Fréttablaðið - 30.06.2016, Page 22

Fjarskiptafyrirtækið Vodafone
íhugar að flytja höfuðstöðvar sínar
frá Bretlandi og fjárfestingarbank-
inn Goldman Sachs íhugar að flytja
hluta, eða alla 6.500 starfsmenn
sína í London til annars lands innan
Evrópusambandsins í kjölfar niður-
stöðu Brexit-kosninganna.
Áður en gengið var að kjörborði
til að kjósa um áframhaldandi við-
veru Breta í Evrópusambandinu
bentu sérfræðingar á að líklegt væri
að alþjóðleg stórfyrirtæki myndu
flytja hluta af eða alla starfsemi sína
frá London ef útganga yrði kosin, og
svo virðist sem sú spá sé að rætast.
Óvíst er hvort fyrirtækin muni hafa
aðgang að ESB-markaðnum sem
í eru 27 önnur lönd, ef af útgöngu
Breta verður.
Vel kemur til greina að fyrirtækin
flytji störfin áður en samningar milli
Evrópusambandsins og Bretlands er
varða útgöngu liggja fyrir. Í minnis-
blaði frá bandaríska lánshæfismats-
fyrirtækinu Fitch segir að búist megi
við því að bankar byrji strax að beita
hluta af viðbragðsáætlunum sínum,
í stað þess að bíða eftir niðurstöðu
viðskiptasamninga.
Fjöldi banka og fjármálastofn-
anna hefur lýst því yfir að þau gætu
flust frá London. Forsvarsmenn fjár-
festingarbankans JPMorgan segja að
þeir gætu þurft að færa fjórðung 16
þúsund starfsmanna sinna í Bret-
landi til annarra landa innan Evr-
ópusambandsins. Heimildir herma
einnig að Morgan Stanley og HSBC
muni flytja allt að þúsund störf
frá Bretlandi, þó að forsvarsmenn
Morgan Stanley hafi hafnað þeim
orðrómi.
Á þriðjudaginn lýstu forsvars-
menn Vodafone, annars stærsta fjar-
skiptafyrirtækis heims, því svo yfir
að þeir myndu mögulega flytja höf-
uðstöðvar sínar frá Bretlandi í ljósi
þess að meirihluti 462 milljóna við-
skiptavina þeirra og 108 þúsunda
starfsmanna væru utan Bretlands.
Engin lokaákvörðun hefur þó verið
tekin. Vodafone er með 13 þúsund
starfsmenn í Newbury og London,
samkvæmt The Financial Times.
Það gæti orðið verulegur skellur
fyrir viðskiptalífið í London, en
Vodafone er eitt af mest áberandi
fyrirtækjum sem tilheyra FTSE-100
vísitölunni.
Aðrar evrópskar borgir gætu
grætt verulega á fyrirtækjunum
sem yfirgefa London eða færa hluta
starfsemi sinnar. CNN Money tók
saman þær borgir sem gætu mögu-
lega tekið við þessum störfum, þær
eru meðal annars Frankfurt, Lúxem-
borg, París, og Dyflinni.
Eftir stormasamar sveiflur í kjöl-
far Brexit-kosninganna hefur breski
hlutabréfamarkaðurinn tekið
við sér og hafa hlutabréf hækkað
síðustu tvo daga. Gengi pundsins
gagnvart Bandaríkjadal hefur einnig
styrkst síðustu tvo daga, eftir sögu-
lega lægð. saeunn@frettabladid.is
Stórfyrirtæki íhuga flutninga frá London
Alþjóðleg fyrirtæki og bankar íhuga að flytja hluta starfsmanna sinna eða höfuðstöðvar frá London í kjölfar niðurstöðu Brexit-kosning-
anna. Fitch telur að bankar gætu beitt hluta af viðbragðsáætlunum sínum strax, í stað þess að bíða eftir niðurstöðu viðskiptasamninga.
Fjölmenn mótmæli gegn Brexit voru fyrir framan breska þingið á þriðjudaginn. FréttaBlaðið/EPa
Japanski bílaframleiðandinn Toyota
hefur innkallað 3,37 milljónir bíla
úti um allan heim vegna loftpúða-
og útblástursgalla.
Forsvarsmenn Toyota tilkynntu
í gær að 2,87 milljónir bíla yrðu
innkallaðar vegna mögulegs galla
í stjórnkerfi útblásturs. Á þriðju-
daginn hefði fyrirtækið hins vegar
tilkynnt um innköllun 1,43 milljóna
bíla vegna loftpúðagalla.
Nokkur Prius-módel Toyota eiga
við báða gallana að stríða og því
verða samtals 3,37 milljónir bíla inn-
kallaðar. Í tilkynningu kemur fram að
engin slys hafi orðið vegna gallanna.
Útblástursgallar eru í bílategund-
um sem framleiddar voru á árunum
2006 til 2015, meðal annars Prius,
Auris og Corolla. Loftpúðagallann
er að finna í Prius og Lexus CT200h
sem framleiddar voru frá 2010 til
2012. – sg
Toyota innkallar 3,4 milljónir bíla
loftpúða og útblástursgalla var að
finna í toyota Prius.
FréttaBlaðið/Valgarður
Robocup, sem er nokkurs konar vélmennamót, hefst í Leipzig í Þýskalandi í dag og stendur til 4. júlí. Á mótinu taka
þátt 3.500 manns frá 45 löndum í sautján greinum. Hér má sjá vélmenni sem getur spilað fótbolta. FréttaBlaðið/EPa
Robocup hefst í dag
Vaxandi einkaneysla er áhyggjuefni
út frá hagstjórn, þar sem við viljum
halda hagkerfinu í tiltölulega góðu
jafnvægi. Vöxturinn er hins vegar
drifinn af auknum kaupmætti launa
og því minna áhyggjuefni en oft
áður þegar uppsveiflur hafa verið
keyrðar áfram af væntingum um
framtíðartekjur. Þetta er mat Ingólfs
Bender, forstöðumanns greiningar-
deildar Íslandsbanka.
Í Morgunkorni greiningardeildar
Íslandsbanka í gær kom fram að
þróun væntingavísitölu Gallup
(VVG) í júní gæfi tilefni til að ætla
að einkaneysluvöxtur sé á verulegu
flugi þessa dagana. Greiningar-
deildin telur að einkaneysluvöxtur á
öðrum ársfjórðungi verði enn meiri
en 7,1 prósents vöxturinn á fyrsta
ársfjórðungi.
Greiningardeildin spáir að einka-
neysluvöxtur í ár verði 7,8 prósent
samanborið við 4,8 prósent í fyrra
samkvæmt bráðabirgðatölum Hag-
stofunnar.
„Út frá vexti hagkerfis í hið heila
þá er spenna að aukast í hagkerfinu.
Þenslan fer vaxandi, og að sjálf-
sögðu er það áhyggjuefni út frá hag-
stjórn. Verkefni peningastefnunnar
og opinberra fjármála er að draga úr
þessari spennu,“ segir Ingólfur.
Hann segir vöxtinn endurspegla
gríðarlegan vöxt í kaupmætti launa
heimilanna síðustu tólf mánuði.
Ingólfur segir þó hraða launa-
hækkananna valda áhyggjum, sér í
lagi þegar kemur að verðbólgu.
„Innlendir þættir eru klárlega að
hækka talsvert út af þessu, þetta er
að ýta undir húsnæðisverðshækk-
un. Styrking krónunnar og lækkun
á hrávöruverði hefur haldið þessu
niðri. Við reiknum með því að krón-
an komi til með að styrkjast áfram
fram á næsta ár, en svo slær þessu
kannski út með aukinni verðbólgu
þegar líða fer á.“ – sg
Einkaneysluvöxtur á flugi
Þenslan fer vaxandi,
og að sjálfsögðu er
það áhyggjuefni út frá
hagstjórn.
Ingólfur Bender,
forstöðumaður
greiningardeildar
Íslandsbanka
108
þúsund starfsmenn vinna
hjá Vodafone.
7,1%
vöxtur var í einkaneyslu á
fyrsta ársfjórðungi 2016.
Fyrirtæki gætu flust til
Frankfurt, Lúxemborgar,
Parísar eða Dyflinnar.
ViðskiPti
3 0 . j ú n í 2 0 1 6 F I M M T U D A G U R22 F R é T T I R ∙ F R é T T A B L A ð I ð
3
0
-0
6
-2
0
1
6

0
4
:3
5
F
B
0
9
6
s
_
P
0
7
5
K
.p
1
.p
d
f
F
B
0
9
6
s
_
P
0
7
0
K
.p
1
.p
d
f
F
B
0
9
6
s
_
P
0
2
2
K
.p
1
.p
d
f
F
B
0
9
6
s
_
P
0
2
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
9
D
E
-4
0
C
C
1
9
D
E
-3
F
9
0
1
9
D
E
-3
E
5
4
1
9
D
E
-3
D
1
8
2
7
5
X
4
0
0
.0
0
1
6
B

F
B
0
9
6
s
_
2
9
_
6
_
2
0
1
6
C
M
Y
K