbyggðan fingrafaralesara og stuðning við rafræn skilríki.
Með Xeon-örgjörvanum kostar vélin 696.880 kr. Hún er
líka fáanleg með 2,6 GHz Intel Core i7 6700HQ örgjörva
með minni disk en svipuð öðru leyti og kostar þá 481.168
kr.
Örgjörvi fyrir
eilífðarvél
Sala á borðtölvum hefur dregist saman en enn seljast
fartölvur. Alla jafna eru þær þó ekki eins öflugar og
borðvélarnar og henta því til að mynda illa til flókinna
útreikninga eða þrívíddavinnslu svo dæmi séu tekin.
Nema náttúrlega þær séu með Xeon-örgjörvum.
’Síðasta haust kynnti Intel nýja gerðXeon-örgjörva, E3-1500M, sem byggist áSkylake-hönnun fyrirtækisins og eru þvíminni um sig en eldri gerðir, svo litlir að þeir
henta bráðvel í fartölvur. Fyrstu fartölvurnar
með Xeon-örgjörvum eru einmitt að líta
dagsins ljós, þar framarlega í flokki HP Zbo-
ok Studio, en í henni er einmitt 2,8 GHz Xeon
E3-1500M örgjörvi.
Græjan
Árni
Matthíasson
arnim@mbl.is
Það er kurteislegt að senda þakkarbréf
eftir stórveislur, ekki síst brúðkaup. Það
getur verið þreytandi að skrifa mörg kort
og fjöldatölvupóstur er ópersónulegur og
sömuleiðis kort sem búið er að prenta
texta á. Vefsíðan ThankView.com býður
uppá nýja lausn á þakkarbréfinu og hvetur
fólk til að senda heldur sérsniðna mynd-
bandsupptöku til gesta sinna. Hefur síðan
notið nokkurra vinsælda meðal nýgiftra
en eftir brúðkaup er til siðs að þakka
gestum fyrir komuna og gjafirnar.
Þjónustan er ekki ókeypis en Thank-
View markaðssetur sig sem ódýrari en
bréfapóst. Hægt er að senda fimm raf-
rænar myndbandskveðjur frítt til prufu en
annars er hægt að kaupa misstóra pakka,
allt frá 25 myndböndum á 2.500 krónur
yfir í 400 myndbönd á 22.000 krónur. Það
gerir annars vegar 125 krónur á stykkið
og 55 krónur á kveðju en til samanburðar
kostar 170 krónur að senda bréf í A-pósti
og 155 krónur í B-pósti. Þá er ótalinn
kostnaður við fallegt bréfsefni.
Þeir sem kaupa þessa þjónustu nota
símann eða tölvuna til að taka upp skila-
boð fyrir hvern og einn viðtakanda.
ThankView gerir notandanum síðan auð-
velt fyrir að búa til fallegt myndband úr
kveðjunni og ekki þarf kunnáttu eða forrit
til að klippa efni til að nota þjónustuna.
Þetta er kannski ekki fyrir alla en
hljómar eins og góð viðbót við þessa
flóru.
VEFSÍÐAN THANKVIEW.COM
Þakkarkveðja
í myndbandsformi
ThankView gerir notandanum auðvelt fyrir að búa til fallegt myndband úr kveðjunni og ekki þarf
kunnáttu eða forrit til að klippa efni til að nota þjónustuna.