Morgunblaðið - 19.08.2016, Side 33

MENNING 33
MORGUNBLAÐIÐ FÖSTUDAGUR 19. ÁGÚST 2016
Davíð Már Stefánsson
davidmar@mbl.is
„Þetta eru þrennir tónleikar sem
við munum koma fram á. Fyrstu
tónleikarnir eru í í hinni fornu
Southwork Cathedral niðri við
London Bridge í dag klukkan 15.
Svo eru stórir tónleikar á mánudag-
inn í Norfolk á tónlistarhátíðinni
The North Norfolk Music Festival.
Þeir hefjast klukkan 22. Síðustu
tónleikarnir eru svo þann 23. ágúst
í Cambridge,“ segir klarinettuleik-
arinn og söngvarinn Einar Jóhann-
esson en hann er um þessar mundir
staddur með miðaldasönghópnum
Voces Thules í Englandi. Hann
mun þar að auki koma fram ásamt
sópransöngkonunni Ingibjörgu
Guðjónsdóttur og enska píanóleik-
aranum Benjamin Frith með bland-
aða dagskrá af íslenskum söng-
perlum, klarínettusmellum og
aríum á mánudeginum.
Þorlákstíðir fá að njóta sín
„Við í Voces Thules höfum verið
að vinna mikið efni úr Sturlungu og
til að mynda verið mikið að velta
fyrir okkur draumum og fyr-
irboðum fyrir Örlygsstaðabardaga.
Það er einkar áhugavert fyrirbæri
að fólki skuli dreyma sömu hlutina
þó að það sé fjarri hvert öðru. Við
verðum einnig með kirkjulega tón-
list á tónleikum okkar og eru verk
úr Þorlákstíðum þar á meðal. Við
höfum lagt mjög mikla vinnu í það
að æfa og gefa út Þorlákstíðir en
verkið tekur um þrjá klukkutíma að
flytja í heild. Við verðum þó aðeins
með nokkra messuþætti og lög úr
heildarverkinu. Við verðum einnig
með nokkra gamla vikivaka. Það
kann eflaust enginn að dansa viki-
vaka lengur en þetta var klárlega
rokkið á sínum tíma,“ segir Einar
kíminn en hann mun, eins og áður
segir, einnig koma fram ásamt
söngkonunni Ingibjörgu Guðjóns-
dóttur.
„Ég verð ekki við eina fjölina
felldur á mánudeginum því ég verð
einnig með þessa tónleika, sem
klarínettuleikari, með Ingibjörgu.
Það er skemmtileg tilbreyting þar
sem ég er söngvari og trumbuslátt-
armaður með Voces Thules. Ingi-
björg er eins og flestir vita ein af
okkar allrabestu söngkonum og svo
verður þarna enskur píanóleikari
með okkur sem er þekktur maður í
sínu heimalandi, búinn að gefa út
fullt af hljómplötum. Ingibjörg mun
meðal annars syngja nokkrar
ítalskar aríur sem hún gerir af mik-
illi snilld. Svo endum við konsertinn
með verki eftir Mozart fyrir sópr-
an, klarínett og undirleik,“ segir
hann.
Samstarf sem á sér framtíð
„Á þriðjudeginum keyrum við
síðan til Cambridge, sem er ekkert
svo langt frá kirkjunni sem við
verðum í á mánudagskvöldinu. Við
munum þar koma fram í kirkju í
miðri borginni. Þar verður ekki al-
veg jafn viðamikil dagskrá og í
Norfolk en tónleikarnir verða um
klukkustund að lengd,“ segir Einar
en hann kveður það einkar ánægju-
legt að hafa dagskrána á þessu tón-
leikaferðalagi svona þétta.
„Við fórum til dæmis til Japans
fyrir nokkrum árum og vorum þar í
rúmlega hálfan mánuð og vorum
með tuttugu tónleika. Það var mjög
fjörugt,“ segir hann. Einar kveður
kveikjuna að tónleikaferðalaginu
um England vera þá að fyrir tveim-
ur árum hafi honum boðist að taka
þátt í skemmtisiglingu á stóru skipi
frá Newcastle í Englandi norður til
Íslands, kringum landið og til baka
aftur.
„Þeir sem réðu mig í það ferða-
lag eru menningarferðamálafröm-
uðir sem reka fyrirtæki sem ferðast
með hópa fólks á skemmti-
ferðaskipum sem bjóða upp á klass-
íska tónlistardagskrá. Við Ingibjörg
tókum þátt í þessu fyrir tveimur ár-
um síðan og erum því komin í
gegnum það til Englands aftur. Ég
fékk síðan félaga mína í Voces Thu-
les til að koma með. Það verður síð-
an eitthvert framhald á þessu því
þessir menn ætla að koma til Ís-
lands í mars og halda fyrirlestur
við Listaháskólann þar sem ég er
kennari. Við munum þá hafa mál-
þing um menningarferðamennsku
og reyna að opna augu okkar að-
eins fyrir því hvað hægt sé að gera
með þetta flóð af ferðamönnum sem
sækir Ísland,“ segir hann að lokum.
Vikivakar rokk síns tíma
 Hópurinn Voces Thules kemur fram á þrennum tónleikum á Englandi um helgina
 Miðaldarsöngvar innblásnir af Sturlungu og Örlygsstaðabardaga fá að njóta sín
Tónleikaferðalag Miðaldasönghópurinn Voces Thules kemur fram á þrennum tónleikum í Englandi um helgina.
Efnt verður til
mikillar hip
hop-veislu á
morgun á
horni Vatns-
stígs og Hverf-
isgötu, en þá
koma fram
heilir sjö rapp-
arar. Á tón-
leikunum
verður
skemmtileg blanda af ungum og
efnilegum listamönnum og reynd-
ari röppurum, en þeir sem koma
fram eru Gísli Pálmi, Aron Can,
GKR, Young Nazareth, Beige Boys,
Krabba Mane, Nodle og Bróðir
BIG. Tónleikarnir eru haldnir í
samstarfi við Húrra Reykjavík.
Efnt til hip hop-veislu
Rappari Gísli Pálmi
stígur m.a. á svið.
„Ég er að vinna í nýju efni sem er
meira „accoustiskar“ pælingar og
kannski nær þjóðlagastíl,“ segir
Markús Bjarnason tónlistarmaður,
en hann spilar í Frystiklefanum,
Hafnargötu 16 á Rifi, í kvöld kl. 20.
Teitur Magnússon tónlistarmaður
kemur einnig fram á tónleikunum
og leikur nýsamin og áður óheyrð
lög í bland við lög af sólóplötu sinni
27. Aðgangseyrir er 2.000 krónur
og verða plötur listamannanna fá-
anlegar á staðnum.
„Við spilum ekki saman heldur í
hvor í sínu lagi – ekki nema það
gerist óvart í stemningunni,“ segir
Markús léttur í bragði en hann leit-
aði eftir því við Teit að þeir heim-
sæktu Rif og héldu þar tónleika
með gítarinn einan að vopni. „Það
er alltaf að verða sjaldnar sem mað-
ur drífur sig út á land að spila og
við viljum endilega að heimamenn
komi á tónleikana þó svo að það sé
líka gaman að spila fyrir ferða-
mennina,“ segir hann en það sé allt-
af gefandi að spila fyrir nýja áheyr-
endur.
„Teitur er alltaf með einhverja
galdra á sviðinu og ég vona að ég sé
með það líka,“ segir Markús en
þegar tónlistin sé svo berstrípuð,
bara maður og hljóðfæri, skipti
áhorfendurnir enn meira máli.
Hægt er að nálgast frekari upp-
lýsingar um tónleikana á Facebook-
síðunni /frystiklefinnrifi.
laufey@mbl.is
Fjör í frystiklefanum Markús heldur tónleika ásamt Teiti Magnússyni í Frystiklefanum á
Rifi í kvöld. Þeir bjóða upp á berstrípaða tónlist með nýju efni frá þeim báðum.
Teitur og Markús stíga á svið með
nýtt efni í Frystiklefanum á Rifi
HELL OR HIGH WATER 5:50, 8, 10:10
NERVE 10:10
SAUSAGE PARTY 8, 10:10
LEYNILÍF GÆLUDÝRA 2D ÍSL.TAL 4, 6
LEYNILÍF GÆLUDÝRA 3D ÍSL.TAL 4
LEYNILÍF GÆLUDÝRA 2D ENS.TAL 4, 6
BAD MOMS 8
LAUGARÁSBÍÓ Sýningartímar
Miðasala og nánari upplýsingar
TILBOÐ KL 4
MARC O’POLO STORE
Kringlan Shopping Center
Kringlan 4–12
Reykjavik