Morgunblaðið - 04.11.2016, Blaðsíða 16

16 DAGLEGT LÍF
MORGUNBLAÐIÐ FÖSTUDAGUR 4. NÓVEMBER 2016
Suðurhrauni 4, Garðabæ | Furuvellir 3, Akureyri | Sími 575 800 | samhentir.is
Heildarlausnir
í umbúðum og öðrum rekstrarvörum
fyrir sjó- og landvinnslu
◆ KASSAR
◆ ÖSKJUR
◆ ARKIR
◆ POKAR
◆ FILMUR
◆ VETLINGAR
◆ HANSKAR
◆ SKÓR
◆ STÍGVÉL
◆ HNÍFAR
◆ BRÝNI
◆ BAKKAR
◆ EINNOTA VÖRUR
◆ HREINGERNINGAVÖRUR
Allt á
einum
stað
Jóga Þóra hefur stundað jóga árum saman og er sannfærð um að ástundun þess hafi undirbúið sig bæði andlega og líkamlega fyrir breytingaskeiðið.
Valgerður Þ. Jónsdóttir
vjon@mbl.is
B
reytingaskeiðið er ein-
stakt tímabil í lífi
kvenna,“ staðhæfir Þóra
Sigríður Ingólfsdóttir,
jógakennari. Ein-
staklega gott, meinar hún vitaskuld.
Og er ekki í neinum Pollýönnuleik,
eins og sumir gætu ályktað, enda
koma hitakóf, skapsveiflur og aðrir
kvillar oft fyrst upp í hugann þegar
fyrirbærið ber á góma.
„Breytingaskeiðið er sá tími
þegar líkaminn fer í gegnum nátt-
úrulegt ferli sem markar tíðahvörf
eða lok frjósemi kvenna hvað barn-
eignir varðar en opnar um leið fyrir
frjósemi á öðrum sviðum lífsins,“
heldur hún áfram.
Hljómar ágætlega, en hvernig er
hægt að sporna við fyrrnefndum
kvillum, sem óneitanlega hrjá marga
konuna á þessu tiltekna skeiði?
„Jóganámskeið, sérsniðið að
konum á breytingaskeiði, þar sem
áhersla er lögð á að styrkja bein,
nýru og nýrnahetturnar, sem fram-
leiða hormónana, ásamt hugleiðslu er
ein leiðin,“ svarar Þóra að bragði.
Sjálf stendur hún fyrir einu slíku.
Brilljant breytingaskeið, kallar hún
það, fjögurra vikna námskeið í Yoga-
vin, sem hefst á mánudaginn. Á nám-
skeiðinu fjallar hún um heilsu, horm-
óna og sköpunargleði og kennir
markvissar aðferðir jóga og hug-
leiðslu, sem skapa jafnvægi og efla
meðvitund.
Merkilegt skeið
Þóra hefur stundað jóga árum
saman og er sannfærð um að ástund-
un þess hafi undirbúið sig bæði and-
lega og líkamlega fyrir breyt-
ingaskeiðið.
„Ég gef mig ekki út fyrir að vera
sérfræðingur um breytingaskeiðið ég
þekki bara mína upplifun. Satt best
að segja vissi ég ósköp lítið um þetta
merkilega skeið þegar það hófst hjá
mér. Þá fór ég að lesa mér til og
hreifst sérstaklega af skrifum banda-
ríska kvensjúkdómalæknisins Chris-
tiane Northrup, sem hefur margt
spaklegt fram að færa í þessum efn-
um. Hún líkir tíðahvörfunum til
dæmis við að ganga á fjall hvað ýmis
líkamleg einkenni áhrærir og koma
svo niður hinum megin annað hvort
beisk eða glöð og tilbúin að takast á
við óhjákvæmilegar breytingar.“
Þóra segir breytingaskeiðið yf-
irleitt vara sex til þrettán ár. Það er
misjafn hvenær það hefst en í grófum
dráttum getur skeiðið varað frá fer-
tugu til fimmtíu og tveggja ára ald-
urs, plús eða mínus fimm ár.
„Bullþröskuldurinn“
Hún dregur ekki dul á að breyt-
ingaskeiðið sé konum miserfitt. Hins
vegar bendir hún á að breytingar feli
oft í sér tækifæri til endurnýjunar
sem og áskoranir og þá sé mikilvægt
að spila rétt úr spilunum. „Stundum
er talað um vitru konuna, the wise
women, eins og konur að loknu breyt-
ingaskeiði eru gjarnan kallaðar á
ensku. Engu að síður virðist sam-
félagið afskrifa konur sem komnar
eru um og yfir fimmtugt með marg-
víslegum hætti eins og dæmin sanna.
Kannski vegna þess að „bullþrösk-
uldur“ þeirra lækkar eða hverfur
hreinlega.“
Vitrar konur vita efalítið hvað
Þóra á við með „bullþröskuldi“. Öðr-
um til upplýsingar tekur hún sem
dæmi að konur á breytingaskeiði
hætti að sitja undir alls konar bulli og
blaðri, sem þær áður létu kannski yf-
ir sig ganga. „Við hættum sjálfsfórn-
inni og þjónkuninni, nennum ekki
lengur að vera í félagsskap fólks sem
okkur leiðist og þar fram eftir göt-
unum,“ útskýrir hún.
Endurnýjunarorkan
Þótt breytingaskeiðinu fylgi ým-
is líkamleg óþægindi ítrekar Þóra að
því fylgi jafnframt tækifæri til end-
urnýjunar, sem gefi konum mögu-
leika á að blómstra sem aldrei fyrr.
„Margar konur fara að teikna og
mála, skrifa eða fást við annað skap-
andi sem þær lögðu á hilluna á yngri
árum af því þær höfðu ekki tíma. Þær
finna frjóseminni annan farveg og
rækta bæði huga og hönd. Ég hljóma
kannski eins og klisja, en aðalatriðið
er að þær séu sáttar við sjálfar sig
innan frá – út á það gengur jóga-
námskeiðið. Ég bendi þátttakendum
líka á að lesa ýmsar fræðibækur við-
víkjandi breytingaskeiðið, til dæmis
The Secret Pleasure of Menopause
eftir Northrup, sem segir algengan
misskilning að kynhvötin minnki við
tíðahvörf, því sé aftur á móti þver-
öfugt farið, “ segir Þóra jógakennari
að lokum.
Blómstrandi
á breytingaskeiðinu
Þótt breytingaskeiðinu
fylgi stundum ýmis óþæg-
indi segir Þóra Sigríður
Ingólfsdóttir, jógakenn-
ari, að því geti jafnframt
fylgt gríðarleg endurnýj-
unarorka og sköpunar-
kraftur, sem gefi konum
tækifæri til að blómstra
sem aldrei fyrr.
Fjögurra vikna námskeið, Brillj-
ant breytingaskeið, hefst mánu-
daginn 7. nóvember í Yogavin,
Grensásvegi 16. Kennt er mánu-
daga og fimmtudaga kl. 19 -
20.30.
Skráning yoga@yogavin.is
„Margar konur fara að
teikna og mála, skrifa eða
fást við annað skapandi
sem þær lögðu á hilluna
á yngri árum af því þær
höfðu ekki tíma.“
Börn í áhættu: Lestrarvandi er yfirskrift
málþings Lions sem haldið verður kl.
10.30 – 13 á morgun, laugardaginn 5.
nóvember, í Íþróttaakademíunni í
Reykjanesbæ. Málþingið er hluti af al-
þjóðlegu Lionsverkefni, Lestrarátak –
Baráttan gegn treglæsi.
Á málþinginu fjallar Hrund Hjalta-
dóttir um lestrarátak Lionshreyfing-
arinnar, Ragnheiður Gestsdóttir, rithöf-
undur og formaður Ibby á Íslandi flytur
erindið Læsi – hvað er það?, Sigrún Jó-
hannsdóttir, talmeinafræðingur og
framkvæmdastjóri, verður með erindið
Að skrifa sig til læsis og Hrefna Sig-
urjónsdóttir, framkvæmdastjóri Heim-
ilis og skóla, með erindið Lestur er ævi-
löng iðja. Á málþinginu gefst gestum
tækifæri til að bera fram fyrirspurnir og
taka þátt í umræðum. Allir eru vel-
komnir og aðgangur er ókeypis.
Alþjóðlegt Lionsverkefni
Morgunblaðið/Svanhildur Eiríksdóttir
Lestur Að lesa og skrifa list er góð.
Málþing um
lestrarvanda
barna
Í tilefni sýningar á ljóðum Snorra
Hjartarsonar, Inn á græna skóga,
sem opnuð verður í dag, föstudag 4.
nóvember, í Borgarbókasafninu Gróf-
inni, verður boðið upp á tvenna tón-
leika með yfirskriftinni Jazz í hádeg-
inu – Hauströkkrið yfir mér. Annars
vegar kl. 12.15 til 13 í dag, föstudag
4. nóvember, og hins vegar á morg-
un, laugardag 5. nóvember, kl. 13.15
til 14.
Leifur Gunnarsson er listrænn
stjórnandi tónleikaraðarinnar og hef-
ur að þessu sinni fengið til liðs við
sig tónlistarmenn sem allir hafa vak-
ið athygli á íslensku jazzsenunni. Á
tónleikunum flytja Leifur, sem er
bassaleikari, Hjörtur Ingvi Jóhanns-
son, píanisti, og Sigríður Thorlacius,
söngkona, gömul og ný lög við ljóð
Snorra.
Á sýningunni Inn á græna skóga
má lesa og heyra lesin ljóð Snorra
sem birtust í bókum hans Kvæði, Á
Gnitaheiði, Lauf og stjörnur og
Hauströkkrið yfir mér, auk ljóða sem
Snorri orti eftir útgáfu Hauströkk-
ursins og hann lét eftir sig óprentuð.
Sýningin verður á Ljóðatorgi á
fimmtu hæð bókasafnsins og stend-
ur út febrúar 2017. Sýningin og dag-
skrá henni tengd er í samstarfi við
félagið Ljóðvegi og Landsbókasafn
Íslands, Háskólabókasafn.
Aðgangur á tónleikana og sýn-
inguna er ókeypis og allir velkomnir.
Ljóðasýning og jazz í hádeginu í Borgarbókasafninu menningarhúsi Grófinni
Inn á græna skóga og Hauströkkrið yfir mér
Tónlist Hjörtur Ingvi Jóhannsson, Leifur Gunnarsson og Sigríður Thorlacius.
Ævar Þór Bene-
diktsson les úr
nýútkominni bók
sinni, Þín eigin
hrollvekja, kl.
11.30 á morgun,
laugardag 5. nóv-
ember, í Linda-
safni og kl. 13
sama dag á fjöl-
skyldustund
Menningarhús-
anna í Kópavogi, aðalsafninu við
Hamraborg.
Þín eigin hrollvekja er þriðja bókin
í Þín eigin-bókaflokknum og er les-
andinn sjálfur söguhetjan í þeim öll-
um og ræður ferðinni. Sögusviðið í
nýjustu bókinni er dimmt og drunga-
legt, stútfullt af skrímslum og óvætt-
um. Vampírur og varúlfar, uppvakn-
ingar og illir andar, brjálaðar brúður
og trylltir trúðar eru mögulega á reiki
– þú ræður!
Endilega …
… hlustaðu á
hrollvekjusögu
Ævar Þór
Benediktsson