Jólakvöld - 01.12.1928, Page 6

þess að kunngera mönnum kærleika guðs, til þess að vekja and-
svar elskunnar í brjóstum þeirra. Hann er ástgjöf alkærleikans.
Til minningar um fæðing hans höldum vér ár hvert Jólahátíð.
Jólin eru fagnaðar og kærleikshátíð. Aldrei verður samúðar og
kærleiksþels manna eins vart og þá. A jólunum verða allir að
vera glaðir; á jólunum vilja allir vera góðir. Þessi þörf fyrir gleði
annara, þessi þrá eftir góðleik sjálfs sín á rót sína að rekja til
uppsprettu kærleikans, er hin fyrstu jól streymdi inn í mann-
heim.
A jólunum gefa menn hver öðrum gjafir til þess að votta
samhug sinn. Gleymum þá ekki að gjalda þökk fyrir þá gjöf, er
guð hefir gefið oss. Hún sé fagnaðarefni vort um þessi jól og
látum hana vekja andsvar elskunnar í brjósti voru. Þiggjum þá
gjöf með gleði því að hún er gefin af föðurhjarta.
Gle ðileg jól!