Morgunblaðið - 09.07.2016, Blaðsíða 12
12 DAGLEGT LÍF
MORGUNBLAÐIÐ LAUGARDAGUR 9. JÚLÍ 2016
- vinnufatnaður ogöryggisskór.
Vertuvel til fara í
vinnunni!
10.472kr.
13.831kr.
8.143kr.
7.661kr.
10.039kr.
11.831kr.
17.846kr.
8.143kr.
10.472kr.
21.193kr.
17.650kr.
Erla María Markúsdóttir
erla@mbl.is
Helga Kristbjörg, JónÞorsteinn og Jónas Ás-geir vissu hvert af öðruí gegnum harmonikuna
en kynntust ekki fyrr en í náminu
í Kaupmannahöfn. „Við kynntumst
nánar í náminu og náðum svona
líka vel saman og ákváðum að
stofna saman harmonikutríó.
Fyrsta giggið okkar var í neð-
anjarðarlestarstöð og það gekk svo
vel að við héldum áfram,“ segir
Helga Kristbjörg.
Þau koma frá þremur mis-
munandi stöðum á landinu, Helga
Kristbjörg frá Ísafirði, Jón Þor-
steinn úr Skagafirði og Jónas Ás-
geir úr Breiðholti. „Það gerir það
bara skemmtilegra að við komum
alls staðar að, við höfum öll okkar
eigin sambönd og ferðumst um
sveitir hvert annars,“ segir Jónas
Ásgeir, eina borgarbarnið í hópn-
um. Tríóið var einmitt statt á bæn-
um Mýrarkoti í Skagafirði, þar
sem Jón Þorsteinn ólst upp, þegar
blaðamaður náði tali af hópnum.
„Við erum bara hérna á bænum
hjá foreldrum mínum í sveitasæl-
unni. Hér er heitur pottur og gott
að æfa sig,“ segir Jón Þorsteinn.
Fyrstu tónleikar íTríó fóru
fram í Miklabæjarkirkju í gær og
á sunnudag munu þau halda tón-
leika í Norðurljósasal Hörpu, en
tríóið fékk styrk frá Ýli, tónlist-
arsjóði Hörpu fyrir ungt fólk. Hóp-
urinn hefur spilað saman frá því
haustið 2015 og eru þau öll nem-
endur prófessors Geirs Draugsvoll
í Konunglega danska tónlistarhá-
skólanum. Þau hafa komið fram
bæði á klassískum tónleikum sem
og við önnur tilefni. Einnig hafa
þau spilað á meistaranámskeiði
finnska harmonikuprófessorsins
Matti Rantanen.
Óteljandi möguleikar
harmonikunnar
Það verður að teljast sérstakt
að af 14 nemum við harm-
onikudeild skólans eru þrír ís-
lenskir. Eitt af markmiðum tríós-
ins er að opna augu fólks fyrir
möguleikum harmonikunnar og út-
víkka og þróa ímynd hljóðfærisins
á Íslandi og vinna náið með ís-
lenskum tónskáldum. Jafnframt
vilja þau vera ungum tónlistarunn-
endum fyrirmynd, veita þeim inn-
blástur og sýna að harmonikan er
góður valmöguleiki í tónlistarnámi.
En af hverju varð harmonikan fyr-
ir valinu?
„Ég lærði í tónlistarskólanum
á Ísafirði og valdi harmonikuna
eftir að ég fór á hljóðfærasýningu,
mér leist best á hana,“ segir Helga
Kristbjörg. Hún fór síðar í
Listaháskólann þar sem hún var
fyrsti harmonikunemandinn. „Ég
sótti um og það var fenginn kenn-
ari fyrir mig. Eftir útskrift fór ég
að kenna á harmoniku á höf-
uðborgarsvæðinu í tvö ár. Ég
Sýna ótal möguleika
harmonikunnar
Harmónikutríóið íTríó er skipað þremur íslenskum nemum við Konunglega danska
tónlistarháskólann, þeim Helgu Kristbjörgu Guðmundsdóttur, Jóni Þorsteini Reyn-
issyni og Jónasi Ásgeiri Ásgeirssyni. Tríóið vill opna augu fólks fyrir möguleikum
harmonikunnar. Þau héldu sína fyrstu tónleika hér á landi í gær í Skagafirði og munu
endurtaka leikinn í Norðurljósasal Hörpu á morgun, sunnudag.
Úr öllum áttum Helga Kristbjörg, Jón Þorsteinn og Jónas Ásgeir koma hvert
úr sínum landshlutanum en kynntust betur í náminu í Kaupmannahöfn.
Sykurmagn.is er vefsíða á vegum
Embættis landlæknis sem ætluð er
til að efla færni barna og foreldra
þeirra í fæðuvali. „Matvörur sem
eru sérstaklega markaðssettar fyrir
börn eru oft og tíðum ekki þær
æskilegustu fyrir þau,“ segir á síð-
unni. Foreldrar geta hjálpað börn-
unum að læra að velja æskilegar
vörur, t.d. sem innihalda minna af
viðbættum sykri en aðrar sambæri-
legar vörur.
Samnorræna merkið Skráargatið
hjálpar einnig til við að velja hollari
matvörur. Markmið með Skráargat-
inu er að hjálpa neytendum að velja
hollari vöru, þ.e. með minni og holl-
ari fitu, minni sykri, minna salti og
meira af trefjum og heilkorni en
sambærilegar vörur sem uppfylla
ekki skilyrði til að bera merkið.
Á sykurmagn.is eru myndir sem
sýna magn viðbætts sykurs í ýms-
um matvælum. Þar kemur t.d. fram
að í 30 g skál af Cocoa Puffs eru
5,5 sykurmolar, en hver moli er 2 g.
Í 100 g af Cocoa Puffs eru 36,9 g af
viðbættum sykri. Annað dæmi: Í 30
g skál af Cheerios er rúmlega hálfur
sykurmoli. Í 100 g af Cheerios er
4.5 g af viðbættum sykri.
Vefsíðan www.sykurmagn.is
Ljósmynd/sykurmagn.is
Samanburðarmynd Mismunandi magn viðbætts sykurs í morgunkorni.
Fróðleikur um hollustu matvæla
Húlladúllan verður í Hljómskálagarð-
inum frá klukkan 13 – 15 í dag, laug-
ardag, með heila hrúgu af húlla-
hringjum. Hún verður með litla
krakkahringi, hringi fyrir fullorðna og
nokkra risahringi fyrir sérstaklega
hávaxna byrjendur. Það geta allir lært
að húlla og það er ótrúlega gaman.
Húllafjörið og kennslan er ókeypis en
þáttakendur eru hvattir til að leggja
nokkra aura í söfnunarkrukkuna.
Endilega...
...húllið með
Húlladúllunni
Hæfileikar Að húlla er list.
Torfi Tulinius, prófessor í mið-
aldafræðum við Háskóla Íslands,
flytur erindi kl. 16 á morgun, sunnu-
dag 10. júlí, í Bryggjusal í Edinborg,
menningarmiðstöð á Ísafirði. Yf-
irskrift erindisins er Átök og ást-
arraunir fyrir vestan á víkingaöld og
fjallar það um fjörugt ástarlíf á
Vestfjörðum eins og það birtist í
miðaldaheimildum, bæði Íslend-
ingasögum eins og Fóstbræðra
sögu, Gísla sögu, Hávarðar sögu Ís-
firðings og samtíðarsögum eins og
Sturlungu og Hrafns sögu Svein-
bjarnarsonar. Til að rata í sögu þarf
ástin að leiða til átaka en þau eru af
margvíslegu tagi eins og heimildir
sýna. Farið verður vítt og breitt yfir
sviðið og reynt að draga einhverjar
ályktanir af því um menningu á
Vestfjörðum á víkingaöld og miðöld-
um.
Torfi hefur skrifað fjölmargar
greinar og bókarkafla um íslenskar
miðaldabókmenntir og franskar bók-
menntir og er höfundur þriggja
bóka, þ.á m. bókarinnar Skáldið í
skriftinni.
Aðgangur er ókeypis og boðið
verður upp á kaffi og kleinur,
Viðburðurinn er styktur af Upp-
byggingasjóði.
Edinborg – menningarmiðstöð á Ísafirði
Átök og ástarraunir fyrir vestan
á víkingaöld og miðöldum
Ástarsögur Til að rata í sögu þarf ástin að leiða til átaka en þau voru af marg-
víslegu tagi eins og víða má finna stað í heimildum.
Skannaðu kóðann
til að fara inn á
vefsíðuna.