Morgunblaðið - 09.07.2016, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 9. JÚLÍ 2016
Vöruhús veitingamannsins
allt á einum stað
Höfðabakka 9 | 110 Reykjavík | Sími 595 6200 | bakoisberg.is
Opið virka daga kl. 8.30-16.30
Lómur með unga á tjörn við Ólafsvík í blíðviðri í
vikunni. Fuglinn finnst um allt land og verpir við
tjarnir, vötn, ár og læki og oft á vatnsbakka eins
og frændi hans himbriminn. Lómur og himbrimi
eru af brúsaætt og áþekkir, en lómurinn er þó
minni. Hann er auðþekktur af uppsveigðum,
grönnum gogginum. Báðir eru þessir brúsar
ófærir til gangs. Rannsóknir benda til að lómur-
inn haldi til yfir vetrartímann á sundinu milli Ís-
lands og Grænlands, en einnig suður af Hvarfi og
merktir fuglar héðan hafa fundist í Evrópu og á
Bretlandseyjum.
Morgunblaðið/Ómar
Frændurnir lómur og himbrimi eru ófærir til gangs
Með ungviðið á tjörn við Ólafsvík
Að mati starfsmanna Slökkviliðs höfuðborgar-
svæðisins (SHS) er mönnun komin niður fyrir
hættumörk. Álag er orðið of mikið og líkur á að
ekki verði hægt að sinna öllum útköllum eða að
þeim verði sinnt með of fáum mönnum eða utan
ásættanlegra tímamarka.
Þetta kemur fram í ályktun sem samþykkt var á
deildarfundi SHS innan Landssambands slökkvi-
liðs- og sjúkraflutningamanna í vikunni. Þar kemur
fram að fækkað hafi verið á vöktum hjá SHS vegna
sparnaðar. Auk þess hafi nýráðningum á for-
varnarsviði verið frestað.
„Starfsmenn SHS krefjast þess að stjórn SHS tryggi fjármagn til að
fækkun á starfsmönnum geti gengið til baka strax og að unnið verði að því
að efla slökkviliðið á grundvelli þeirrar þjónustu sem því ber að sinna;
slökkvi- og björgunarstarfi, ásamt sjúkraflutningum og forvarnarstarfi,“
segir í ályktuninni.
Fækkað á vöktum og segja mönnun
slökkviliðs komna niður fyrir hættumörk
Eldur Oft þarf að vinna
við erfiðar aðstæður.
Sameiginleg tillaga arkitektastof-
unnar Batteríið-Arkitektar, lands-
lagsarkitektastofunnar Landslags
og verkfræðistofunnar Mannvits bar
sigur úr býtum í samkeppni um
rammaskipulag Lyngássvæðis í
Garðabæ og svæðisins við Hafnar-
fjarðarveg. Alls bárust 11 tillögur og
voru fjórar þeirrar verðlaunaðar, en
það var síðastliðið haust sem bæj-
arstjórn Garðabæjar ákvað að efna
til þessarar hugmyndasamkeppni og
var framkvæmd hennar í samstarfi
við Arkitektafélag Íslands.
Í umsögn dómnefndar um vinn-
ingstillögu segir m.a.: „Sú heild-
arsýn sem sett er fram í tillögunni
svarar að mati dómnefndar best
flestum af þeim áherslum sem settar
eru fram í keppnislýsingu. Umferð-
ar- og göngutengingar, útfærsla
grænna svæða og byggð við Hafn-
arfjarðarveg eru sérstaklega vel
leyst í tillögunni.“
Í umsögn segir að gert sé ráð fyrir
stokkalausn á svæðinu en hug-
myndin gangi upp án hennar. Tillaga
að nýrri aðkomu að Grundum gefi
Hraunsholtslæk aukið vægi þar sem
lækjarsvæðið myndi óslitin græn-
an ás niður að Sjálandi með opnum
tengingum við íbúðabyggð Lyng-
ássvæðis. Hins vegar segir í umsögn
að byggingarmassi og þéttleiki
hverfisins sé heldur mikill og auka
þyrfti hlutfall smærri húsagerða og
fjölbreytni.
Styrki tengsl við miðbæ
Í öðru sæti var tillaga Arkitekta-
stofunnar JTP, Viaplan og Alta ehf.
Tvær arkitektastofur deildu síðan
með sér 3. og 4. sæti en það voru
Arkitektastofurnar Felixx og Jvant-
spijker ásamt verkfræðistofunni
VSÓ ráðgjöf annars vegar og Ask
arkitektar hins vegar.
Formaður dómnefndar var Ás-
laug Hulda Jónsdóttir, bæjarfulltrúi,
og var markmið bæjarstjórnar með
samkeppninni m.a. að móta stefnu
um byggð á svæðinu og vinna raun-
hæfa áætlun um uppbyggingu. Lögð
var áhersla á spennandi íbúð-
arbyggð sem hentaði ungu fjöl-
skyldufólki í hæfilegri blöndu við
verslun, þjónustu og skrifstofubygg-
ingar.
Einnig á góð tengsl við samgöngu-
æðar, útivist og þjónustu. Leitast
verði við að styrkja tengsl miðbæjar
við svæðið við Hafnarfjarðarveg og
norðan hans. Stefnt er að því að
svæðið verði skilgreint sem þróun-
arsvæði til 15 ára í samræmi við
ákvæði skipulagslaga. aij@mbl.is
Sterk heildarsýn
á Lyngássvæðinu
 Niðurstöður í hugmyndasamkeppni í Garðabæ
Samkeppni Hraunsholtslækur liðast um hverfið og við miðsvæði þess verður torg með tjarnarsvæði.
Í kringum 420 strandveiðibátar
voru á sjó daglega í vikunni, en
heimilt er að róa fjóra daga í viku,
frá mánudegi til fimmtudags. Afla-
brögð voru góð og á fyrstu fjórum
dögum strandveiða í júlí fór heildar-
aflinn yfir 1.200 tonn. Að meðaltali
fengust um 660 kíló í róðri.
Á D-svæði strandveiða, það er frá
Höfn til Borgarness, náðist viðmið-
unarafli mánaðarins á þessum fjór-
um dögum og verður því ekki heim-
ilt að stunda strandveiðar á suður-
svæði það sem eftir er mánaðarins.
Venjulegast hefur viðmiðunarafli
fyrst náðst á A-svæði frá Arnar-
stapa í Súðavík, en þaðan sækja
flestir strandveiðar. Þetta mun vera
í fyrsta skipti sem eitthvert svæði
nær kvótanum á undan bátum á A-
svæði. Fæstir hafa dagar í mánuði
orðið á A-svæði í ágúst 2012, en þá
urðu þeir aðeins tveir.
Minni möguleikar á nýliðun
Í vor var leyfilegur afli í strand-
veiðum aukinn í heildina, en eigi að
síður skertur um 200 tonn á suður-
svæði. Þessu hafa félög smábátaeig-
enda á svæðinu mótmælt og í gær
tók sveitarfélagið Hornafjörður
undir kröfur um leiðréttingu á út-
hlutun.
Þar kemur fram að möguleikar til
nýliðunar séu minni á svæði D en
öðrum svæðum. aij@mbl.is
Fá að veiða
í fjóra daga
á suðursvæði
 Yfir 400 strand-
veiðibátar á sjó
Kjördæmisráð Samfylkingarinnar í
Norðvesturkjördæmi hefur boðað til
kjördæmisþings fimmtudaginn 14.
júlí kl. 20 til að ákveða aðferð við val
á framboðslista. Stjórn ráðsins hefur
lagt til að valið verði á listann með
lokuðu flokksvali.
Fundað verður á þremur stöðum á
kjördæmisþinginu, þ.e. í Mennta-
skólanum í Borgarbyggð, Fræðslu-
miðstöð Vestfjarða á Ísafirði og
Samstöðusalnum á Blönduósi, í
gegnum Skype til að gera fólki kleift
að sækja þingið í nærumhverfi sínu.
Ræða aðferð við val á framboðslista