Morgunblaðið - 23.11.2016, Blaðsíða 36

MIÐVIKUDAGUR 23. NÓVEMBER 328. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. VG vill stórfelldar skattahækkanir
2. Ljósmyndari sakaður um nauðgun
3. Sólveig Kára og Dhani að skilja
4. Ævintýralegt rán á hraðbrautinni
»MEST LESIÐ Á mbl.is
FÓLK Í FRÉTTUM
 Transatlantic Tríó leikur á tón-
leikum Múlans á Björtuloftum í
Hörpu í kvöld kl. 21. Tríóið stofnaði
danski gítarleikarinn Peter Tinning
2013, en með honum spila Þorgrímur
Jónsson á bassa og Scott McLemore
á trommur. Tónlist Tinning er lýst
sem lagrænni og hlýrri, uppfullri af
norrænu andrúmslofti.
Transatlantic Tríó
á Múlanum
 Sveinn Yngvi
Egilsson, prófess-
or í íslenskum
bókmenntum,
fjallar í kvöld kl.
20 á Bókakaffi í
Gerðubergi um
hafið, siglingar,
sjómenn og birt-
ingarmyndir
þeirra í völdum skáldverkum; allt frá
Agli Skallagrímssyni og Ódysseifi, til
Einars Benediktssonar og dægur-
lagatexta okkar daga.
Fjallar um hafið og
siglingar í skáldskap
 Heiða – fjalldalabóndinn nefnist ný
bók eftir Steinunni Sigurðardóttur
sem skrifuð er í orðastað Heiðu Guð-
nýjar á Ljótarstöðum í Skaftártungu.
Heiða og Steinunn lesa úr bókinni á
Suðurlandi næstu daga. Annað kvöld
kl. 20 á Bókakaffinu á Selfossi,
sunnudaginn 27. nóvember í Kötlu-
setrinu í Vík kl. 17 og
í Hofgarði í Öræf-
um sama kvöld kl.
20. Mánudaginn
28. nóvember er
komið að Hala í
Suðursveit og
Nýheimum á
Höfn.
Upplestrar um
Suðurland þvert
Á fimmtudag Sunnan- og suðvestan 10-18 m/s. Talsverð rigning
sunnan- og vestan til. Úrkomulítið NA-lands fram á kvöld. Hiti víða
4 til 8 stig.
SPÁ KL. 12.00 Í DAG Vaxandi suðlæg átt og hlýnandi veður síð-
degis með snjókomu eða slyddu. 8-15 m/s um landið vestanvert í
kvöld og rigning syðra.
VEÐUR
Flest bendir til þess að Dag-
ur Sigurðsson taki við þjálf-
un japanska karlalandsliðs-
ins í handknattleik þegar
hann lýkur störfum hjá Evr-
ópumeisturum Þjóðverja
snemma á næsta ári. Hann
gefur þó ekkert upp um
áform sín. Það væri hins
vegar ekki í fyrsta sinn sem
Dagur yfirgefur Þýskaland
til þess að taka við ögrandi
starfi í landi hinnar rísandi
sólar. »1
Vendir Dagur sínu
kvæði í kross?
Íslenska karlalandsliðið í körfuknatt-
leik er í geysilega sterkum riðli í loka-
keppni Evrópumótsins 2017, en dreg-
ið var í gær. Frakkar, Grikkir, Finnar,
Slóvenar og Pólverjar verða andstæð-
ingarnir í Helsinki næsta haust, en
allt eru þetta þjóðir sem
hafa náð langt á stór-
mótum. Ísland hefur
þó unnið þrjár þeirra.
»2-3
Geysisterkur riðill
Íslands á EM í Helsinki
Sumir eru farnir að líkja þýska knatt-
spyrnuliðinu RB Leipzig við enska lið-
ið Leicester City, enda er það öllum
að óvörum á toppnum í Þýskalandi.
RB Leipzig var í fimmtu deild fyrir sjö
árum en er nú fyrir ofan Bayern
München og Dortmund. Hins vegar
eru óvinsældir liðsins umtalsverðar
og sumir líta á það sem ógnun við
þýska knattspyrnu. »4
Þýska Leicester er
ekki sérlega vinsælt
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ingveldur Geirsdóttir
ingveldur@mbl.is
Félagar í gönguhópnum Alviðru
gengu sína þúsundustu göngu
saman nýverið. Þeir eru nær allir
jafnaldrar í kringum áttrætt en
flestir eru samstúdentar úr
Menntaskólanum í Reykjavík frá
1956 auk nokkurra maka.
Meðalfjöldinn í hverri göngu Al-
viðru nú er á milli átta og níu tals-
ins og er gengið þrjá daga vik-
unnar allar vikur ársins, að sögn
Sigurðar Þorvaldssonar, félaga í
Alviðru.
Það var Ólafur Gíslason verk-
fræðingur sem átti frumkvæðið að
stofnun gönguhópsins, en fyrsta
ganga var farin 14. ágúst 2007 og
sú þúsundasta 14. nóvember
síðastliðinn. Samtals hafa þátttak-
endur gengið um 29.300 km í
þessum göngum Alviðru á rúmum
níu árum. Þeir tíu sem oftast hafa
gengið hafa að baki rúmlega 200
göngur og allt upp í 930 göngur.
Ganga nánast einvörðungu
í Elliðaárdalnum
Að sögn Sigurðar ganga félagar
í Alviðru í öllum veðrum eins og
nafnið gefur til kynna; hvorki
rigning, snjókoma né stormur
koma í veg fyrir að gengin sé
hefðbundin ganga.
„Fyrstu mánuðina var gengið á
ýmsum stöðum en hin síðari ár
hefur nær einvörðungu verið
gengið í Elliðaárdalnum. Þar er
fallegt og skjólgott umhverfi.
Dýralíf felst í margvíslegum fugla-
tegundum ofan og neðan við Ár-
bæjarstíflu auk kanína sem mörg-
um finnst nú orðnar heldur
margar. Trjágróður og jurtalíf er
einnig býsna fjölskrúðugt og gam-
an að fylgjast með breytileikanum
með árstíðunum,“ segir Sigurður.
„Yfirleitt er gengið frá Sprengi-
sandi á horni Reykjanesbrautar
og Bústaðavegar og farinn hring-
ur um Elliðaárdalinn, sunnan-
megin upp að Árbæjarstíflu, yfir
hana og til baka Rafstöðvarveg,
um 4,4 km leið. Að þessu búnu er
farið í kaffi hjá Bakarameistar-
anum í Austurveri,“ bætir hann
við.
Sigurður segir að það þurfi þó
orðið að passa sig á hjólreiðafólk-
inu á gönguleiðinni.
„Göngustígurinn er einnig ætl-
aður hjólreiðafólki og þar er þörf
á varkárni og nauðsyn að hraða sé
stillt í hóf þegar akandi fólk mætir
eða fer fram úr gangandi. Einhver
óhöpp hafa orðið í þessu sambandi
og einnig óhöpp tengd kanínum á
þessari leið,“ segir Sigurður að
lokum.
Ganga dalinn í öllum veðrum
 Samstúdentar
úr MR ganga sam-
an þrisvar í viku
Alviðra Jónas Elíasson, Ólafur Gíslason, Kristín Bjarnadóttir, Hólmgeir Pálsson, Svava Ágústsdóttir, Ólafur Sig-
urðsson, Ragnheiður Torfadóttir, Sigurður Briem, Egill Sigurðsson, Helgi Gíslason, Guðrún Erlendsdóttir og Sig-
urður E. Þorvaldsson á göngu í Elliðaárdalnum, en þau ganga þar saman þrisvar í viku allar vikur ársins.
Morgunblaðið/Ómar
Elliðaárdalur Gangandi og hjólandi verða að vinna þar vel saman.