Morgunblaðið - 21.07.2016, Page 14

14
MORGUNBLAÐIÐ FIMMTUDAGUR 21. JÚLÍ 2016
BÆJARHÁTÍÐIR GRUNDARFJÖRÐUR
Gunnar Kristjánsson
gunnarkris@simnet.is
Það eru ekki mörg ár síðan fyrsta
myndin af Kirkjufellinu birtist í er-
lendu ljósmyndatímariti, sem síðan
fór sem eldur í sinu um netheima.
Allt í einu var Grundarfjörður kom-
inn á kortið og þá sérstaklega vegna
myndarinnar þar sem Kirkjufells-
fossinn var í forgrunni og fellið fal-
lega, sem er táknmynd Grund-
arfjarðar, í bakgrunni. Þetta leiddi
til þess að æ fleiri lögðu leið sína að
fossinum. Fyrir um tveimur árum
var orðið ljóst að gera þyrfti brag-
arbót á aðkomu allri og þá ekki síst
út frá verndunarsjónarmiði.
Grundarfjarðarbær fékk úthlutað
styrk úr Framkvæmdasjóði ferða-
manna og var farið í uppbyggingu
við fossinn. Ráðist var í gerð bíla-
stæðis neðan við Kirkjufellsfossinn,
girt var með þjóðveginum og lagðir
göngustígar upp að fossinum. Stöð-
ugur straumur fólks hvaðanæva úr
heiminum og svo Íslendingar innan
um og saman leggja leið sína upp að
fossinum og eru með myndavélar af
ýmsum stærðum og gerðum.
Frá fjalli til fjöru
Þriðjudagurinn 19. júlí var bara
venjulegur dagur, óvenju mildur, en
veðrið virðist ekki skipta þá máli
sem vilja komast að fossinum og það
er sama á hvaða tíma dagsins er
keyrt fram hjá, bílastæðið löngu
sprungið og bílum er raðað á bakk-
ann við sjóinn hægra megin þjóð-
vegar. Fólkið sem þarna fer um virð-
ist njóta þessa staðar og tekur
sjálfsmyndir frá ýmsum sjón-
arhornum eða biður næsta mann að
taka mynd af hópnum. Svona er
þetta hvern einasta dag sumar, vet-
ur vor og haust, og ferðamanna-
straumurinn við Kirkjufellsfossinn
er eins og áin sem hér fellur frá fjalli
til fjöru; alveg endalaus.
Endalaus straumur við Kirkjufellsfoss
 Ljósmynd gerði fossinn frægan  Aðstaðan er bætt  Sjálfsmyndir teknar frá ýmsum sjónarhornum
 Grundarfjarðarbær lagði í framkvæmdir til að fyrirbyggja skemmdir af völdum umhverfisálags
Morgunblaðið/Gunnar Kristjánsson
Náttúra Fossinn fagri sem er skammt utan við Grundarfjörð lætur ekki mikið yfir sér í þessu stórbrotna umhverfi.
Morgunblaðið/Sigurður Bogi
Spilverk Hljóðfæraleikarar í stórbrotnu umhverfinu við Grundarfjörð.
Morgunblaðið/Gunnar Kristjánsson
Umferð Aðstaðan hefur verið bætt og bílastæðum fjölgað, því þarna koma margir bæði á einkabílum og rútum.
Tvö stór skemmtiferðaskip, Costa
Romantica og Pacific Princess,
koma til Grundarfjarðar á morgun
og með þeim um 2.800 farþegar.
Þetta er einn af stærstu skemmti-
skipadögunum í Grundarfirði á
þessu ári þegar þangað koma alls 28
skip. „Þetta er sami fjöldi og í fyrra,
en yfir lengra tímabil er aukningin
mikil. Árið 2014 voru skipin fimmtán
en hin fyrstu komu hingað í kringum
aldamótin,“ segir Hafsteinn Garð-
arson hafnarstjóri.
„Við settum kraft í markaðs-
starfið og fórum að kynna Grund-
arfjörð fyrir útgerðum skemmti-
ferðaskipa. Sú vinna hefur svo
sannarlega skilað sér,“ segir Haf-
steinn. Skipakomurnar segir hann
vera orðnar póst í rekstri hafn-
arinnar sem sannarlega muni um –
rétt eins og fyrir ferðaþjónustuna á
Snæfellsnesi. Ætla megi að velflestir
farþeganna til dæmis í skipunum
sem koma á morgun fari í land og
spóki sig á götunum í Grundarfirði.
Einnig fari margir með rútum til
dæmis inn í Stykkishólm eða á ut-
anvert Nesið og umhverfis kynngi-
magnaðan Snæfellsjökul.
Á rúnti um Norður-Atlantshafið
Skipin sem koma til Grund-
arfjarðar taka gjarnan um 200-300
farþega, þó sum séu stærri. Oft eru
þessi skip á skipulögðum rúnti um
Norður-Atlantshafið, þar sem Ís-
land, Grænland og Jan Mayen eru
viðkomustaðir. „Oft er áætlunin sú
að skipin fara umhverfis Ísland -
rétt- eða rangsælis og koma þá til
Ísafjarðar, Grundarfjarðar og
Reykjavíkur,“ segir Hafsteinn og
bætir við að siglingar séu valkostur
sem njóti vaxandi vinsælda ferða-
manna. Þegar séu bókaðar 25 skipa-
komur til Grundarfjarðar á næsta
ári og ein árið 2026 er komin á blað.
sbs@mbl.is
Morgunblaðið/Siguður Bogi
Glæsiskip Skemmtiskipið Albatros kom til Grundarfjarðar í maí. Farþegar fór í land með litlum bátum.
Þúsundir farþega væntanlegar
 Tvö stór skemmtiferðaskip til Grundarfjarðar á morgun  28
skip eru væntanleg á þessu ári  Fólkið spókar sig á götunum
Morgunblaðið/Gunnar Kristjáns
Hafnarstjóri Það munar um komu
skipanna, segir Hafsteinn.
Grundarfjörður er öðru fremur út-
gerðarstaður. Þar eru starfrækt
þrjú stór sjávarútvegsfyrirtæki
sem skapa mörgum atvinnu og af-
urðir frá þeim eru seldar víða. Í því
sambandi má nefna fiska.is, fyr-
irtæki hins velþekkta Grundfirð-
ings Árna Elvars Eyjólfssonar.
Hann hefur í áraraðir hefur selt
fisk og ýmislegt annað matarkyns í
Kolaportinu í Reykjavík og nú við
Brekkuhús í Grafarvogi og Nýbýla-
veg í Kópavogi.
Í dag búa um 850 manns í
Grundarfirði, en byggðarlaginu
hefur um margt vaxið ásmegin á
undanförnum árum. Það nýtur þess
meðal annars að vera miðsvæðis á
Snæfellsnesi og þess vegna var t.d.
Fjölbrautaskóla Snæfellinga þar
valinn staður. Þá hefur ferðaþjón-
usta á svæðinu verið í sókn, enda
margt að sjá og skoða á þessum
slóðum.
Sett sinn svip
Ýmsir sem sett hafa svip sinn á ís-
lenskt samfélag á síðustu ár eru úr
Grundarfirði. Þar má nefna Þór-
hildi Ólafsdóttur, útvarpskonu á
RÚV, Hlyn Bæringsson körfubolta-
mann, Lilju Mósesdóttur, hagfræð-
ing og fyrrverandi alþingismann,
og Dögg systur hennar sem er kvik-
myndagerðarmaður. Þá var Karl V.
Matthíasson, sóknarprestur í Graf-
arholti í Reykjavík, lengi prestur
Grundfirðinga. sbs@mbl.is
Morgunblaðið/Sigurður Bogi
Kolaportið Fisksalinn Árni Elvar Eyjólfsson er Grundfirðingur.
Fiskur og nokkrir frægir
Margt á rætur að rekja í Grundarfjörðinn