Morgunblaðið - 21.07.2016, Blaðsíða 9

FRÉTTIR 9Innlent
MORGUNBLAÐIÐ FIMMTUDAGUR 21. JÚLÍ 2016
Börkur Gunnarsson
borkur@mbl.is
„Já, þessar snjóflóðavarnir verða að
veruleika, það er búið að gefa út
framkvæmdaleyfi og ég bendi á að
þetta mál er búið að fara í gegnum
þrjár bæjarstjórnir og þetta er
niðurstaðan,“ segir Daníel Jakobs-
son, fyrrverandi bæjarstjóri og nú-
verandi bæjarráðsmaður í Ísafjarð-
arbæ.
Framundan eru miklar fram-
kvæmdir í fjallinu Kubbi þarsem á
að koma upp öflugum snjóflóðavörn-
um sem margir hafa verið á móti
vegna þess að ásýnd fjallsins mun
breytast verulega.
„Svo er það í lögum að það eigi að
koma íbúðarhúsnæði á Íslandi á A-
svæði eða kaupa það upp,“ segir
Daníel. „Miðað við gögnin sem við
höfum haft fyrir framan okkur þá
hefði þurft að kaupa upp tvær blokk-
ir og fimm hús. Uppkaup eru mjög
harkaleg aðgerð. Fjallið verður
vissulega ekki jafn fallegt á eftir en
ég sá engan annan kost, þess vegna
studdi ég þetta. Ég bý undir snjó-
flóðavarnargarði og það er ofboðs-
legt öryggi og góð tilfinning að búa
undir svona garði. Til langs tíma litið
er þetta afskaplega gott. Þótt snjó-
flóðin hafi ekki verið að falla mikið
fram að þessu þá er hættan til staðar
til langs tíma litið.“
Dýr framkvæmd
Þegar rætt er við Hafstein Stein-
arsson, verkefnastjóra hjá Fram-
kvæmdasýslu ríkisins, segir hann að
þessi hluti framkvæmdarinnar muni
kosta 800 milljónir.
Rosalega er það há upphæð, ég
hélt að það kostaði minna að koma
upp svona varnargörðum, er þetta
ekki bara moldarveggur?
„Nei, það eru varnargarðar, þeir
eru þegar komnir upp á svæðinu.
Framkvæmdin núna felst í uppsetn-
ingu upptakastoðvirkja.“
Hvað eru upptakastoðvirki?
„Þá er farið að mögulegum upp-
tökum snjóflóða og komið fyrir varn-
argrindum sem hafa það hlutverk að
koma í veg fyrir að snjóflóð fari af
stað. Það er borað fyrir bergfestum
og svo eru þær steyptar inn. Ofaná
bergfesturnar koma síðan 3-4 metra
háar snjóflóðagrindur. Það er mikill
þyrlukostnaður við að koma stálinu
upp í fjallið.
Þetta eru samskonar stálgrindur
og voru settar upp á Neskaupstað.
Einnig sambærilegt verkefninu á
Siglufirði.“
Hverjir greiða kostnaðinn?
„Ríkið greiðir 90% af þessu en
sveitarfélagið 10%.“
Nú er þetta nýtilkomið þessi
áhersla á snjóflóðavarnir, varð vakn-
ing í þessum málum eftir harmleik-
inn í Súðavík og á Flateyri?
„Já, það má segja að það hafi orðið
vakning í þessum málum eftir þá
harmleiki.“
Ósáttir íbúar Ísafjarðar
„Þetta er breiður hópur íbúa sem
eru á móti þessum framkvæmdum,“
segir Gauti Geirsson, íbúi á Ísafirði.
„Það var margt fólk sem kom með
ýmiskonar ábendingar í umsagnar-
ferlinu og á íbúakynningum.
Þegar fólk sér að það er ekki verið
að taka neitt tillit til þess sem við
kvörtuðum yfir, þá fer fólk að taka
sig saman. Þetta var hannað árið
2005, þannig að þetta er búið að vera
langt ferli. Við höfum verið með und-
irskriftalista og allskonar aðgerðir
en það er ekkert hlustað á okkur.
Maður skilur ekki hvers vegna þeir
eru að halda íbúafundi ef þeir hlusta
síðan ekki neitt á það sem íbúarnir
eru að segja.
En það er mikilvægt að taka það
fram að allir vilja að fyllstu örygg-
iskröfum sé mætt.
En það eru ýmsar aðrar útfærslur
mögulegar sem ekki hafa fengið um-
ræðu. Við vorum að berjast fyrir því
að núverandi garður yrði lengdur.
Samkvæmt fræðunum hefðu að-
eins fjögur hús verið eftir á B-svæði
eftir þá lengingu.
Samkvæmt lögum á að útrýma
húsum á C-svæðum og það er verið
að því en í lögunum stendur að þar
sem landfræðilegar ástæður leyfa
ekki að reisa virki til að koma húsum
á A-svæði, þá mega þau vera á B-
svæði.
Það eru hús á B-svæðum út um
allt land.“
Er fjallið Kubbur ykkur kært?
„Þetta er kennileitið á Ísafirði. Og
þetta eru algjörlega óafturkræfar
aðgerðir sem þeir eru að fara í.
Þetta mun breyta ásýnd fjallsins
verulega um aldur og ævi. Þetta
verður aldrei tekið aftur.
Það er fullt af fólki sem er núna að
koma fram og er óánægt út af þess-
um framkvæmdum, en of seint. Það
átti að stoppa þetta á ákvörðunar-
stigi.“
Kennileitið mun taka breytingum
 Fjallið Kubbur hefur alla tíð verið kennileiti Ísafjarðarkaupstaðar en nú eru að hefjast framkvæmdir
við snjóflóðavarnir í fjallinu, sem munu breyta ásýndinni  Ekki eru allir ánægðir með breytingarnar
Ljósmynd/Gauti Geirsson
Átök Kubbur er eitt fallegasta fjallið við Ísafjarðardjúp en af öryggisástæðum mun ásýnd þess nú breytast.
Tveir spennandi kostir
CLA og CLA Shooting Break
Mercedes-Benz CLA er góður kostur fyrir fólk á ferð og flugi.
Einstaklega öflugur, sportlegur og skemmtilegur í akstri en jafnframt
eyðslugrannur og umhverfismildur. Hann fæst í ótal útfærslum, t.d.
framhjóladrifinn eða með 4MATIC fjórhjóladrifinu, einnig með
aukabúnaði við hæfi hvers og eins. Fyrir þá sem þurfa meira rými er
Shooting Brake hlaðbaksútfærslan kjörin.
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili Mercedes-Benz á Íslandi
Þú finnur „Mercedes-Benz Ísland“
á Facebook
CLA 180 með 7 þrepa sjálfskiptingu
Verð frá 5.500.000 kr.
Eyðir frá 4,0 l/100 km í blönduðum akstri
CLA 180 Shooting Brake með 7 þrepa sjálfskiptingu
Verð frá 5.600.000 kr.
Eyðir frá 4,2 l/100 km í blönduðum akstri