Fréttablaðið - 15.09.2016, Page 12

Evrópusambandið Jean-Claude
Juncker, forseti framkvæmda-
stjórnar Evrópusambandsins, flutti
hina árlegu stefnuræðu sína í þing-
sal Evrópusambandsins í Strassborg
í gær.
Þar fór hann yfir þær breytingar,
sem hann telur helst þurfa að gera
á starfsemi Evrópusambandsins
á næstunni. Ræðan var að megin-
uppistöðu langur listi yfir loforð og
hugmyndir um breytingar sem gera
þurfi í ljósi þeirra erfiðleika sem
sambandið stendur nú frammi fyrir.
Hann hóf mál sitt með því að
segja að ástandið væri langt frá því
gott. Satt að segja myndi hann ekki
eftir því að aðildarríkin hafi áður átt
jafn erfitt með að starfa saman.
„Aldrei áður hef ég heyrt svo
marga leiðtoga tala aðeins um
innanríkisvandamál sín, en minn-
ast aðeins á Evrópusambandið
í framhjáhlaupi, eða jafnvel alls
ekki,“ sagði hann. „Aldrei hef ég séð
stjórnir aðildarríkjanna jafn veikl-
aðar af völdum lýðskrumsafla og
lamaðar vegna hættunnar á ósigri í
næstu kosningum.“
Hann sagði Evrópusambandið
standa frammi fyrir mörgum erfið-
um verkefnum, og nefndi þar mikið
atvinnuleysi, félagslegt ójafnræði,
og gífurlega skuldabyrði. Einnig
verði hægara sagt en gert að aðlaga
flóttafólk samfélaginu, auk þess sem
ýmsar hættur steðji að bæði heima
fyrir og utan Evrópu.
Nú þurfi Evrópusambandið að
taka sig saman í andlitinu, og þá með
því að að leiðtogar þess taki til hend-
inni: „Er þetta ekki rétti tíminn til að
bretta upp ermarnar og tvöfalda eða
þrefalda viðleitni okkar til verka?“
Meðal annars segir Juncker mikil-
vægt að hrinda sem fyrst í fram-
kvæmd hugmyndum um sameigin-
legan herafla Evrópusambandsins.
Byrjað verði á að koma upp sam-
eiginlegum höfuðstöðvum til að
samhæfa hernaðaraðgerðir aðildar-
ríkjanna.
Hann tók þó fram að Evrópu-
sambandið væri ekki sambands-
ríki Evrópu: „Evrópusambandið
okkar er miklu flóknara en svo.
Það væru mistök að líta fram hjá
þessum flókna veruleika þannig að
við fyndum ekki réttu lausnirnar.“
Evrópusambandið sé einungis
starfhæft ef allar stofnanir þess og
aðildarríkin stefni í sömu átt.
„Evrópubúar vilja áþreifanlegar
lausnir á þeim vandamálum sem
við er að etja,“ sagði hann. „Þeir
vilja meira en loforð, ályktanir og
niðurstöður leiðtogafunda. Þeir
hafa heyrt þær og séð of oft.“
Juncker varaði fólk þó við því að
búast við of miklu af forystu Evr-
ópusambandsins: „Við eigum að
átta okkur á því að við getum ekki
leyst öll okkar vandamál með einni
ræðunni enn. Eða með einum leið-
togafundi til viðbótar.“
Nigel Farage, fyrrverandi leiðtogi
breska UKIP-flokksins, var í salnum
og hristi bara hausinn: „Þið hafið
ekkert lært af úrsögn Bretlands.“
Á morgun 16. september gefur Íslandspóstur út þrjár
frímerkjaraðir og eina smáörk. Efni frímerkjanna er
tileinkað RÚV sjónvarpi 50 ára, lífríki hafsbotnsins við
landið og villtum gróðri. Smáörkin er tileinkuð því að 80 ár
eru frá því að franska rannsóknaskipið Pourquoi-Pas? fórst
á skerinu Hnokka út af Álftanesi á Mýrum í Borgarfirði.
Fyrstadagsumslög fást á helstu pósthúsum.
Einnig er hægt að panta þau hjá
Frímerkja sölunni. Sími: 580 1050.
Netfang: stamps@stamps.is
Heimasíða: www.stamps.is
facebook.com/icelandicstamps
Safnaðu litlum lis taverkum
Jean-Claude Juncker flutti árlega stefnuræðu sína á þingi Evrópusambandsins í gær.
Á morgun hittir hann leiðtoga aðildarríkjanna á fundi í Bratislava. FréttaBlaðið/EPa
Punktar úr loforðalista Junckers
Sameiginleg yfirstjórn herja
Juncker segir að Evrópuríkin þurfi að herða sig, ekki síst í varnar-
málum. Þess vegna þurfi að samhæfa hernaðarstarfsemi aðildar-
ríkjanna. Undanfarinn áratug hafi aðildarríkin tekið þátt í meira
en 30 aðgerðum erlendis á vegum Evrópusambandsins, en erfitt
sé að sinna þeim vel þegar varanlegt skipulag vantar: „Við erum
með aðskildar höfuðstöðvar fyrir samhliða aðgerðir, jafnvel þótt
þær séu í sama landi eða sömu borginni. Það er kominn tími til
þess að hafa sameiginlegar höfuðstöðvar fyrir þessar aðgerðir.”
Breytingar á Dyflinnarreglugerðinni
Hraðað verði breytingum á sameiginlegu verndarkerfi
Evrópusambandsins. Þar á meðal er stefnt að breytingum á
Dyflinnarreglugerðinni, sem hefur að mestu sett ábyrgðina á
úrvinnslu hælisumsókna á þau aðildarríki sem flóttafólk kemur
fyrst til. Samræma eigi aðstæður flóttafólks í aðildarríkjunum,
taka af örlæti á móti þeim sem mest eru þurfandi en taka
jafnframt hart á misnotkun.
Skattur á stórfyrirtæki
Breytingar verði gerðar á skattkerfinu, bæði til að bæta við-
skiptaumhverfi fjölþjóðafyrirtækja en einnig til að tryggja að
skattlagning á stórfyrirtæki verði bæði sanngjörn og árangurs-
rík. „Öll fyrirtæki ættu að greiða skatta í þeim löndum þar
sem ágóði þeirra verður til,” sagði Juncker. Meðal annars verði
sett upp sameiginlegt virðisaukaskattsvæði í aðildarríkjunum
sem komi í veg fyrir skattsvik. Auk þess verði hraðað fram-
kvæmdum á tilskipun um gagnsæi fyrirtækjaskatta.
Áhersla á loftslagsmál
Juncker vill að bæði Evrópusambandið og aðildarríki þess
drífi sig sem fyrst í að staðfesta loftslagssamning Sameinuðu
þjóðanna sem gerður var í París. „Skynsamlegri orkunotkun og
metnaðarfullar loftslagsaðgerðir skapa ný störf og hagvöxt,”
segir Juncker. Þetta sé besta fjárfestingin í framtíð Evrópu
og nútímavæðingu efnahagslífsins. „Parísarsamkomulagið
er lokatækifærið til að afhenda framtíðarkynslóðum meiri
stöðugleika, heilbrigðari jörð, sanngjarnari samfélög og meiri
velsæld.”
Sanngjarnara myntsamstarf
Juncker segir að ljúka þurfi uppbyggingu Efnahags- og mynt-
bandalags Evrópusambandsins með því að efla bæði pólitískt
og lýðræðislegt samstarf. Á næsta ári verði lögð fram Hvítbók
um framtíðarfyrirkomulag þess og þessar breytingar verði
teknar upp í löggjöf Evrópusambandsins. Þá þurfi að hraða
innleiðingu nýrrar innistæðutryggingatilskipunar og draga
úr áhættu í bankakerfinu. Enn fremur verði stefnt að nýrri
Evrópustoð félagslegra réttinda, þar sem meðal annars verði
reynt að tryggja jafnvægi milli atvinnuþátttöku og einkalífs.
Efla nettengingar og höfundarrétt
Juncker boðar breytingar á umhverfi stafrænnar þjónustu,
þannig að allir geti komist á háhraðanet hvar sem er. Ókeypis
netaðgangur verði að veruleika í þéttbýlisstöðum strax árið
2020. Þá eigi að tryggja listafólki og rithöfundum greiðslu
fyrir verk sín: „Ég vil að blaðamenn, útgefendur og höfundar
fái sanngjarnar greiðslur fyrir verk sín, hvort sem þau eru
gerð í upptökustofum eða á heimilum, hvort sem þeim er
dreift á netinu eða utan netsins, og hvort sem þau eru birt
með ljósritunarvél eða tengd í hlekk á netinu,” segir Juncker.
Juncker kynnir loforðalistann sinn
Vill meðal annars hraða framkvæmd hugmynda um sameiginlegan her Evrópusambandsins. Lofar einnig ókeypis netaðgangi á öllum
helstu þéttbýlissvæðum Evrópu. Nigel Farage sagði leiðtoga Evrópusambandsins ekkert hafa lært af úrsögn Bretlands.
Guðsteinn
Bjarnason
gudsteinn@frettabladid.is
Aldrei hef ég séð
stjórnir aðildar-
ríkjanna jafn veiklaðar af
völdum lýðskrumsafla og
lamaðar vegna hættunnar á
ósigri í næstu kosningum.
Jean-Claude Juncker, forseti fram-
kvæmdastjórnar Evrópusambandsins
Þið hafið ekkert lært
af úrsögn Bretlands.
Nigel Farage, fyrrverandi leiðtogi breska
UKIP-flokksins
1 5 . s E p t E m b E r 2 0 1 6 F i m m t u d a G u r12 F r é t t i r ∙ F r é t t a b L a ð i ð
1
5
-0
9
-2
0
1
6

0
4
:3
2
F
B
0
6
4
s
_
P
0
6
0
K
.p
1
.p
d
f
F
B
0
6
4
s
_
P
0
5
3
K
.p
1
.p
d
f
F
B
0
6
4
s
_
P
0
0
5
K
.p
1
.p
d
f
F
B
0
6
4
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
A
9
3
-8
C
1
0
1
A
9
3
-8
A
D
4
1
A
9
3
-8
9
9
8
1
A
9
3
-8
8
5
C
2
7
5
X
4
0
0
.0
0
1
5
A

F
B
0
6
4
s
_
1
4
_
9
_
2
0
1
6
C
M
Y
K