Orð og tunga - 01.06.2007, Qupperneq 26

16
Orð og tunga
(26) keppni [...] 3 skipuleg samkoma eða mót þar sem
menn reyna með sér í íþróttum eða öðru kappi
Vísanir eru merktar fyrir notanda og benda honum á að gagnlegt gæti
verið að fletta upp á viðkomandi orði. Hér eru eftirfarandi merking-
arvensl algeng:
(27) a. undirheiti
gafl fótagafl, höfðagafl
b. yfirheiti
bandprjónn prjónn
c. andheiti
vörn sókn
d. hlutheiti
brot nefnari, teljari
Einnig sambönd eins og lýst er í (24a):
(28) a. pepilrás pöpulrás
b. fögnuður fagnaður
Vísanir eru því tengdar flettunni á ólíkan hátt og ekki er alltaf ljóst af
hverju eitt orð er skráð sem vísun en annað ekki. Af hverju er til dæmis
pöpulrds í (27a) vísun en snjdr í (23a) jafnheiti? Það að ákveðið ósam-
ræmi sé til staðar skýrist væntanlega að einhverju leyti af því að efni
IO er frá mismunandi tímum. Hluti skýringanna er óbreyttur síðan í
upphaflegri útgáfu ÍO frá árinu 1963, aðrar hafa verið endurskoðaðar
fyrir síðari útgáfur verksins og enn öðrum bætt við. Spurning er hvort
vísanir í því formi sem þær birtast í prentaðri útgáfu eigi alltaf erindi í
tölvuútgáfu orðabókar. Ef núverandi uppsetning ÍO á vefnum er tek-
in sem dæmi, má sjá að til vinstri við skýringartextana birtist listi af
tenglum sem allir vísa í flettu innan orðabókarinnar og þetta er því
eins konar listi með vísunum.
4 Niðurstöður
Reynslan af þessari fyrstu útgáfu af MerkOr sýnir að hægt er að ná
góðum árangri í sjálfvirkri greiningu merkingarvensla. Með frekari
fínstillingu reglnanna má reikna með að árangurinn geti batnað enn
frekar. Þær niðurstöður sem þegar hafa fengist mætti byrja að nýta til
þess að prófa áfram notendaviðmót og leitarmöguleika ÍO á netinu þó