Morgunblaðið - 23.11.2016, Blaðsíða 30

30 MENNING
MORGUNBLAÐIÐ MIÐVIKUDAGUR 23. NÓVEMBER 2016
Vertu viðbúinn vetrinum
LÉTTAR – STERKAR – TRAUSTAR
SNJÓKEÐJUR
Hafðu samband og kynntu þér
vöruúrvalið og þjónustuna
Júlía Margrét Alexandersdóttir
julia@mbl.is
„Áherslan að þessu sinni er á ung-
linga, bæði sem þátttakendur og
áhorfendur en hátíðin á þó vissu-
lega að höfða til allra sem hafa
einhvern tímann verið unglingar,“
segir Ásgerður G. Gunnarsdóttir,
annar tveggja
listrænna stjórn-
enda Reykjavík
Dance Festival.
Yfirskrift há-
tíðarinnar að
þessu sinni er
Únglingurinn í
RDF og hefst
fimmtudaginn
24. nóvember og
stendur í þrjá
daga, til og með
laugardagsins 26. nóvember.
Ásgerður segir að hana og list-
rænan meðstjórnanda hennar, Al-
exander Roberts, hafi í tvö ár
langað til að tefla fram unglingn-
um sem þema og nú hafi gefist
tækifæri til að kýla á það, með því
að bjóða upp á sýningar sem höfði
til unglinga og þá eru táningar
einnig þátttakendur.
„Það er ekki svo oft sem maður
rekst á unglingavæna viðburði í
menningarlífinu, þar sem áherslan
er á þennan aldurshóp. Þetta eru
svo áhugaverðir krakkar og
skemmtilegt tímabil í lífinu og
okkur fannst spennandi að prófa
að hafa unglinginn í brennidepli.
Unglingsárin er tímabil sem
stundum gleymist í listsköpun þar
sem frekar er einblínt á að gera
dansverk fyrir börn og svo dans-
verk fyrir fullorðna.“
Þótt þau verk sem sýnd verða á
hátíðinni séu ekki búin til sér-
staklega fyrir táninga eiga þau
það þó öll sameiginlegt að vera
líkleg til að höfða sterkt til þeirra.
Meðal þeirra sem koma fram á há-
tíðinni er sviðslistahópur frá Kan-
ada sem kallar sig Mammalian
Diving Reflex. Uppsetning þeirra
á verkinu Dare Night hverfist um
„Sannleikann eða kontor“, sem
flestir þekkja sem partíleik þar
sem þátttakendur eru manaðir
upp í að framkvæma eitthvað
fyndið og stundum eitthvað ægi-
legt. Verkið, sem sýnt er í Tjarn-
arbíó á fimmtudagskvöld, er unnið
í samvinnu með reykvískum ung-
lingum en Mammalian-hópurinn
ferðast um allan heim og sérhæfir
sig í gerð verka með óþjálfuðum
einstaklingum.
Lýkur með listaþjóðfundi
Dansverkið GRRRRLS eftir Ás-
rúnu Magnúsdóttur er sýnt í
Tjarnarbíó á föstudeginum en það
verk samdi Ásrún árið 2015 og
vann það með 15 unglingsstelpum.
Það fjallar um hvernig það er að
vera unglingsstelpa og samstöðu
kvenna á þessum aldri. Erna Óm-
arsdóttir og Valdimar Jóhannsson
eru einnig með viðburð á hátíðinni
sem unninn er með Íslenska dans-
flokknum og tengist hann líka
þessu millibilsástandi milli þess að
vera barn og fullorðin. Þá eru
ónefnd verk eftir danshöfundana
Steinunni Ketilsdóttur og Katrínu
Gunnarsdóttur en nánar má kynna
sér dagskrána á heimasíðu hátíð-
arinnar reykjavikdancefestival.-
com. Nokkrir aðrir viðburðir í
nóvember tengjast þá líka hátíð-
inni.
„Á laugardaginn verður svo, í
samstarfi við Hörpu tónlistar- og
ráðstefnuhús, eins konar listaþjóð-
fundur, þar sem möguleikar listar-
innar til að breyta heiminum
verða ræddir. Aktívistar og lista-
menn úr ýmsum áttum halda
stutta fyrirlestra og fjalla um verk
sín í þessu samhengi og ungt fólk
fær tækifæri til að fá innblástur,
hugsa og tjá sig um listina sem
hreyfiafl.“
Má bjóða unglingum með
Yfirskrift þessa málfundar er
Listmundur og hefst hann kl. 13,
stendur í um þrjá tíma en mark-
miðið er meðal annars að koma á
framfæri hugmyndum ungs fólks
og hvetja það til að láta rödd sína
heyrast í umræðunni um list. Með-
al þeirra sem koma fram eru Elín
Hansdóttir, Andri Snær Magna-
son, Ben Frost, Unnsteinn Manuel
Stefánsson og Una Torfadóttir.
„Svo viljum við auðvitað fá sem
flesta unglinga á sýningarnar svo
að með hverjum keyptum miða má
bjóða með allt að fimm unglingum
ókeypis. Okkur langar til að hafa
unglingana áfram með í þema
Reykjavík Dance Festival og
þeirra þátttaka verði fastur liður.
Það er svo gaman að vinna með
þessum krökkum og það er gaman
að geta boðið upp á dagskrá sem
þessa því hún höfðar til svo
margra.“
Unglingurinn í brennidepli
 Yfirskrift Reykjavík Dance Festival í nóvember er Únglingurinn í RDF  Hefur verið
draumur listrænna stjórnenda hátíðarinnar að fá táningana til þátttöku og sem áhorfendur
Ljósmynd/Konstantin Block
Táningakraftur 15 unglingsstelpur dansa í GRRRRLS en verkið fjallar um tilveru ungra kvenna.
Ljósmynd/Steve Lorenz
Áskoranir Umgjörð Dare Night er leikurinn Sannleikurinn eða kontor.
Ásgerður G.
Gunnarsdóttir
Til minningar um nýafstaðin hryðju-
verk í París gefur bandaríski mynd-
listarmaðurinn Jeff Koons Parísar-
borg og frönsku þjóðinni flenni-
stóran skúlptúr, tíu metra háan, og
verður hann settur upp fyrir framan
Samtímalistasafnið í París og sýn-
ingarhöllina Palais de Tokyo,
skammt frá Eiffelturninum.
Greint var frá gjöfinni í The New
York Times og birt af verkinu tölvu-
gerð mynd; skúlptúrinn er úr bronsi,
ryðfríu stáli og áli – hann er einn sá
stærsti sem listamaðurinn hefur
gert – og sýnir hönd sem heldur á
túlípanavendi. Vísar verkið í hönd
Frelsisstyttunnar, sem Frakkar gáfu
Bandaríkjamönnum á sínum tíma.
Í samtali segist Koons vonast til að
verkið hafi afgerandi áhrif á fólk, að
„Túlipanavöndurinn“, eins og það
kallast, gefi tilfinningu fyrir fram-
tíð, bjartsýni, gleðinni við að gefa,
tilfinningu fyrir því að eitthvað
stærra og mikilvægara sé utan við
sjálfið.
Áhrif frá blómamálverkum
Skúlptúrinn er gerður undir
áhrifum blómamálverka eftir Fra-
gonard, Picasso og aðra mikilvæga
málara og segist Koons hafa valið
túlípana í verkið vegna þess hvernig
þeir þenjast út við að opnast en hann
vonast til að það sé fjölskyldum
fórnarlamba hryðjuverkanna hvatn-
ing til að halda áfram að lifa lífinu.
Skúlptúrar eftir Jeff Koons eru
með dýrustu verka samtímalista-
manna og hafa á síðustu árum skipt
um hendur fyrir milljarða króna.
Koons gefur verkið en framleiðsla
og uppsetning þess kostar allt að
hálfum milljarði króna. Fénu hefur
verið safnað hjá einkaaðilum í
Bandaríkjunum og í Frakklandi.
Sendiherra Bandaríkjanna í Frakk-
landi vonast til að verkið dragi fleiri
ferðamenn til borgarinnar, en þeim
hefur fækkað eftir hryðjuverkin.
Jeff Koons gefur
París skúlptúr
Tölvumynd/Noirmontartproduction
Blómvöndur Skúlptúr Jeff Koons.