Orð og tunga - 01.06.2007, Qupperneq 79

Eiríkur Rögnvaldsson: Textasöfn og setningagerð: greining og leit 69
kemur 10-20 mínútna vinna þar sem tækifæri gefst til að skoða hvert
dæmi vandlega og meta hvort það falli undir þá setningagerð sem
leitað er að.
3.4 Setningafræðileg þáttun
Þessar tilraunir sýna ótvírætt að hægt er að hafa verulegt gagn af
hinni beygingarlegu mörkun í setningafræðilegri dæmaleit. Vissulega
er ekki hægt að leita að öllum setningagerðum á þennan hátt. Það á
m.a. við um setningagerðir þar sem vensl milli orða ná yfir ótiltekinn
orðafjölda, langdræg vensl. Það væri t.d. erfitt að nota þessa aðferð til
að skoða vísun afturbeygðra fornafna svo að dæmi sé tekið. WinCord
forritið býður að vísu upp á að tilgreint sé hversu mörg orð megi koma
á milli orðanna í leitarreitunum - jafnvel er hægt að leyfa ótiltekinn
orðafjölda. En gallinn við það er að þá kemur óhjákvæmilega með
mikill fjöldi dæma sem ekki koma málinu við, og mjög tímafrekt get-
ur verið að hreinsa frá.
Nú er að opnast annar möguleiki á setningafræðilegri leit í íslensk-
um textum. Verið er að vinna að gerð hlutaþáttara (e. shallow parser)
fyrir íslensku. Hlutaþáttun er setningafræðileg greining þar sem ekki
er stefnt að því að sýna fullkomna formgerð setninga eða öll vensl
liða. Þess í stað er lögð áhersla á að greina helstu setningarliði - flokka
saman orð sem eiga saman. Slík greining getur nýst vel í ýmsum til-
vikum, og hentar stundum betur en full greining (e. deep parsing).
Einnig eru helstu setningafræðileg hlutverk greind. Samið hefur ver-
ið sérstakt þáttunarskema til að skilgreina hvaða liðir og hlutverk eru
greind, og við hvað skuli miðað í greiningunni (Hrafn Loftsson og Ei-
ríkur Rögnvaldsson 2006). Hér er sýnt dæmi um setningu sem greind
hefur verið eftir þessu skema.