Morgunblaðið - 14.04.2016, Qupperneq 44

44 FRÉTTIRKappakstur
MORGUNBLAÐIÐ FIMMTUDAGUR 14. APRÍL 2016
unum í tímatökunni og fróðlegri
keppnisherfræði. Óræðar aðstæður
munu flækja málið og gera liðunum
enn erfiðara fyrir í ákvarðanatöku
sinni. Það getur verið mjög heitt í
Sjanghæ en getur líka verið svalt,
eins og til dæmis í Belgíu. Um það
er erfitt að spá fyrir fram. Veður-
sveiflur geta verið hrekkjóttar bæði
hvað varðar uppsetningu bíla og
keppnisherfræði. Þess vegna er
keppnishelgin í Kína alltaf mikil
áskorun,“ segir tæknistjóri toppliðs
Mercedes.
Mercedes stendur best að vígi
Ökumenn keppnisliðs þýska bíl-
smiðsins standa ótvírætt best að
vígi fyrir nýhafna keppnistíð. Virð-
ist samt svo sem önnur lið séu að
draga á, ekki síst Ferrari, en einnig
Red Bull. Hið sama er að segja um
bæði McLaren og Renault en lánið
var þó ekki með þeim í Melbourne
og Barein. Williams-liðið stendur
nokkurn veginn í stað ef marka má
fyrstu mótin. Það sem mest hefur
komið á óvart er frækilegur árangur
nýja bandaríska liðsins Haas, sem
slegið hefur í gegn með góðri
frammistöðu franska ökumannsins
Romain Grosjean. Varð hann sjötti í
mark í fyrsta móti og í fimmta sæti í
Barein. Í báðum tilvikum var hann
valinn ökumaður dagsins. Sjaldgæft
er að ný lið nái svo langt í fyrstu
mótum sínum. Segir Grosjean bíl
liðsins ótamið hross að verulegu
leyti og því búi mikið meira í honum.
Nico Rosberg hrósaði sigri bæði í
Melbourne og Barein. Lykillinn að
því var að hann kom bíl sínum mun
betur úr sporunum í ræsingunni í
báðum mótum en liðsfélaginn og
heimsmeistarinn Lewis Hamilton.
Hafnaði hann í öðru sæti í Mel-
bourne og því þriðja í Barein og
munar 17 stigum á þeim félögunum
í titilkeppninni eftir tvö mót, 50:33.
Hamilton kveðst „ekki áhyggju-
fullur“ út af slæmri byrjun. „Þetta
er ekki stórmál, þetta er atriði sem
við munum laga fyrir næsta mót,“
segir Hamilton. Hann sagði vanda-
mál í kúplingu skýra slakt viðbragð
í Melbourne og hægan viðbragðs-
tíma hjá honum sjálfum í Barein.
Hann segist ekki hafa áhyggjur af
forskoti Rosbergs, hann hefði geng-
ið í gegnum slíkt hið sama í fyrra.
„Vissulega eru þetta sálfræðileg
átök en með aldrinum og reynslunni
er ég andlega betur á mig kominn
en nokkru sinni fyrr. Það er fátt
sem kemst inn fyrir brynvörn
mína.“
Rosberg á siglingu
Rosberg hefur verið á mikilli sigl-
ingu og unnið síðustu fimm mótin í
Formúlu 1 í röð, þ.e. þau þrjú síð-
ustu í fyrra og fyrstu tvö í ár. Þess
má þó geta að Hamilton hefur verið
sigursælli í Sjanghæ en aðrir öku-
menn, staðið á efsta þrepi verð-
launapallsins fjórum sinnum og
staðið á verðlaunapalli undanfarin
sex skipti, frá og með 2010.
Mercedes-stjórinn Toto Wolff
segir að liðið megi engin mistök
gera í Sjanghæ, svigrúmið sé ekkert
í þeim efnum. Stendur honum eink-
um stuggur af bílum Ferrari, sem
eru mun hraðskreiðari og snarpari
en í fyrra en líða enn fyrir endingar-
skort. Þannig féll Kimi Räikkönen
úr leik í fyrsta móti vegna vélarbil-
unar og sömu örlög biðu Sebastians
Vettel í Barein. Eftir tvö fyrstu
mótin eru þeir í fjórða og sjötta sæti
í keppni ökumanna. Daniel Ricci-
ardo hjá Red Bull er þriðji með 24
stig, Räikkönen fjórði með 18,
Grosjean fimmti, einnig með 18 stig,
og Vettel sjötti með 15 stig.
Mikið forskot
Vegna bilana Ferrari-bílanna er
Mercedes strax komið með 50 stiga
forskot í keppni liðanna, 83:33. Í
Dekkjafár fyrirsjáanlegt í Sjanghæ
 Nýjar breytur, nýjar dekkjareglur, hafa haft mikil áhrif á keppni í Formúlu 1 kappakstrinum í ár
 Vegna aukins dekkjavals er herfræði liðanna mun breytilegri en áður og taktísk spenna meiri
 Búist er við enn meiri sviptingum í þeim efnum komandi sunnudag í Sjanghæ í Kína
AFP
Sigurreifur Nico Rosberg, ökumaður Mercedes AMG Petronas formúluliðsins, fagnar eftir að hafa sigrað í kappakstrinum í Barein í byrjun apríl.
BAKSVIÐ
Ágúst Ásgeirsson
agas@mbl.is
Formúlu 1 kappaksturinn í Sjanghæ
í Kína komandi sunnudag verður
vart hafinn er bílarnir munu
streyma hver af öðrum inn að bíl-
skúrum liðanna til dekkjaskipta.
Sérfræðingar spá því að óvenjuleg
herfræði liðanna muni leiða til ein-
hvers konar dekkjafárs á bíl-
skúrasvæðinu í Sjanghæ. Verður
það þriðja mót ársins, en í hinum
tveimur fyrstu buðu nýjar dekkja-
reglur upp á afar mismunandi
keppnisáætlanir og úrslit sem þótt
hefðu ólíkleg við upphaf keppnis-
tíðarinnar.
Ástæðan fyrir þessu er að nú fá
ökumenn þrenns konar dekk til að
spila úr og reynslan sýnir að val
þeirra er fjölbreytt og samsetning
úthlutaðs dekkjaforðans jafnvel ólík
innan sama liðsins.
Tæknistjóri Mercedes-liðsins,
Paddy Lowe, spáir því að bílarnir
byrji að streyma inn að bílskúr-
unum áður en fimm fyrstu hringjum
verður lokið. Aðstæður í brautinni
og áhrif þeirra á dekkjaslit muni
valda því. Dekkjafyrirtækið Pirelli
leggur til þrjár gerðir dekkja; of-
urmjúk, mjúk og meðalhörð. Er það
í raun hið sama og liðunum stóð til
boða í tveimur fyrstu mótunum, í
Melbourne fyrir mánuði og Barein
fyrir hálfum mánuði. Lowe segir að
enn meira muni þó mæða á dekkj-
unum í Sjanghæ vegna brautar-
aðstæðna.
„Hún reynir allt öðru vísi á dekk-
in en hinar tvær fyrri. Þar sem um
eins hjólbarða verður að ræða í
Kína verður fróðlegt að sjá hvernig
úr keppnisáætlunum spilast og öku-
menn raðast. Ofurmjúku dekkin
verða brúkuð þar í fyrsta sinn, þökk
sé nýju reglunum, og það mun bjóða
upp á meiri öfgar en við sáum í Bar-
ein, þar sem bestu dekkin fyrir
tímatökuna verða tæplega góð fyrir
keppnina sjálfa. Búast má við að öll
liðin vilji fara í tímatökuna á þeim
ofurmjúku en kvarnist fljótt úr þeim
í kappakstrinum gætum við séð bíla
stoppa til dekkjaskipta á fyrstu
fimm hringjunum,“ segir Lowe í að-
draganda Kínakappakstursins.
Hann segir að í ljósi alls þessa
muni liðin fara í gegnum mikla
greiningarvinnu á æfingunum á
morgun, föstudag. „Við gætum orð-
ið vitni að áhugaverðum ákvörð-
Nýverið hefur tekjum af formúlutíð síðasta
árs, 2015, verið deilt meðal liðanna. Þrátt
fyrir að hafa orðið í öðru sæti og langt á
eftir Mercedes fær Ferrari feitasta tékkann.
Verðlaunafénu er skipt milli 10 efstu lið-
anna, þau voru ekki fleiri í fyrra en eru 11 í
ár. Í pottinum voru rúmlega 1.230 milljónir
dollara, eða sem svarar til 152 milljarða ís-
lenskra króna. Er það helmingur tekna
íþróttarinnar, þ.e. tillag mótshaldara, aug-
lýsingar meðfram keppnisbrautum, tekjur
af sjónvarpsrétti o.fl.
Fénu er úthlutað eftir ákveðinni reglu. Í
fyrsta lagi er helmingnum deilt jafnt milli 10
efstu liðanna. Hinum helmingnum er deilt út
með mun flóknari hætti, en meistaraliðið
fær þó mest og lið í tíunda sæti minnst. Fer
upphæðin stiglækkandi og munar þar miklu
á. Og til að fá úr þessum hluta pottsins þarf
lið að hafa verið meðal tíu bestu tvisvar á
síðustu þremur árum. Þar af leiðir til dæmis
að Haas-liðið nýja fær ekkert úr þeim potti
fyrr en 2018 þótt liðið sé í fimmta sæti nú.
Áður en byrjað er að borga milljarðana
152 út eru teknar úr pottinum beingreiðslur
til einstakra liða. Þar á meðal er 51,3 millj-
óna dollara bónus til Mercedes fyrir sigur í
keppni liðanna. Einnig er þar að finna sér-
greiðslu til Mercedes, Ferrari, McLaren og
Red Bull á þeirri forsendu að keppni þeirra
sé formúlunni „til upphefðar“. Fær hvert
þeirra 46,05 milljónir dollara þannig út á
orðstír sinn. Eftirtektarvert er að Williams-
liðið er ekki í þessum forréttindahópi þótt
liðið hafi verið sigursælla í Formúlu 1 en
bæði Mercedes og Red Bull. Segir og liðs-
stjórinn Claire Williams að hún muni freista
betri dreifingar verðlaunafjárins þegar nú-
verandi skipan rennur út árið 2020.
Aukinheldur fær svo Ferrari sérgreiðslu
upp á 92,1 milljón dollara einfaldlega fyrir
að vera Ferrari. Heildarskerfur Ferrari –
stærsti tékkinn sem Bernie Ecclestone skrif-
ar út – er þar með 252,6 milljónir dollara,
eða sem nemur um 20% verðlaunafjárins,
rúmlega 30 milljarðar króna. Í vasa Ferrari
rennur langstærstur skerfur þrátt fyrir að
liðið hafi ekki unnið titla árum saman. Til
samanburðar er hlutur Mercedes 224,98
milljónir dollara, eða tæpum 28 milljónum
dollara lægri.
Fyrir utan toppliðin tvö í fyrra fá önnur
lið í sinn hlut sem hér segir og er röð þess í
keppni liðanna 2015 í sviga: Red Bull (4)
189,46 milljónir dollara, Williams (3) 114,46
milljónir, McLaren (9) 107,89 milljónir,
Force India (5) 88,15 milljónir, Lotus (6)
84,20 milljónir, Toro Rosso (7) 74,99 millj-
ónir, Sauber (8) 71,05 milljónir og Manor
(10) hlaut 61,84 milljónir dollara.
Ferrari fær feitasta tékkann
AFP
Handagangur í öskjunni Sebastian Vettel, ökumaður Ferrari, í þjónustuhléi í Melbourne.