Orð og tunga - 01.06.2007, Page 174

164
Orð og tunga
Stokkhólmi, Háskólinn í Helsinki og Center for sprogteknologi (CST)
í Kaupmannahöfn, sem stýrir verkefninu (verkefnisstjóri Bente Ma-
egaard). Vinnan í verkefninu á árinu fólst einkum í því að vinna úr
ýmsum orðalistum sem aflað hafði verið til að unnt væri að nýta þá
í verkinu. Frumgerð af margmála leitarvél fyrir norræn tungumál (og
ensku) er nú að finna á vefsíðu Norrænu ráðherranefndarinnar,
www.norden.org. Eiríkur Rögnvaldsson tók þátt í verkefninu af ís-
lands hálfu.
Norræn upplýsingasetur um tungutækni og samtök iðnaðarins á
Norðurlöndum sóttu sameiginlega til Norrænu nýsköpunarmiðstöðv-
arinnar um styrk til tveggja ára verkefnis, Nordic ICT and Language, þar
sem ætlunin var að fylgja eftir þeirri stefnu sem mörkuð var í forverk-
efninu NLTNet sem sagt var frá í skýrslu síðasta árs. Styrkurinn fékkst
ekki. Auk þess var umsókn um verkefnið EuroDocNet send inn að nýju
í 6. rammaáætlun Evrópusambandsins. Styrkur fékkst ekki heldur til
þess verkefnis.
Eiríkur Rögnvaldsson
Islenskt orðanet
Frá árinu 2004 hafa Jón Hilmar Jónsson og Þórdís Úlfarsdóttir unnið
að verkefninu íslenskt orðanet. Verkefnið sækir að stofni til efnivið sinn
til orðasambandalýsingarinnar í orðabókunum Orðastað og Orðaheimi
auk orðasambandaskrár Orðabókar Háskólans. Grunnhugmyndin er
sú að rekja megi merkingarvensl innan orðaforðans út frá setningar-
legum og orðmyndunarlegum venslum á milli orða. Með rækilegri
lyklun orðasambanda er byggð upp orðaskrá þar sem einstök orð geta
sameinað mikinn fjölda orðasambanda með merkingarlega samstæðu
orðafari. Sjálf orðaskráin leiðir auk þess í Ijós orðmyndunarleg sam-
kenni sem jafnframt fela í sér merkingarlegan skyldleika. Auk þess er
byggt á orðmyndunarlegum venslum í samsettum orðum og merk-
ingarflokkun samsetninga sem rakin er í Orðastað. Megináhersla er
lögð á samheitavensl en einnig verður gerð grein fyrir lausari merk-
ingarvenslum milli „skyldheita"auk andheitavensla. Greining efnis-
ins og samtenging orðanna fer fram í skipulegum áföngum þannig