Morgunblaðið - 14.04.2016, Page 6

6 FRÉTTIRInnlent
MORGUNBLAÐIÐ FIMMTUDAGUR 14. APRÍL 2016
Björn Jóhann Björnsson
bjb@mbl.is
„Þetta er búið að vera viðvarandi
vandamál í langan tíma. Bílastæða-
mál eru orðin fastur liður á fundum
nefndarinnar. Það eru nokkur ár
síðan byrjað var að sekta á messu-
tíma. Þetta gefur verið mjög óþægi-
legt fyrir fólk,“
segir Marinó Þor-
steinsson, for-
maður sóknar-
nefndar Dóm-
kirkjunnar, en
nokkur dæmi eru
þess að kirkju-
gestir sem lagt
hafa bílum sínum
næst kirkjunni,
undir suðurvegg
hennar, hafi verið
sektaðir af lögreglu og stöðumæla-
vörðum.
Þannig biðu 10 þúsund króna
sektir nokkurra kirkjugesta sem
sóttu messu árla morguns síðasta
páskadag. Þá er dæmi þess að
brúðarbíll hafi verið sektaður fyrir
framan kirkjuna.
Sóknarnefndin hefur rætt þessi
mál við lögregluyfirvöld og mætt
þar skilningi á aðstæðum hjá yfir-
mönnum. Marinó segir sveigjanleik-
ann þó ekki alltaf til staðar, eins og
þegar laganna verðir tóku upp
sektarmiða að morgni páskadags,
annað árið í röð.
Dæmi er um kirkjugest sem fékk
sekt fyrir að leggja bíl sínum sunnan
kirkjunnar vegna útfarar frænda
hans síðasta sumar. Sektinni var
harðlega mótmælt en á hana söfn-
uðust dráttarvextir í nokkrar vikur
þar til að hún var loks felld niður.
Málstaður kirkjugestsins var þó ekki
viðurkenndur, heldur stóð í svari
Bílastæðasjóðs að málið hefði verið
fellt niður sökum dráttar á af-
greiðslu þess.
Meiri skilning skortir
„Þetta hefur áhrif á messusókn
hjá okkur. Það er ekki gaman að
koma út úr kirkjunni, hvort sem það
er jarðarför eða hjónavígsla, og þá
bíður sektarmiði upp á 10 þúsund
krónur á bílnum. Okkur finnst
skorta á meiri skilning á aðstæðum,“
segir Marinó en tekur þó fram að
óformlegt samkomulag hafi tekist
um að Dómkirkjan láti Bílastæða-
sjóð vita ef jarðarför er fram undan.
Þá komi stöðumælaverðir ekki á
Kirkjutorg á meðan jarðarför er.
Þrátt fyrir þetta hafa bílar prest-
anna ekki alltaf sloppið við sekt.
Þeim hefur verið lagt við skrúðhúsið
til þess m.a. að geta farið strax í kjöl-
far líkfylgdar eftir útför. Að sögn
Marinós hefur það fengist í gegn hjá
borginni að taka frá tvö stæði fyrir
prestana við skrúðhúsið. Eftir er að
merkja þau sem einkastæði og verð-
ur það gert á næstu dögum, en fjar-
lægja þurfti ljósastaur til að koma
þessu við.
„Við erum líka að reyna að fá það
í gegn hjá borginni að undanþága
frá gjaldskyldu við útfarir gildi einn-
ig um aðrar athafnir í kirkjunni. Það
hefur tekið góðan tíma að eiga í
þessum samskiptum,“ segir hann.
Dísilfnykur frá rútunum
Marinó segir að vegna athafna á
sunnudagsmorgnum hafi tekist að
leysa hluta bílastæðavandans í sam-
ráði við Alþingi. Einar K. Guðfinns-
son, forseti Alþingis, féllst á beiðni
dómkirkjuprests og fékk það í gegn
að opna bílastæði gegnt Þórshamri á
sunnudagsmorgnum.
Að sögn Marinós eru einnig dæmi
þess að hótelgestir taki bílastæði
sem annars myndu nýtast kirkju-
gestum. Þá sé nokkur ami af rútum
sem leggi á messutíma fyrir framan
kirkjuna til að sækja eða
skila ferðamönnum og
hótelgestum. „Rúturnar
eru þarna í gangi og
stundum finnum við dísil-
olíufnykinn leggja inn í
kirkjuna.“
Þá er bílastæða-
vandi við Safnaðar-
heimili Dómkirkj-
unnar, sérstak-
lega eftir að
framkvæmdir
hófust á
Íslandsbanka-
lóðinni.
Sektir bíða kirkjugesta
 Bílastæðavandi við Dómkirkjuna  Sektir biðu kirkjugesta að morgni páska-
dags, annað árið í röð  Brúðarbíll hefur verið sektaður  Alþingi til hjálpar
Morgunblaðið/Eggert
Dómkirkjan Samkvæmt skiltum sunnan kirkjunnar er bannað að leggja þar
og mörg dæmi um að sektir bíði kirkjugesta að athöfn lokinni.
Kolbrún Jónatansdóttir, fram-
kvæmdastjóri Bílastæðasjóðs,
segir starfsmenn sína sýna
eins mikinn skilning og
sveigjanleika og mögulegt sé
þegar athafnir fari fram í Dóm-
kirkjunni.
„Stundum getur verið erfitt
að meta hverjir eru þarna við
jarðarför og hverjir ekki. Ef við
myndum lýsa því yfir að við
sektuðum ekki við jarðarfarir
yrðu það ekki jarðarfarargestir
sem kæmu fyrstir á staðinn,“
segir Kolbrún.
Hún bendir á að einhver
ástæða sé fyrir því að bann-
skilti hafi verið sett upp þarna
við kirkjuna. Líklega sé það
vegna þess að um gönguleið sé
að ræða. „Við ákveðum ekki
hvar má leggja og hvar ekki,
það fer fram á umhverfissviði
borgarinnar,“ segir hún.
Kolbrún segir ákveðinn
vanda skapast í miðborginni
þegar fjölmennar athafnir fari
fram, kannski samtímis í Dóm-
kirkjunni og Fríkirkjunni. Vegna
framkvæmda í miðborginni sé
búið að taka af mörg bílastæði,
eins og við Íslandsbanka.
Kolbrún vísar því á
bug að brúðarbílar séu í
dag sektaðir við Dóm-
kirkjuna. Hún viti eitt
dæmi þess fyrir mörg-
um árum en sá stöðu-
mælavörður hljóti að
hafa fengið tiltal.
Reynt að
sýna skilning
BÍLASTÆÐASJÓÐUR
Kolbrún
Jónatansdóttir
Marinó
Þorsteinsson
Nú er Heimilispakkinn enn
stærri og skemmtilegri
Skemmtilegi pakkinn er nú orðinn stórskemmtilegur
Heimilispakkinn hefur slegið í gegn enda stútfullur af gleði – og nú er hann orðinn enn stærri en áður.
Hafðu samband, komdu í pakkann og byrjaðu að horfa eins og þér hentar!
Þú getur meira með Símanum Hringdu núna í 800 7000 eða opnaðu Netspjall á siminn.is til að klára málið!
Nánar á siminn.is