Morgunblaðið - 03.09.2016, Blaðsíða 47

MENNING 47
MORGUNBLAÐIÐ LAUGARDAGUR 3. SEPTEMBER 2016
Benni Hemm Hemm
hefur gefið út nýja
plötu, Skordýr, og er
hún 22 laga, hvorki
meira né minna. Platan
er eingöngu ínáanleg á
netinu.
TÓNLIST
Arnar Eggert Thoroddsen
arnareggert@arnareggert.is
Benni Hemm Hemm hefur verið
virkur í íslensku tónlistarlífi um ára-
tugaskeið en Skordýr brýtur að vissu
leyti blað í útgáfusögu hans. Í þetta
sinnið, t.d., lætur hann alveg vera að
pakka tónlistinni inn í efnislegan bún-
ing, hana er einvörðungu hægt að
nálgast í gegnum
netveitur eins og
Spotify, Youtube
og iTunes. Á you-
tube eru skrítin
og skemmtileg
myndbönd við
lögin og Skordýr
er jafnframt ljóðabók, hans fyrsta.
Þessir miðlar og verklagið í
kringum þá er nýtt hvað Benna varð-
ar. Í viðtali við Guðna Tómasson hjá
Fréttatímanum talar Benni um að
Skordýr fjalli dálítið um að sleppa
Blöðrur og
baldursbrár
Morgunblaðið/Golli
Netvænn Tónlistarmaðurinn Benni Hemm Hemm stendur á bak við plötuna Skordýr.
tökunum og leyfa hlutunum að gerast.
Ljóðabókin hafi eiginlega orðið til af
sjálfu sér og þegar hann hafi hætt að
segja við sjálfan sig að hann kynni ekki
að búa til ljóð hafi þau loksins fengið líf.
„Ég tók lögin upp án þess að vera
búinn að læra þau, gaf út ljóðabók án
þess að kunna á hefðir ljóðsins og svo
verða tónleikarnir ekki æfðir,“ segir
Benni og vísar í tónleika sem fram fara
í Mengi um helgina (tvennir þeirra fara
fram í dag, kl. 15.00 og 21.00). „Orkan
verður önnur og maður er eiginlega
eins berskjaldaður og maður getur
mögulega verið.“
Og já, þessi aðferðafræði, svo ég
einbeiti mér að plötunni, er að skila sér
í mjög áhugaverðri plötu. Í þessum
eyrum hljómar þetta jafnvel eins og
það besta sem Benni hefur gert og það
er ekki eins og hann hafi sent frá sér
eitthvert slor í gegnum tíðina. Það er
einhver galdur hérna, mögulega og lík-
lega vegna þessa frjálsræðis sem ligg-
ur yfir plötunni.
Benni leyfir sér allt mögulegt í
gegnum lögin 22. Það er svona „White
Album“ keimur yfir. Tónlistarlega
koma líka tvö nöfn upp í hugann á
stundum, Syd Barrett og Incredible
String Band (hámarks hrós!). Í tilfelli
þess fyrstnefnda þá er svipaður „af-
strakt“ blær yfir, lögin fara stundum
skyndilega í óvænta átt, melódíunum
er leyft að hanga furðulega yfir, söng-
urinn fer ekki endilega í þær áttir sem
maður átti von á og það er strömmað á
naumhyggjulegan hátt út í loftið (sjá
t.d. „Opel“ eftir Barrett svo þið áttið
ykkur á samlíkingunni). Snilld. Síð-
arnefndu sveitina tiltek ég vegna þjóð-
lagablæsins sem er oft yfir lagasmíðum
Benna en einnig þessa afstrakt eigin-
leika sem er og að finna hjá Barrett.
Platan hefst á „Góðan daginn“
sem er rafræn, myrk stemma – alls
ólík því sem við eigum að venjast frá
Benna en það er einmitt málið!
„Dauðar Baldursbrár“ er næsta lag,
hefðbundnara í forminu, dægiljúft og
Barrett-legt. Á bak við gára ókenni-
legar raddir og þrátt fyrir venjuleg-
heitin er líka eitthvað undarlegt í
gangi. Þetta á við um margt hér og gef-
ur plötunni styrk. „Slökkt ljós“ tekur
við, hart og hrátt lag sem virðist ætla
að klessukeyrast á hverri sekúndu. Og
svo má telja. Titillagið er sautján mín-
útna ópus, „Þá þá nei nei“ einkennist af
texta, eins og Benni sé að tala við sjálf-
an sig. „Baktería“ er ósungið tilrauna-
dútl á meðan „Ísjaki“ er ofurmelódískt.
Byrjunin minnir smá á „The Power of
Love“ með Frankie Goes To Holly-
wood (hér á að vera broskall).
Ég mæli eindregið með þessari
plötu, strákurinn hitti á einhvern gald-
ur í ferlinu, það er ljóst. Það borgar sig
að sleppa.
» Í þessum eyrumhljómar þetta jafnvel
eins og það besta sem
Benni hefur gert og það
er ekki eins og hann hafi
sent frá sér eitthvert
slor í gegnum tíðina.
Tvær einkasýningar verða
opnaðar í Anarkíu í Kópa-
vogi í dag kl. 16.
Jóhanna V. Þórhalls-
dóttir opnar sýninguna
Fljóð og fossar og Sævar
Karl opnar Made in Reykja-
vik.
„Jóhanna þekkir af eigin
raun það afl sem býr í
brjósti hverrar konu sam-
stilltum hópi kvenna Í
myndum Jóhönnu sækir
konan yfirnáttúrulegan
kraft inn í vatnsflaum fossanna og samsamast þeim,“ segir um sýningu Jó-
hönnu. Hún tekur lagið ásamt vinum sínum úr heimi djassins við opnunina
auk þess sem Léttsveit Reykjavíkur syngur.
„Mannslíkaminn er listamanninum hugleikinn sem og staðsetning í
rými,“ segir um sýningu Sævars Karls, en þar má sjá nýjar fígúratívar
myndir sem þykja ólíkar fyrri verkum höfundar.
Tvær einkasýningar opnaðar í Anarkíu
Bíó Paradís sýnir um helgina sviðs-
upptöku af Ríkarði þriðja eftir
William Shakespeare í uppfærslu
Almeida-leikhússins í London. Í
hlutverki illmennisins fræga er
Ralph Fiennes, en Margréti drottn-
ingu leikur Vanessa Redgrave.
Leikstjóri uppfærslunnar, sem
hlaut góðar viðtökur breskra gagn-
rýnenda, er Rupert Goold.
Í verkinu fjallar Shakespeare um
pólitíska valdabaráttu um bresku
krúnuna á 16. öld. „En inntak Rík-
arðs þriðja er ekki hið sögulega
samhengi heldur sjálf valdabar-
áttan og hin sjúklega illska sem
henni getur fylgt,“ segir í tilkynn-
ingu frá Bíó Paradís. Aðeins verða
tvær sýningar um helgina, í kvöld
og annað kvöld, kl. 20 báða daga,
en sýningin er þrjár og hálf klukku-
stund að lengd.
Ralph Fiennes túlkar Ríkarð þriðja
Konungur Ralph Fiennes sem illmenni.
Viðskiptavinir í Vildarþjónustu
Arion banka fá Leikhúskort
Þjóðleikhússins á sérstökum kjörum.
Kynntu þér málið á arionbanki.is
Dýrmæt upplifun
á góðu verði
MAMMA MIA – „Stórkostlegt“ HA Kastljós.
AUGLÝSING ÁRSINS – ★★★★ – M.G. Fbl.
MAMMA MIA! (Stóra sviðið)
Fös 9/9 kl. 20:00 Fös 23/9 kl. 20:00 Fim 6/10 kl. 20:00
Lau 10/9 kl. 20:00 Lau 24/9 kl. 20:00 Fös 7/10 kl. 20:00
Sun 11/9 kl. 20:00 Sun 25/9 kl. 20:00 Lau 8/10 kl. 20:00
Fös 16/9 kl. 20:00 Fös 30/9 kl. 20:00 Sun 9/10 kl. 20:00
Lau 17/9 kl. 20:00 Lau 1/10 kl. 20:00 Fim 13/10 kl. 20:00
Sun 18/9 kl. 20:00 Sun 2/10 kl. 20:00 Fös 14/10 kl. 20:00
Gleðisprengjan heldur áfram!
Blái hnötturinn (Stóra sviðið)
Lau 24/9 kl. 13:00 Frums. Lau 1/10 kl. 13:00 3. sýn Lau 8/10 kl. 13:00 5. sýn
Sun 25/9 kl. 13:00 2. sýn Sun 2/10 kl. 13:00 4. sýn
Verðlaunasaga Andra Snæs Magnasonar
Sending (Nýja sviðið)
Lau 10/9 kl. 20:00 Frums Fös 16/9 kl. 20:00 3. sýn Mið 21/9 kl. 20:00 5. sýn
Fim 15/9 kl. 20:00 2. sýn Lau 17/9 kl. 20:00 4. sýn
Nýtt verk eftir Bjarna Jónsson
Njála (Stóra sviðið)
Fim 29/9 kl. 20:00 Mið 5/10 kl. 20:00 Mið 12/10 kl. 20:00