Orð og tunga - 01.06.2007, Side 173

Orðabókar- og rannsóknarverkefni
Tungutækniverkefni sem Orðabók Háskólans
tekur þátt í
Orðabók Háskólans (nú orðfræðisvið Stofnunar Árna Magnússonar
í íslenskum fræðum) er einn þriggja aðila að Tungutæknisetri, ásamt
Málvísindastofnun Háskóla íslands og tækni- og verkfræðideild Há-
skólans í Reykjavík. Setrið sér um vefsetrið www.tungutaekni.is, sem
er upplýsingavefur um íslenska tungutækni og var áður rekinn af
verkefnisstjórn í tungutækni. Vefurinn var frá upphafi hýstur hjá
Skýrr en haustið 2006 var hann settur upp á tölvukerfi Orðabókar-
innar. Eiríkur Rögnvaldsson hefur haft umsjón með vefnum.
Tungutæknisetur gekkst fyrir ráðstefnunni íslensk tungutækni 2006
hinn 26. maí og voru þar fluttir sjö fyrirlestrar um fjölbreytt tungu-
tækniverkefni. Ráðstefnan var haldin í Háskólanum í Reykjavík og
sóttu hana um 50 manns. í desember hófst fyrirlestraröð Tungutækni-
seturs en stjórn setursins áformar að gangast fyrir mánaðarlegum fyr-
irlestrum fram á vor. Stefán Briem reið á vaðið með fyrirlestur um
vélrænar þýðingar, sem rúmlega 60 manns hlýddu á. Á vegum set-
ursins vann Valdís Ólafsdóttir, M.A. í tungutækni, um mánaðarskeið
við uppfærslu og endurbætur á íðorðasafni í tungutækni sem opnað
var í Orðabanka íslenskrar málstöðvar haustið 2005.
Orðabókin og Háskóli íslands héldu áfram þátttöku í Nordisk Net-
ordbog, samstarfsneti um rannsóknir og þróun í tungutækni, einkum
margmála leit á netinu og í gagnabönkum. Aðrir þátttakendur í verk-
efninu eru Háskólinn í Bergen, Kungliga tekniska högskolan (KTH) í