Morgunblaðið - 19.08.2016, Síða 36

FÖSTUDAGUR 19. ÁGÚST 232. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Sundmenn stöðvaðir á leið úr landi
2. 5 hlutir sem þú ert að gera vitlaust …
3. „Hey Zac Efron, ég sá hana fyrst“
4. Hef verið svolítið þekktur fyrir þetta
»MEST LESIÐ Á mbl.is
FÓLK Í FRÉTTUM
 Ljósmyndir sem teknar voru við
tökur á nýjustu kvikmynd Baltasars
Kormáks, Eiðurinn, eru efni fyrstu
einkasýningar ljósmyndarans Lilju
Jónsdóttur en hún vann sem ljós-
myndari á tökustað við gerð mynd-
arinnar sem frumsýnd verður hér á
landi í næsta mánuði. Sýningin var
opnuð í dag í Gym og Tonic á KEX
Hostel.
Lilja hefur verið viðloðandi ýmis
störf í íslenskum kvikmyndaiðnaði í
um 15 ár en þess á milli hefur hún
starfað sem ljósmyndari í Bretlandi.
Hún hefur tekið myndir á tökustað í
sjónvarpsseríunni Ófærð og vinnur
nú í nýrri þáttaröð, Föngum.
Ljósmyndir úr nýj-
ustu mynd Baltasars
 Þegar síðustu flugeldarnir þagna
og barnavagnarnir halda heim á leið
ætlum við að halda eitt stærsta
partý ársins á Nasa. Þetta segir á fa-
cebook-síðu tónleika sem fram fara
á menningarnótt, laugardaginn kl.
20, á Nasa en þar koma fram þeir
Emmsjé Gauti, Úlfur Úlfur og GKR.
Miðar kosta 2000 krónur í forsölu
sem fram fer á Enter.is. Húsið verður
opnað á miðnætti og er 20 ára ald-
urstakmark.
Emmsjé Gauti tekur lög af nýút-
gefinni plötu sinni,
Vagg og Velta. Úlfur
Úlfur mun einnig
taka öll sín þekkt-
ustu lög í bland við
það sem verður á
næstu plötu og lof-
ar GKR „flug-
eldasýningu“ á
sviðinu.
Emmsjé Gauti, Úlfur
Úlfur og GKR á Nasa
Á laugardag Norðaustan 8-13 m/s og skýjað úti við norður- og
austurströndina, en annars hægari og bjartviðri. Hiti 10 til 18 stig,
hlýjast inn til landsins.
SPÁ KL. 12.00 Í DAG Norðaustlæg eða breytileg átt, víða 3-8 m/s
og bjartviðri, en þokubakkar við austurströndina og á annesjum
norðantil. Hiti víða 12 til 18 stig.
VEÐUR
„Hún er mjög líkamlega
sterk, mjög áræðin og lætur
finna vel fyrir sér. Ana hefur
mikið skap og ég held bara
að hún sé mesti íþrótta-
maður sem ég hef kynnst.
Hún er bara rosa flottur
íþróttamaður og góð í fót-
bolta líka, þannig að þetta
helst allt í hendur,“ segir
Harpa Þorsteinsdóttir,
Stjörnukona, um samherja
sinn, Ana Victoria Cate,
leikmann 12. umferðar. »4
Flottur íþrótta-
maður og félagi
Hlynur Bæringsson, fyrirliði karla-
landsliðsins í körfuknattleik, segir í
samtali við Morgunblaðið mestar lík-
ur vera á því að hann
verði áfram í Sví-
þjóð eins og síð-
ustu sex árin.
„Ég hef at-
hugað hvað
ég get fengið
í Svíþjóð en
ég er ennþá
að spá í
þetta. Ég hef
ekkert reynt
að selja mig
annars staðar í
Evrópu og er ekk-
ert að sækjast
eftir því,“ sagði
Hlynur meðal ann-
ars en hann útilokar
ekki að spila hér
heima. »1
Hlynur telur líklegast að
hann spili í Svíþjóð
Dagur Sigurðsson og Guðmundur
Þórður Guðmundsson eru komnir
með landslið sín í undanúrslit hand-
knattleikskeppni karla á Ólympíu-
leikunum í Ríó í Brasilíu. Morg-
unblaðið ræddi við lærisveina
þessara snjöllu þjálfara sem stýra
liðum sínum, landsliðum Þýskalands
og Danmerkur, í undanúrslitum leik-
anna í kvöld. »4
Dagur og Guðmundur í
undanúrslitum á ÓL
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Strandveiðunum er lokið í ár og
karlarnir farnir að huga að öðru.
„Þetta gekk ágætlega, betur en áð-
ur,“ segir Brynjar Júlíusson, veiði-
maður á Seyðisfirði, en hann byrj-
aði á strandveiðum fyrir fjórum
árum.
Brynjar vann hjá ÁTVR í um 45
ár, var útsölustjóri á Seyðisfirði,
síðan á Egilsstöðum og svo aftur á
Seyðisfirði. Hann hætti sem út-
sölustjóri áfengisins fyrir um fimm
árum og fljótlega eftir það keypti
hann sér hraðfiskibátinn Júlla NS,
sem hann gerir út.
Strandveiðarnar hafa ekki gengið
vel fyrir austan í maí en síðan hef-
ur ástandið lagast eftir því sem á
hefur liðið sumarið. Brynjar segir
að í byrjun hafi hann verið að fram
í september að ná skammtinum en
nú hafi aðeins verið þrír veiðidagar
í ágúst. „Þetta var allt annað líf,
góður fiskur og fín veiði,“ segir
hann um þorskaflann. Bætir við að
veðrið hafi verið þokkalegt og þoka
af og til hafi bara verið sem krydd í
tilveruna.
Júlli NS gengur 20 mílur og seg-
ir Brynjar það hafa mikið að segja.
Slóðin sé einkum um 15 mílur út
frá Dalatanga og fjörðurinn sé um
sjö til átta mílur að auki. „Ég er
um klukkutíma á miðin en félagar
mínir eru ekki á eins hraðskreiðum
bátum og eru yfir tvo tíma. Það
munar um minna þegar útilegan
má ekki vera nema 14 tímar í
senn.“
Sjómannslífið alltaf heillað
Sjómannslífið blundar í mörgum
og þar er Brynjar ekki undantekn-
ing. „Þegar ég var ungur fannst
mér gaman á sjó og þá ætlaði ég
mér að verða sjómaður en einhvern
veginn æxluðust málin öðruvísi,“
rifjar hann upp. Var samt á vertíð-
um í Vestmannaeyjum á Höfn og
skellti sér af og til á sjóinn. „Ég
var bara svo mikill ræfill, var alltaf
sjóveikur og náði veikinni ekki úr
mér.“
Brynjar hefur ekki alveg sagt
skilið við áfengið, sinnir svæð-
isstjórn á Austfjörðum, annast taln-
ingu og fleira. „Ég hef gjarnan sagt
að maður hættir ekki í brennivíninu
einn, tveir og þrír, heldur er maður
lengi að komast út úr þessu. Það
háir mér samt ekki og eftir að ég
hætti sem útsölustjóri hef ég næg-
an tíma til þess að leika mér í veið-
inni.“ Veiðimaðurinn Brynjar hefur
verið í veiðifélaginu Geldingahnappi
í 21 ár. „Ætli ég reyni ekki að
draslast á svartfugl í kringum ára-
mótin, en næst á dagskrá er að fara
á hreindýr,“ segir veiðimaðurinn.
Veiðimaður í frístundum
 Strandveiðar,
hreindýr, svart-
fugl og fleira
Morgunblaðið/Sigurður Aðalsteinsson
Strandveiðimaðurinn Brynjar Júlíusson, fyrrverandi útsölustjóri ÁTVR, á strandveiðum á Júlla NS á Seyðisfirði.
Veiði Næst á dagskrá hjá Brynjari er að fara á hreindýraveiðar.