Morgunblaðið - 21.07.2016, Page 13

MORGUNBLAÐIÐ FIMMTUDAGUR 21. JÚLÍ 2016
BÆJARHÁTÍÐIR
GRUNDARFJÖRÐUR
Gunnar Kristjánsson
gunnarkri@simnet.is
Litagleðin ræður ríkjum á bæj-
arhátíðinni Á góðri stundu í
Grundarfirði sem haldin verður nú
um helgina. Eins og hefð er fyrir
verður hverfum bæjarins skipt í
fernt og hefur hvert þeirra sinn
lit, það er gulur, rauður, grænn og
blár. Hafa sameiginlegar skreyt-
ingar í hverfunum tekið mið af
þessu og síðan puntar hver sinn
garð og hús samkvæmt sömu
reglu. Hefur í gegnum tíðina
margur listamaðurinn komið úr
felum hvað skreytingalist varðar.
Sýna sig og sjá aðra
Hátíðin að þessu sinni, sem
verður dagana 23.-26. júlí, er nú
haldin í 19. sinn. Forsagan er sú
að árið 1997 var þess minnst með
hátíðarhöldum að 100 ár voru þá
liðin frá því að verslunarstaðurinn
var fluttur frá Grundarkampi í
Nesið og hét þessi hátíð 100 ár í
Nesinu. Í framhaldi af því ákvað
Félag atvinnulífsins í Grundar-
firði, sem þá var starfandi, að
koma á árlegum viðburði sem
nefndur væri Á góðri stund í
Grundarfirði. Jafnframt var
ákveðið að hátíðin skyldi haldin
síðustu helgi í júlí.
Frá upphafi hefur verið mikill
stemning meðal bæjarbúa fyrir
hátíðinni sem hefur reynst vett-
vangur fyrir brottflutta Grundfirð-
inga og fleiri að koma í heimsókn
þessa helgi til að sýna sig og sjá
aðra. Fermingarárgangar og
bekkjarárgangar nota oft tækifær-
ið til að hittast þessa helgi og
stórfjölskyldur og ættir sameinast.
Skrúðgöngur
mætast á krossgötum
Sem fyrr segir verður Grund-
arfjörður nú sem endranær fjór-
skiptur, og í tilefni af því hafa
ýmsir bryddað upp á sprelli ým-
iskonar. Í rauða hverfinu málaði
einn bílinn sinn rauðan og lét hífa
upp á þakið á húsi sínu svo eitt-
hvað sé nefnt. Annars hefur dag-
skrá hátíðarinnar ávallt tekið mið
af því að þetta sé fjölskyldu-
skemmtun og reynt er að bjóða
upp á eitthvað fyrir alla. Hápunkt-
urinn er annars skrúðgöngurnar á
laugardagskvöldinu, þegar íbúar
hverfa hittast og ganga síðan sam-
an undir merkjum síns hverfislitar
í bæinn. Mætast allar göngurnar á
krossgötum ofan við hafnarsvæðið.
Síðan heldur fólk í hverjum lit fyr-
ir sig niður að höfn þar sem
skemmtileg hátíð er haldin.
Mikil stemning hefur skapast í
þessum litagöngum ár eftir ár.
Um þessa helgi er andrúmsloftið
líka blandað gleði og jákvæðni og
hvort sem þessi hugrif virka langt
út í himingeiminn eða ekki hefur
það sýnt sig að veðrið hefur leikið
við hátíðargesti öll árin sem hún
hefur verið haldin.
Dagskrá hátíðarinnar að þessu
sinni má finna á vef Grundarfjarð-
arbæjar www.grundarfjordur.is
eða á Facebook-síðunni Á góðri
stund í Grundarfirði.
Morgunblaðið/Sigurður Bogi
Höfnin Horft til bæjarins og hér sjást fremst stórar fiskvinnslustöðvar en í baksýn er Kirkjufellið, fjallið sem setur svo sterkan svip á bæinn.
Morgunblaðið/Ómar
Hughrif út í himingeiminn
 Á góðri stundu í Grundarfirði  Listamenn koma úr felum  Brottfluttir mæta á svæðið  Fólkið fer í skrúð-
göngu og mætist á krossgötum  Veðrið leikur jafnan við hátíðargesti  Hátíðarhald á hverju ári frá árinu 1997
Kátína Meðal Grundfirðinga er bæjarhátíðin einn af hápunktum ársins. Flestir hlakka til, því góðra vina fundur er jafnan uppskrift að góðri stundu sem mun lifa í minningum fólksins.
Grundarfjörður Fjölmenni á hafnarsvæðinu þar sem svo margir atburðir á bæjarhátíðinni fara fram.