Morgunblaðið - 23.11.2016, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 23. NÓVEMBER 2016
Þjóðlegt,
gómsætt
og gott hpflatkokur@simnet.is
Framkvæmdir eru hafnar á svokölluðum Lands-
bankareit, milli Laugavegar 77 og Hverfisgötu í
Reykjavík. Verið er að fjarlægja malbik og við
það hverfa nærri 100 bílastæði sem hafa verið
mikið notuð.
Húsið Laugavegur 77 var í eigu Landsbank-
ans, sem var með útibú á jarðhæðinni.
Áformuð er mikil uppbygging á svæðinu. Á
lóðinni Hverfisgata 92-96, norðan við Laugaveg
77, verður samkvæmt gildandi deiliskipulagi
heimilt að byggja tvö fjölbýlishús, fimm hæðir,
auk bílakjallara fyrir 45 bíla. Gert er ráð fyrir
verslunum og veitingahúsum á jarðhæð. Stærð
aðalrýmis verður 7.178,2 fermetrar. Þakhæð
byggingarinnar verður rúmir 30 metrar. Í skil-
málum segir að ekki sé heimilt að vera með gisti-
starfsemi né skammtímaútleigu á lóðinni. Fyrir-
tækið SA Byggingar ehf. er skráð fyrir fram-
kvæmdinni. Á lóðinni Laugavegur 73 á að rísa
minni bygging, fimm hæða, þar sem þakhæð
verður 33 metrar. sisi@mbl.is
Morgunblaðið/Árni Sæberg
Framkvæmdir hafnar á Landsbankareit
Umhverfisstofnun veitti á dögunum
framkvæmdaleyfi fyrir byggingu
hótels á Flatskalla í landi Gríms-
staða innan verndarsvæðis Mývatns
og Laxár. Er þetta eina leyfisveit-
ingin sem Umhverfisstofnun hefur
fengið til formlegrar meðferðar á
svæðinu á síðustu fimm árum, sam-
kvæmt upplýsingum frá stofnuninni.
Fyrirhugað er því að reisa 5.000
fermetra hótelbyggingu á þremur
hæðum á svonefndum Flatskalla í
landi Grímsstaða en einnig verður
reist skólphreinsistöð.
Afrennsli berist í Mývatn
Umhverfisstofnun leitaði umsagn-
ar Náttúrufræðistofnunar Íslands
og Rannsóknarstöðvarinnar við Mý-
vatn, en helstu athugasemdir þeirra
voru að framkvæmd og rekstur hót-
elsins hefðu bein og óbein áhrif á
verndarsvæðið, þ.e. mengun vegna
frárennslis, áhrif á landslag og auk-
inn ferðamannastraumur. Þá var
Mývatn sagt vera að þolmörkum
komið hvað varðar næringarefna-
styrk í vatninu. Þótt hreinsistöð væri
fyrir hótelið léki enginn vafi á að af-
rennsli frá hreinsistöðinni bærist
með tímanum í Mývatn.
Leyfisveiting Umhverfis-
stofnunarinnar er háð ákveðnum
skilyrðum, m.a. að hreinsistöð skuli
vera í samræmi við framlögð gögn
sem Umhverfisstofnun og Heil-
brigðiseftirlit Norðurlands eystra
hafa samþykkt. Vakta skuli frá-
rennsli til að tryggja að hreinsun
verði eins og reglugerð kveður á um
og ítarlegri en tveggja þrepa hreins-
un. Þá skuli ytra byrði byggingarinn-
ar falla sem best að næsta nágrenni,
þegar kemur að vali á klæðningu.
Ekki stækkað við Reykjahlíð
Þegar Grímsstaðahótelið rís
verða fimm starfandi hótel í Skútu-
staðahreppi við Mývatn, að sögn
Bjarna Reykjalín, skipulags- og
byggingarfulltrúa Skútustaða-
hrepps, en nýja hótelið verður um
100 herbergja.
Óskað var eftir því í tillögu að
breytingu á aðalskipulagi Skútu-
staðahrepps í október 2016 að
stækka hótel við Reykjahlíð úr níu
herbergjum í 43 en Umhverfisstofn-
un féllst ekki á það. Meðal ástæðna
var að fyrirhuguð aðalskipulags-
breyting væri til þess fallin að auka
verulega álag á verndarsvæðið mið-
að við fyrirliggjandi gögn og sam-
ræmdist áætluð landnotkun ekki
verndaráætlun fyrir verndarsvæð-
ið. laufey@mbl.is
Morgunblaðið/Birkir Fanndal
Hótel Bygging hófst á hótelinu í landi Grímsstaða þann 25. maí síðastliðinn. Hótelið verður 100 herbergja.
Heimild fyrir hóteli á
verndarsvæði Mývatns
 Skilyrði leyfis að hreinsistöð verði reist og frárennsli vaktað
Málefni eldri borgara hafa verið til
umræðu í Morgunblaðinu að und-
anförnu og í gær var meðal annars
fjallað um þá miklu þörf sem nú er
fyrir hjúkrunarheimil eða önnur úr-
ræði þar sem endurhæfing er hluti
starfseminnar. Var í umfjölluninni
vitnað í formann Félags eldri borgara
í Reykjavík og nágrennis, en sá gerði
Vífilsstaði sérstaklega að umræðu-
efni sínu og sagði t.a.m. enga þjálfun
vera í boði þar.
Ingibjörg Tómasdóttir, hjúkrunar-
deildarstjóri á Vífilsstöðum, segir
þetta alrangt og bendir á að tveir
sjúkraþjálfarar séu þar í starfi.
„Hér eru tveir sjúkraþjálfarar
starfandi auk þess sem í gildi er
endurhæfingaráætlun fyrir þá sjúk-
linga sem geta nýtt sér slíka þjálfun,“
segir Ingibjörg og heldur áfram:
„Hér er rekin sjúkraþjálfun hvern
einasta virka dag og ég get fullyrt að
á Vífilsstöðum fær fólk meiri sjúkra-
þjálfun en nokkurn tímann inni á
hjúkrunarheimilum,“ en á Vífils-
stöðum er nú rekin öldrunardeild
fyrir rúmlega 40 sjúklinga.
Þjálfun í
boði alla
virka daga
Hjúkrun Öldrunardeild er í húsinu.
Að meðaltali eru árlega skráð 125-
135 mál á neyðarmóttöku þolenda
kynferðisbrota á bráðadeild Land-
spítalans. Í ár eru málin orðin yfir
150. Þetta kom fram í erindi Ey-
rúnar B. Jónsdóttur, hjúkrunar-
fræðings á bráðadeildinni, sem nú
er að láta af störfum sem forstöðu-
maður móttökunnar, en af því til-
efni var haldið málþing henni til
heiðurs.
Þolendur sem á deildina koma
eru á öllum aldri en langflestir 18-
25 ára. Brotin eru langflest um
helgar og að næturlagi. Komur eru
flestar yfir sumarmánuðina. Í fyrra
leituðu 133 í móttökuna og af því
enduðu 62 mál með kæru. Árið
2014 voru málin 123 og kærurnar
50. Til samanburðar má nefna að
árið 1993 voru komur á neyðarmót-
tökuna 46 og
fóru 26 málana í
kærumeðferð. Á
árunum 1993 til
2015 komu sam-
anlagt 2.585 mál
til kasta neyðar-
móttökunnar.
Þar af leiddu
1.143 til kæru.
„Neyðarmót-
takan er orðin
hluti af þeirri þjónustu sem al-
menningur telur eðlilegt og nauð-
synlegt að sé til staðar. Kröfur til
okkar sem starfa við móttöku, með-
ferð og réttargæslu fyrir brotaþola
eru að fylgjast vel með og vera
málsvarar þeirra,“ segir Eyrún í
frétt á vef Landspítalans.
sbs@mbl.is
Meira en 150 á
neyðarmóttöku í ár
 2.585 mál frá stofnun árið 1993
Eyrún B.
Jónsdóttir