Orð og tunga - 01.06.2007, Qupperneq 179

Bókafregnir
169
Stanislav J. Bartoszek, Pawel Bartoszek, Marta Ewa Bar-
toszek. íslensk-pólsk, pólsk-íslensk skólaorðabók. sjb, Reykja-
vík 2006. ISBN 9979-70-219-2. 459 bls.
Nýlega kom á markað íslensk-pólsk, pólsk-íslensk skólaorðabók sem
ætlað er að vera lykill að algengustu orðum í pólsku og íslensku. I
formála kemur fram að fjöldi uppsláttarorða í báðum hlutum er um
25.000 og voru orðin valin með hliðsjón af íslenskum og pólskum orð-
tíðnibókum. Við val flettiorða var hugað að því að bókin kæmi nem-
endum, skólum og almennum notanda að sem mestu gagni og var
því áhersla aðallega lögð á orð og orðasambönd úr daglegu máli en
einnig á orðaforða sem tengist skólastarfi. Aftan við sjálfa orðabókina
er leiðbeiningar fyrir íslendinga um pólskan framburð og sams kon-
ar leiðbeiningar eru á pólsku um íslenskan framburð ásamt stuttum
leiðbeingum um íslenskar beygingar.
Tuomas Járvelá. Suomi-islanti-sanakirkja. Finnsk-íslensk orða-
bók. Helsinki University Press, Helsinki 2006. ISBN 951-
570-651-3. 486 bls.
Þessi nýja finnsk-íslenska orðabók hefur að geyma um 36 þúsund flett-
ur af mörgum sviðum. Markhóparnir eru námsmenn og þýðendur.
Finnsku nafnorðin eru samkvæmt notkun annaðhvort sett fram í
nefnifalli eintölu eða fleirtölu en við íslensku þýðingarnar er gefið
nefnifall og eignarfall eintölu og nefnifall fleirtölu ef um grunnorð er
að ræða. Ekki er getið um beygingar samsettra orða. Við sagnir er gef-
inn nafnháttur og 1. persóna eintala í þátíð framsöguháttar í germynd.
Sérstakur kafli er í bókinni um beygingu sterkra og óreglulegra sagna
(bls. 480-486) en ekki annars er hvorki fjallað um íslenska málfræði né
framburð.