Morgunblaðið - 04.11.2016, Qupperneq 2

2 FRÉTTIRInnlent
MORGUNBLAÐIÐ FÖSTUDAGUR 4. NÓVEMBER 2016
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Helgi Bjarnason
helgi@mbl.is
Hafrannsóknastofnun hefur lýst yfir
vilja sínum til að flytja höfuðstöðvar
sínar að Vesturvör 29 í Kópavogi.
Viðræður standa yfir við eiganda
hússins sem stendur við Kópavogs-
höfn. Verði af því hyggst Kópavogs-
bær lengja hafnarkantinn svo rann-
sóknarskipin komist vel fyrir.
Fyrirtæki í Hafnarfirði bauð einnig
fram húsnæði við Hafnarfjarðar-
höfn. Eigendur þess segja fram-
kvæmdir Kópavogsbæjar opinberan
styrk og hyggjast leita réttar síns.
Ármann Kr. Ólafsson, bæjarstjóri
í Kópavogi, kveðst ánægður með að
fá starfsemi Hafró í bæjarfélagið. „Á
þessu svæði er gert ráð fyrir bland-
aðri byggð. Hafró er snyrtilegur og
fínn vinnustaður sem fellur vel að
íbúðabyggð. Þá er þarna margt vel
menntað og hæft starfsfólk,“ segir
Ármann.
Tekjur af byggingarrétti
Samningar um húsið eru á milli
Regins og ríkisins. Kópavogur kem-
ur inn í málið vegna hafnarinnar. Í
útboðinu var talið æskilegt að höfuð-
stöðvarnar væru við höfn svo öll
starfsemin gæti verið á einum stað.
Ármann segir að rannsóknarskipin
taki mikið pláss og ekki æskilegt að
þau útiloki aðra starfsemi við höfn-
ina. Þess vegna sé verið að athuga
möguleika á að lengja hafnarkantinn
til norðvesturs og stækka uppfyll-
inguna. Fyrstu áætlanir benda til að
það muni kosta um 150 milljónir kr.
Segir hann að sá kostnaður myndi
nást inn með auknum fasteigna-
gjöldum af húsinu og auknum
tekjum hafnarinnar auk þess sem
heimild fengist hjá eigendum húss-
ins til að úthluta byggingarrétti fyrir
fjölbýlishús í nágrenni þess.
Bæjarráð Kópavogs samþykkti
viljayfirlýsingu um málið með fjór-
um atkvæðum gegn atkvæði fulltrúa
Samfylkingarinnar. Pétur Hrafn
Sigurðsson lýsti sig andvígan fram-
kvæmdum við höfnina í þessu skyni.
Færi vel í Hafnarfirði
Fornubúðir eignarhaldsfélag bauð
fram hús sem fyrirtækið hyggst
byggja í þessum tilgangi við gamla
SÍF-húsið við Fornubúðir, við innri
höfnina í Hafnarfirði. „Hafró er ein
merkasta stofnun okkar Íslendinga.
Hafnarfjörður á sér merka sögu og
þar er mikið líf við höfnina. Mér
finnst að það færi stofnuninni vel að
vera í Hafnarfirði,“ segir Jón Rúnar
Halldórsson, framkvæmdastjóri
Fornubúða.
Hann segir að ekki þurfi að ráðast
í neinar framkvæmdir við höfnina
vegna flutnings skipa Hafró þangað.
Bendir á að breyta þurfi bæði skipu-
lagi og höfn í Kópavogi og þótt bæði
skipin yrðu bundin við bryggju allt
árið myndu tekjurnar ekki duga.
Sérfræðingar sem hann hefur leitað
til telja að aðkoma Kópavogsbæjar
sé opinber stuðningur við einkafyrir-
tæki. Segist Jón Rúnar munu leita
réttar síns vegna þess.
Hafró stefnir að Kópavogshöfn
 Kópavogsbær mun ráðast í framkvæmdir við höfnina á Kársnesi til að taka við rannsóknarskipunum
 Keppinautur úr Hafnarfirði telur aðkomu bæjarins opinberan stuðning við einkafyrirtæki og kærir
Morgunblaðið/Golli
Kópavogshöfn Ef samningar nást flytjast höfuðstöðvar Hafrannsóknastofnunar í löngu skemmuna sem sést fyrir
miðri mynd, upp af athafnasvæði hafnarinnar. Lengja þarf hafnargarðinn til norðvesturs til að auka viðlegupláss.
Vilhjálmur A. Kjartansson
vilhjalmur@mbl.is
Í deiliskipulagsgögnum um Efsta-
leiti, eða svokallaðan RÚV-reit, er
fjallað um áhrif uppbyggingar á um-
ferð. Þar kemur fram að núverandi
gatnakerfi, umhverfis reitinn, þoli
vel þá aukningu á umferð sem fyr-
irhuguð er. Fram kemur að við út-
reikninga hafi m.a. verið gert ráð
fyrir breyttum ferðavenjum og mið-
að við 20% fækkun bifreiða í sam-
ræmi við markmið Reykjavíkur-
borgar.
Þvert á væntingar Reykjavíkur-
borgar sýna nýjustu tölur frá Hag-
stofu Íslands, sem eru frá árinu
2014, að fyrir hverja 1.000 íbúa eru
671,2 fólksbílar og hefur það hlutfall
aldrei verið hærra. Þá sýna mæl-
ingar Vegagerðarinnar á meðal-
umferð á höfuðborgarsvæðinu stig-
vaxandi aukningu umferðar
síðastliðin ár.
Þróun umferðar
er því í engu sam-
ræmi við vænt-
ingar borgar-
innar.
Gert er ráð fyr-
ir 361 íbúð á
svæðinu og að
meðaltali búa 2,4
einstaklingar í
hverri íbúð. Samkvæmt tölum frá
Reykjavíkurborg verða íbúar á
svæðinu um 866 og þeim fylgja því
hátt í 600 bílar.
Íbúar óánægðir
Sú ákvörðun borgarráðs Reykja-
víkur að breyta deiliskipulagi við
Efstaleiti hefur verið kærð til
úrskurðarnefndar umhverfis- og
auðlindamála.
„Við gerum alvarlegar athuga-
semdir við þann fjölda íbúða og þá
miklu þéttingu byggðar sem er fyr-
irhuguð,“ segir Halldór Blöndal,
fyrrverandi forseti Alþingis, en hann
er einn þeirra íbúa sem gert hafa at-
hugasemd við fyrirhugaða uppbygg-
ingu á svæðinu.
„Byggingarmagn á reitnum er
langt umfram það sem íbúar svæð-
isins máttu vænta samkvæmt áður
gildandi skipulagsáætlunum. Hin
mikla fjölgun sem verður í nær-
umhverfi okkar hefur í för með sér
gífurlega aukningu á umferð og
mengun, skort á bílastæðum og önn-
ur óþægindi.“
Halldór segir allt þetta koma til
með að rýra gæði og verðmæti ná-
lægra eigna.
„Þá er ótalið hið mikla ónæði á
framkvæmdatímanum, sem óhjá-
kvæmilega mun hljótast af fram-
kvæmdum af þessari stærðargráðu
en hér allt um kring eru íbúðir sér-
staklega ætlaðar eldri borgurum.“
Morgunblaðið/Júlíus
Efstaleiti Fyrirhuguð íbúðabyggð á hinum svokallaða RÚV-reit veldur íbúum nálægra svæða áhyggjum.
Byggt á eigin væntingum
 Borgin byggir útreikninga umferðarþunga við RÚV-reit-
inn á markmiði aðlaskipulags, ekki tölum Vegagerðarinnar
Halldór Blöndal
Útlendingastofnun bárust rétt um
200 umsóknir um hæli hér á landi í
október síðastliðnum. Aldrei áður
hafa borist jafnmargar umsóknir
um vernd hér á landi í einum mán-
uði.
Næstflestar umsóknir í einum
mánuði bárust í september síðast-
liðnum en þær voru 176 talsins.
Nánari sundurliðunar um þjóðerni,
aldur og kyn umsækjenda í október
er að vænta í yfirliti um miðjan
þennan mánuð.
Ljóst er að fyrstu tíu mánuði árs-
ins bárust um 760 hælisumsóknir.
Sömu mánuði í fyrra sóttu 275 ein-
staklingar um vernd hér á landi.
Fram kemur á heimasíðu Útlend-
ingastofnunar að umsækjendur
fyrstu níu mánuði ársins hafi komið
frá 50 löndum. Í tölfræði hælismála
frá 20. október sl. sést að af 488
málum vörðuðu 159 mál fólk frá
Albaníu, 60 mál vörðuðu fólk frá
Makedóníu og 52 mál vörðuðu ein-
staklinga frá Írak.
Í október síðastliðnum sóttu
sautján einstaklingar um aðstoð við
að snúa heim og þar af eru ellefu
þegar farnir. gudni@mbl.is
Um 200 sóttu hér
um hæli í október
 Sautján vildu fara aftur heim
EDINBORG
24. nóvember í 3 nætur
Netverð á mann frá kr. 99.895 m.v. 2 í herbergi.Ibis CentreSouth Bridge
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
Frá kr.
99.895
m/morgunmat
Beint flug frá Egilsstöðum EGS