Morgunblaðið - 04.11.2016, Blaðsíða 60

60 .
MORGUNBLAÐIÐ FÖSTUDAGUR 4. NÓVEMBER 2016
FERÐIR INNANLANDS í vetur
Ásgeir Ingvarsson
ai@mbl.is
Ánægjulegt hefur verið að fylgjast
með mikilli fjölgun áhugaverðra veit-
ingastaða hringinn í kringum landið.
Matgæðingar hafa heldur betur
ástæðu til að leggja land undir fót til
að fá að smakka réttina á stöðum
eins og Humarhöfninni á Höfn í
Hornafirði.
Það var fyrir um áratug að nokkrir
heimamenn tóku sig saman um að
opna veitingastað í gamla versl-
unarhúsi Kaupfélags Austur-
Skaftfellinga. „Þetta fallega og
gamla hús við höfnina, teiknað af
Þóri Baldvinssyni, hafði þá ekki
fengið mikla athygli um alllangt
skeið. Ég, konan mín María, systir
mín Anna og maðurinn hennar Ólaf-
ur fórum að velta fyrir okkur hvort
mætti ekki gefa þessu húsi nýjan til-
gang og nýtt líf,“ segir Ari Þor-
steinsson, einn af eigendum stað-
arins. „Okkur fannst líka ekki nógu
mikið gert með humarinn sem er
landað í höfninni hér á staðnum, og
sáum einnig að ferðamönnum var að
fjölga. Slógum við til og keyptum
húsnæðið, gerðum það upp og
breyttum í veitingastað þar sem sér-
stök áhersla yrði lögð á humar.“
Fjölskyldufyrirtæki
Eigendurnir fjórir sem stofnuðu
veitingastaðinn komu inn í rekst-
urinn með ólíkan bakgrunn og var
systir Ara sú eina sem hafði mikla
reynslu af að starfa á veitingastað, en
hún er menntaður þjónn. Sjálfur
hafði Ari starfað hjá ýmsum fram-
leiðslufyrirtækjum í sjávarútvegi, en
eiginkona hans er bókmenntafræð-
ingur og mágurinn skipstjóri. Nú
hafa orðið eigendaskipti á Hum-
arhöfninni að hluta, þar sem yngri
kynslóðin er að taka við. Dóttir Ara
og Maríu og tengdasonur, þau Eik og
Benni, hafa keypt hlut Önnu og Ólafs
og stýra miklu af daglegum rekstri.
Fyrstu árin var veitingastaðurinn
aðeins opinn yfir sumarmánuðina, en
með fjölgun ferðamanna hefur opn-
unartíminn lengst svo að Hum-
arhöfnin er í dag opin árið um kring,
nema rétt í lok desember og byrjun
janúar að staðnum er lokað svo að
sinna megi viðhaldi.
Humar í sérflokki
Þeir sem kunna að meta góðan
humar myndu segja að Íslendingar
njóti sérstakra forréttinda, en með-
fram suðurströndinni má veiða hum-
ar sem þykir einstaklega bragðgóð-
ur. „Hann er töluvert minni en sá
humar sem mest er borðað af vest-
anhafs, þessi svokallaði Maine-
lobster, sem er bæði seigari undir
tönn og hefur ekki sama sæta bragð-
ið og humarinn okkar,“ segir Ari.
Humarhöfnin sker sig frá öðrum
íslenskum veitingastöðum með því að
bjóða upp á rétti þar sem humarinn
er framreiddur heill, með klónum,
frekar en að aðeins halinn rati á disk-
inn. „Við fengum franskan mat-
reiðslumeistara til liðs við okkur í
upphafi til að móta matseðilinn og
fínskerpa matseldina, og þar á meðal
þróa þennan rétt,“ segir Ari en bætir
við að vitaskuld megi líka panta hefð-
bundna humarhala og humarsúpu.
„Svo erum við með sérdeilis góða
humar-pizzu, og bjóðum upp á
lambakjöts- og fiskrétti fyrir þá sem
vilja eitthvað annað.“
Velja besta hráefnið
Kúnstin við að gera góðan humar-
rétt segir Ari að byggist á nokkrum
undirstöðum. „Það verður meðal
annars að gæta þess að hráefnið sé í
hæsta gæðaflokki. Ef humarinn er
ekki af réttum gæðum getur verið
komið ákveðið los í holdið. Þá er
stærsti humarinn ekki endilega best-
ur og finnst okkur miðstærðin eða
humar ögn yfir meðallagi hafa besta
bragðið. Verður líka að sýna ná-
kvæmni við eldamennskuna og elda
humarinn ekki of lengi ella er hætta
á að hann missi mikið af bragðeigin-
leikunum. Þá má benda á að besta
bragðið leynist í skelinni og ákaflega
gott að sleikja og sjúga hana.“
Íslendingar eru ekki vanir því að
borða humarklær og var því gripið til
þess ráðs hjá Humarhöfninni að
prenta diskamottur með leiðbein-
ingum. Ari segir ekki svo mikla kúnst
að fást við klærnar, með réttu áhöld-
in við höndina. „Það sem þarf er lítill
prjónn, sem minnir á heklunál, og er
notaður til að veiða holdið úr klónni,
og áhald sem líkist hnetubrjót notað
til að brjóta klærnar.“
Tilefni Að snæða heilan humar með klóm og öllu kallar á sérstök áhöld og smá fyrirhöfn. Notalegt Gamla hús kaupfélagsins er í dag fallegur og heimilislegur veitingastaður.
Humarstaðurinn í
gamla verslunarhúsinu
Hjá Humarhöfninni má panta humarinn heilan, með klóm og til-
heyrandi Humarinn sem veiðist við strendur Íslands þykir ein-
staklega bragðgóður  Veturinn er góður tími til að skoða jökulinn
Gæði Ari skoðar nýveiddan humar. Vanda verður valið á hráefni.
Margt er að sjá á Suð-
Austurhorni landsins og er
vetrarferðamennskan þar í
blóma. Ari segir Jökulsárlón
vitaskuld stóra aðdráttaraflið
á – svæðinu og geta gestir
bæði fundið prýðisgóð hótel og
marga veitingastaði á milli
þess sem þeir skoða nátt-
úruundrin. „Þeir sem heim-
sækja þetta svæði fara meðal
annars í Skaftafell og upp að
Svartafossi. Þá eru skipulagð-
ar gönguferðir upp á jökulinn
og sigling á Jökulsárlóni er
einstök upplifun. Ferðir í ís-
hella í jöklinum njóta líka vax-
andi vinsælda og best að fara í
slíkar ferðir að vetri til, þegar
öruggara er að heimsækja
hellana.“
Undur jökulsins