Dagblaðið Vísir - DV - 24.11.2015, Page 26

Vikublað 24.–26. nóvember 201522 Sport
„Við horfðum á
þá tekna af lífi“
n Sá aftökur tíu ára n Kei Kamara ólst upp í Síerra Leóne n Slær í gegn í MLS-deildinni
É
g verð að viðurkenna að ég fæ
enn martraðir,“ segir Síerra-
Leónemaðurinn Kei Kamara
í samtali við CNN. Kamara, 31
árs, leikur knattspyrnu með
Columbus Crew í bandarísku MLS-
atvinnumannadeildinni og hef-
ur slegið í gegn á árinu. Hann hefur
skorað 24 mörk í 32 leikjum á leiktíð-
inni en liðið hefur komið á óvart og
leikur þessa dagana í úrslitum austur-
deildar MSL-deildarinnar.
Martraðirnar sem Kamara tal-
ar um eiga rætur sínar að rekja til
æskuminninga. Atburðir úr fortíðinni
sækja enn á þennan öfluga framherja
en borgarastríð geisaði í Síerra Leóne
á árunum 1991 til 2002, þar sem 50
þúsund voru drepin.
Varð vitni að aftökum
Kamara ólst upp í bænum Kenema,
en þar urðu í stríðinu mikil átök á
milli uppreisnarmanna og stjórnar-
liða. Einn góðan veðurdag, þegar
hann var líklega 10 eða 11 ára, varð
hann vitni að atburðum sem enginn
– allra síst barn – á að þurfa að horfa
upp á. „Þeir höfðu gómað nokkra
uppreisnarmenn og bundið þá nið-
ur. Við krakkarnir vorum forvitn-
ir og fylgdumst með því sem fram
fór.“ Það var ákvörðun sem hann enn
þann dag í dag sér eftir að hafa tekið.
„Við horfðum á mennina tekna af lífi,
beint fyrir framan nefið á okkur,“ segir
hann við CNN.
Atburðurinn hafði mikil áhrif á
Kamara. „Ég fæ enn martraðir um að
ég sé á flótta,“ segir framherjinn. „Það
er alltaf eitthvað um að vera, alltaf
eitthvert fólk á eftir mér. Þannig eru
martraðirnar. Ég vakna upp á hverj-
um morgni og við mér blasir að svona
var æskan mín. Þess vegna leitar
þetta sífellt á mig.“
Naut þess að finna tengingu
Kamara flúði 16 ára með fjöl-
skyldu sinni til Bandaríkjanna, til
borgar englanna, þar sem hann æfði
knattspyrnu og varð á háskólaárunum
að miklum markaskorara. Frammi-
staða hans vakti athygli forráða-
manna Columbus Crew og þeir völdu
hann í níunda valrétti nýliðavalsins
árið 2006. Hann átti erfitt uppdráttar
hjá félaginu og skoraði aðeins fimm
mörk í 36 leikjum. Honum leið ekki
nógu vel, enda með mikla þörf fyrir
heimilislegt og vinalegt umhverfi.
Hann skipti í tvígang um lið áður
en hann gekk í raðir Sporting Kansas
City, þar sem á milli hans og stuðn-
ingsmanna þróaðist fallegt samband.
Þeir tóku hann í guðatölu enda skor-
aði hann 38 mörk í 113 leikjum fyrir
félagið. „Ég naut þess í botn að koma
til Ameríku og finna tenginguna við
stuðningsmennina. Ég þrífst best við
þannig aðstæður – það veitir mér
aukna orku.“
Kamara reyndi fyrir sér í ensku
úrvalsdeildinni, hjá Norwich, um
skamma hríð sem lánsmaður, en
gekk síðar í raðir annarrar deildar
liðs Middlesbrough. Þar naut hann
ágætra vinsælda en skoraði aðeins
fjögur mörk í 25 leikjum fyrir félagið
og fór frá því í lok ágúst í fyrra. Síðan
hélt hann aftur til Bandaríkjanna.
Sneri aftur „heim“
Hann þurfti aftur að fara í gegnum
nýliðaval enda hafði Sporting Kansas
City afsalað sér öllum rétti til leik-
mannsins. Fyrir tilviljun átti Colum-
bus Crew fyrsta valrétt í nýliðavalinu
og svo fór að Kamara sneri aftur til
félagsins sem valdi hann í nýliðavali
næstum áratug áður. Þar hefur hann
svo sannarlega blómstrað og varð
ásamt öðrum leikmanni markahæsti
maður deildarinnar – með 22 mörk.
Í úrslitakeppni austurdeildarinnar
tapaði Crew fyrri undanúrslitaleikn-
um í Montreal. Með tilstuðlan tveggja
marka Kamara tókst þeim að vinna
einvígið, í framlengingu, og komast í
úrslitin. Ekki eitthvað sem menn sáu
fyrir áður en leiktíðin hófst. Nú stend-
ur yfir einvígi við New York Bulls, efsta
liðið í austurdeildinni, en það lið sem
hefur betur leikur til úrslita við sigur-
vegara vesturdeildarinnar um sjálfan
titilinn í desember.
Kamara segist, samhliða vel-
gengninni í MLS, upplifa sig sem eins
konar kyndilbera fyrir flóttamenn
sem standa í ströngu víðs vegar um
heim. „Það hefur mikil áhrif á mig
að heyra allar þessar sögur og sjá
fólk flýja heimili sín,“ segir hann við
CNN. Heimilið sé manni allt. „Enn
þann dag í dag þrái ég að komast
heim til Síerra Leóne og hitta ættingja
mína.“ Það hryggir hann að sjá hversu
víða dyrunum er lokað fyrir flótta-
fólki. Sérstaklega er honum umhug-
að um börnin, sem enga ábyrgð bera
á ástandinu. „Svona reynsla fylgir
manni alla tíð.“
Fór ekki með
uppreisnarmönnum
Kamara segist hafa verið svo lán-
samur að taka ákvörðun að fylgja
ekki uppreisnarmönnum úr bænum,
þegar þeir yfirgáfu Kenema. Margir
barnahermenn hafi fylgt þeim, í von
um öryggi, en hann hafi verið svo lán-
samur að eiga í nánu sambandi við
fjölskyldu sína. Hún hafi verið mjög
samheldin. „Uppreisnarmennirn-
ir tóku húsið okkar – eitt það stærsta
í bænum – og bjuggu í því vikum
saman. Að lokum urðu þeir undir
og voru hraktir úr bænum. Það hefði
verið svo auðvelt að fara með þeim.
En fjölskylda mín stóð saman og mér
leið aldrei eins og ég stæði einn.“
Kamara segir, þrátt fyrir allt, að
hann búi að þeirri reynslu sem hann
hafi upplifað sem barn. Hún hafi
mótað hann. Hann óski engum að
upplifa það sem hann gekk í gegnum
en að honum hafi auðnast að taka allt
það jákvæða með sér. Fyrir vikið hafi
hann burði til að fara til Síerra Leóne
og hjálpa til við að búa börnum betra
líf þar. n
Baldur Guðmundsson
baldur@dv.is
„Ég fæ enn
martraðir um
að ég sé á flótta
Vinsæll Kamara
þrífst best í vinalegu
andrúmslofti.
VW Amarok Trendline pallbíll ←
12/2012, ekinn aðeins 25 þús km. Diesel.
Álfelgur. Dráttarkrókur. Driflæsing á afturdrifi.
Heithúðun á palli. Málmlitur. Aukabúnaður
að verðmæti 536.000,- Nýr bíll kostar 8,4
með þessum búnaði.
Okkar verð:
6.490.000 KR.