Dagblaðið Vísir - DV - 24.11.2015, Síða 10

10 Fréttir Vikublað 24.–26. nóvember 2015
„Guð elskar Glaðan Gjafara“
n Konu með sykursýki sagt að hún væri læknuð n Lekardal fékk sýn frá Guði um
Þ
að var úrhellisrigning þegar
blaðamaður mætti í anddyri
Austurbæjar leikhúss, laust
fyrir klukkan 20 á sunnu-
dagskvöld þar sem tilefnið
var að vera viðstaddur síðasta af
þremur kraftaverkakvöldum Miracle
Festival í Reykjavík. Líkt og DV fjall-
aði um í síðasta helgarblaði stóðu
sænsku prédikararnir Mattias Lekar-
dal, Stefan Edefors og sjónvarpsstöð-
in Omega fyrir samkomunum um
helgina.
Blaðamaður fékk vingjarnlegar
móttökur með hlýju handabandi
eins starfsmanna samkomunnar
og gekk inn í glæsilegan leikhússal
Austurbæjar. Sviðið var dekkað upp
eins og fyrir tónleika, með hljóðfær-
um og öllu tilheyrandi og ljóst að
þarna væri eitthvað mikið í vændum.
Kristileg rokktónlist hljómaði undir.
Salurinn var fjarri því fullskipaður
en þegar á leið fór fólk af öllum aldri
að tínast inn. Meirihlutinn þó eldra
fólk. Segja má að mætingin hafi verið
með ágætum, þó að forsvarsmenn
samkomunnar hefðu að eigin sögn
viljað sjá fleiri á þessu lokakvöldi.
Bannað að fara á klósettið
Eftir tvö tónlistaratriði steig Eiríkur
Sigurbjörnsson, kenndur við
Omega, á svið þar sem hann kynnti
Mattias Lekardal fyrir viðstöddum
og greindi eilítið frá forsögu hans
og hvernig hann hlaut sem ungur
drengur köllun Guðs til að gerast
spámaður. Fram kom í máli Eiríks að
kvöldið áður, laugardagskvöldið 21.
nóvember, hefðu 38 gestir á krafta-
verkakvöldinu tekið á móti Jesú inn
í líf sitt og mikill fjöldi hlotið lækn-
ingu fyrir tilstilli krafta Mattiasar og
Stefans. Brýnt var fyrir viðstöddum
að sitja kyrrir í sætum sínum meðan
á samkomunni stæði og að tíðar kló-
settferðir væru illa séðar því mikill
umgangur „truflaði Guðs anda“ að
störfum. Ef fólk glímdi við blöðru-
bólgu, eða aðra kvilla, þá væri lækn-
ingu við því að fá þarna um kvöldið
að sögn Eiríks.
Mattias, sem hafði verið að birt-
ast við og við á og í kringum sviðið
með Coke-flösku og farsíma í hönd,
steig því næst á svið og fór að segja
skrýtna sögu af því þegar stærsta
poppstjarna Svíþjóðar leitaði til hans
eftir leiðsögn og ráðleggingum fyrir
nokkrum árum. Í kjölfarið fylgdi
mikil bransasaga þar sem Mattias
var orðinn potturinn og pannan í
að endurreisa feril þessarar ónafn-
greindu poppstjörnu og skipuleggja
tónleikaferð hennar sem hennar
hægri hönd.
Læknuð af sykursýki
Salurinn var spurður hversu margir
þar hefðu komið á fyrri kraftaverka-
kvöld og fengið lækningu. Voru þau
kölluð upp á svið og taldi blaða-
maður ellefu manns. Hvert á fætur
öðru gaf þau Mattiasi vitnisburð um
hversu gott hann hefði gert þeim.
Þarna kom kona sem hafði axlar-
brotnað í slysi fyrir einu og hálfu ári
og verið kvalin í öxlinni og fótunum
síðan. Lýsti hún því yfir að Mattias
hefði fjarlægt verkinn í öxlinni og að
hún væri betri í fætinum. Fleiri vitn-
isburðir komu frá fólki með ýmiss
konar kvilla, líkamlega og andlega,
allt frá þunglyndi og kvíða til bak-
verkja og annarra eymsla. Að þeirra
sögn leið þeim ýmist betur eða höfðu
hlotið lækningu, þökk sé Mattiasi.
Önnur eldri kona kvaðst hafa lif-
að við verki í öllum líkamanum, eins
konar gigt, auk annarra kvilla á borð
við of háan blóðsykur. Mattias kvaðst
hafa séð konuna í sýn fyrir nokkrum
dögum og að Guð hefði sagt henni að
það þyrfti að biðja nokkrum sinnum
fyrir henni til að hún myndi lækn-
ast að fullu. Konan kvaðst trúa því
að hún væri nú læknuð af of háum
blóðsykri.
„Þú ert læknuð!“ hrópaði Mattias
þá og lýsti því þar með yfir að hún
þyrfti ekki að hafa áhyggjur af sykur-
sýkinni. Eins og gefur að skilja getur
það verið verulega varhugavert fyrir
heilsufar þessarar konu ef hún tekur
Mattias á orðinu og hættir að huga
að sjúkdómnum. Afleiðingarnar
gætu orðið alvarlegar.
Enn ein eldri kona, sem átti erfitt
um gang, kom upp og sagði að hún
hefði verið plöguð af verkjum eftir
tvö bakbrot á ævinni auk þess sem
hún þjáðist af sykursýki og kvíða.
Mikill hugur var kominn í Mattias
sem, á meðan hún var að útlista
kvilla sína, sveiflaði hönd sinni yfir
konunni með „susshljóði“ og lýsti
yfir: „Þú læknast algjörlega!“
Eftir þessa vitnisburði, frá fólki
sem lýsti því yfir að það hefði feng-
ið bót sinna meina, eða að minnsta
kosti hafið sitt lækningarferli í gegn-
um beintengingu Mattiasar við Guð,
var allt klárt fyrir næsta dagskrár-
lið kvöldsins. Það var komið að fjár-
málunum.
Sýn um rausnarlegar
peningagjafir
Eiríkur Sigurbjörnsson tilkynnti að
nú yrði opnað fyrir frjáls framlög úr
sal. Benti hann á að ókeypis hefði
verið á viðburðina um helgina en að
á fyrri kvöldum hafi verið ákveðið að
sleppa því að óska eftir peningum.
Ekki núna. Sagði Eiríkur að Jesús
hefði lagt áherslu á að gefa og varp-
aði fram setningu sem blaðamaður
hefur áður heyrt hann segja í fjár-
öflunarátökum Omega: „Guð elskar
glaðan gjafara.“
Hann benti á að leigan á salnum
í Austurbæ hefði kostað 750 þúsund
krónur og hann áttaði sig ekki á því
hvernig Mattias og Stefan ætluðu að
standa straum af þeim kostnaði. Þeir
hefðu þó ekki áhyggjur því Eiríkur
„Það er eitt að hafa
trú, það getur
verið fallegt og þar finna
margir huggun og ístað í
óhugnanlegum heimi. En
það er eitt að hafa trú og
annað að nýta sér trúgirni
annarra. Það getur aldrei
verið fallegt.
Sigurður Mikael Jónsson
mikael@dv.is
Fréttaskýring
Óskað eftir peningum Það var ekki langt liðið á kraftaverkakvöldið þegar farið var að taka við frjálsum framlögum til styrktar Miracle Festival Reykjavík. Fötur voru látnar ganga, posi
var virkjaður fyrir framlög og talað var um sýn Mattiasar Lekardal um að þarna væru samankomnir minnst 10 einstaklingar sem ætluðu að gefa 50 þúsund krónur eða meira. Hér má sjá
Lekardal og Eirík Sigurbjörnsson prédika saman á myndskeiði sem finna má á YouTube. Mynd SkJáSkot af youtuBe
„Þú ert
læknuð!