Dagblaðið Vísir - DV - 27.05.2015, Page 10

10 Fréttir
T
ugir núverandi og fyrrver­
andi starfsmanna Kaup­
þings munu fá greiddar
milljónir króna hver í bónus
takist að ljúka uppgjöri slita­
búsins með nauðasamningum sem
verði í kjölfarið samþykktir af íslensk­
um dómstólum. Þeir sem fá hæstu
greiðslurnar, ýmsir lykilstarfsmenn
og æðstu stjórnendur slitabús fallna
bankans, eiga von á því að fá bónusa
sem nema allt að árslaunum þeirra,
samkvæmt öruggum heimildum DV.
Það jafngildir bónusgreiðslum að fjár­
hæð um 30 til 50 milljónir króna.
Flestir starfsmenn Kaupþings
hafa hins vegar samið um bónus­
greiðslur sem nema 3 til 6 mánaðar­
launum þeirra verði nauðasamning­
ur samþykktur af dómstólum. Þeir
starfsmenn fá því bónusa greidda
frá slitabúinu að fjárhæð um 5 til 10
milljónir króna, samkvæmt heim­
ildum DV. Samkvæmt ársreikn­
ingi Kaupþings fyrir árið 2014 námu
laun á hvern starfsmann að meðal­
tali 1,6 milljónum króna á mánuði.
Starfsmönnum hefur fækkað talsvert
á undanförnum árum samhliða því
að slitabúið hefur umbreytt eignum
yfir í lausafé en að meðaltali störfuðu
50 manns hjá Kaupþingi á síðasta ári.
Samið um bónusa 2012 og 2013
Ljóst er að bónusgreiðslur til starfs­
manna Kaupþings hlaupa að lágmarki
samtals á mörg hundruð milljónum
króna, ef ekki yfir milljarði króna.
Samningar um bónusgreiðslur við
samþykkt nauðasamnings voru gerðir
við stærstan hluta starfsmanna, sam­
kvæmt upplýsingum DV, á árunum
2012 og 2013. Á þeim tíma var orðið
ljóst að áform slitastjórnar Kaupþings
um ljúka uppgjöri með nauðasamn­
ingum myndi að líkindum frestast um
ófyrirséðan tíma. Seðlabanki Íslands
hafði ekki í hyggju að veita slitabú­
inu undanþágu frá fjármagnshöftum í
tengslum við nauðasamning sem var
lagður fyrir Seðlabankann í október
2012. Enn í dag er sú afstaða Seðla­
bankans og stjórnvalda óbreytt þar
sem ekki hefur verið talið forsvaran­
legt að taka afstöðu til undanþágu­
beiðni slitabús Kaupþings – og einnig
Glitnis – fyrr en heildstæð áætlun um
losun hafta liggur fyrir. Sú áætlun
verður kynnt von bráðar.
Kaupþing vildi ekki svara fyrir­
spurn DV um hversu margir núver­
andi og fyrrverandi starfsmenn slita­
búsins myndu fá greidda bónusa við
staðfestingu nauðasamnings. „Upp­
lýsingar um kjör eru trúnaðarmál á
milli starfsmanna og vinnuveitenda,“
segir í svari Kaupþings.
Samkvæmt heimildum DV munu
starfsmenn Kaupþings fá greidda
bónusa í sinn hlut óháð því hver
niðurstaða nauðasamnings verður –
eina skilyrðið er að slíkur samningur
verði samþykktur af íslenskum dóm­
stólum. Á meðal þeirra lykilstarfs­
manna og stjórnenda Kaupþings
sem munu fá hæstu greiðslurnar
eru Jóhann Pétur Reyndal, Marinó
Guðmundsson, Hilmar Þór Kristins­
son og Þórarinn Þorgeirsson. Jóhann
Pétur er yfir eignastýringu Kaupþings
en þeir Marinó og Hilmar Þór starfa
einnig undir því sviði. Þórarinn er
hins vegar yfirlögfræðingur slitabús­
ins og tók hann við því starfi þegar
Kolbeinn Árnason hætti hjá Kaup­
þingi sumarið 2013.
Fá tugmilljónir fyrir stjórnarsetu
Til viðbótar við ríflegar launagreiðsl­
ur frá slitabúinu þá fá einnig sumir
af þessum sömu starfsmönnum laun
í erlendum gjaldeyri fyrir stjórnar­
setu í erlendum félögum sem eru enn
í eigu Kaupþings. Þannig er Hilm­
ar Þór varaformaður stjórnar finnska
fjárfestingafélagsins Norvestia auk
þess að vera í stjórn evrópska drykkj­
arvöruframleiðandans Refresco Ger­
ber. Þá situr Jóhann Pétur einnig í
stjórn bresku verslunarkeðjunnar
Karen Millen og Aurora Fashions, fé­
lags sem var stofnað 2009 af Kaup­
þingi og yfirtók rekstur helstu versl­
unarkeðja Mosaic Fash ions. Fram
kemur í síðasta birta ársreikningi hjá
Karen Millen Group fyrir rekstrarár­
ið sem lauk 1. mars 2014 að þóknanir
til fimm manna stjórnar félagsins hafi
samtals numið 1,4 milljónum punda,
jafnvirði um 290 milljóna króna. Að
meðaltali námu laun á hvern stjórn­
armann því um 58 milljónum króna
á ári. Jóhann Pétur hefur setið í stjórn
Karen Millen frá því í ársbyrjun 2011.
Haldið aftur af sölu eigna
Á það hefur verið bent í ritum Seðla­
banka Íslands um fjármálastöð­
ugleika að slitabú föllnu bankanna
hafi á undanförnum misserum haldið
aftur af því að umbreyta fastafjár­
munum sínum í laust fé – og þar
hefur Kaupþing helst haldið að sér
höndum. Þannig kemur fram í síð­
asta riti Seðlabankans að Kaupþing
hafi umbreytt um 60% af uppruna­
legu eignasafni búsins í laust fé, bor­
ið saman við 70% hjá Glitni og 80%
hjá gamla Landsbankanum (LBI).
Takmarkað innstreymi af
lausu fé bendir því til
þess, útskýrir Seðla­
bankinn, að Glitn­
ir og Kaupþing séu
að „halda að sér
höndum þegar kem­
ur að sölu á fasta­
fjármunum, meðal
annars vegna þess að
ávöxtun á lausu fé
er lítil og óvissa
er uppi um
það hvernig
útgreiðslum
til almennra
kröfuhafa
verður hátt­
að.“
Heildar­
eignir
Kaup­
þings
námu
800 millj­
örðum
króna í
árslok
2014 og
þar af nam
reiðufé tæplega 402 milljörðum. Inn­
lendar eignir Kaupþings – bæði eign­
ir í krónum og gjaldeyriskröfur á inn­
lenda aðila – eru 222 milljarðar, eða
um 28% allra eigna slitabúsins. Lang­
samlega stærsta innlenda eign Kaup­
þings er 87% eignarhlutur slitabúsins
í Arion banka en sá hlutur er metinn
á 140 milljarða í ársreikningi Kaup­
þings.
Rétt er að taka fram að slitastjórn
Kaupþings er ekki hluti af þeim hópi
starfsmanna slitabúsins sem á von á
því að fá bónusgreiðslur við það að
nauðasamningur verði staðfestur af
dómstólum. Þeir sem sitja í slitastjórn
eru ekki skilgreindir sem starfsmenn
Kaupþings enda eiga þeir að vera
hlutlausir aðilar sem eru skipað­
ir af héraðsdómi. Slitastjórn Kaup­
þings er sem kunnugt er skipuð þeim
Jóhannesi Rúnari Jóhannssyni, sem er
formaður slitastjórnar, Feldísi L. Ósk­
arsdóttur og Theodóri S. Sigurbergs­
syni. Á síðasta ári námu greiðslur til
slitastjórnarinnar samtals 248 millj­
ónum króna, eins og fjallað var með­
al annars um í úttekt DV um þóknan­
ir slitastjórna gömlu bankanna þann
8. apríl síðastliðinn. Ef þeim þóknun­
um er deilt á milli slitastjórnarmanna
Kaupþings þá gera það ríflega 82,6
milljónir á mann, eða tæpar 6,9
milljónir á mánuði. DV hef­
ur ekki tekist að fá staðfestar
upplýsingar um að slitastjórn­
armenn Kaupþings muni,
rétt eins og starfsmenn slita­
búsins, jafnframt fá í sinn til
hlut bónusgreiðslur takist að
ljúka uppgjöri búsins með
nauðasamningi.
THM látið
fjúka
Yfir 91%
kröfu hafa
Kaupþings
eru erlendir
aðilar, að
langstærst­
um hluta
alþjóðlegir
vogunar­
sjóðir. Á
meðal
helstu
ráð­
gjafa er­
lendra
kröfuhafa
Vikublað 27.–28. maí 2015
Smart föt
fyrir smart konur
Sjáðu
úrvalið á
tiskuhus.is
Bæjarlind 1-3 201 Kópavogur S: 571-5464
Stærðir 38-54
Fá tugi milljóna í bónus við
samþykkt nauðasamnings
n Stór hluti starfsmanna slitabús Kaupþings fær bónus verði nauðasamningar kláraðir
Hörður Ægisson
hordur@dv.is
Bónusar Kaupþings
Helstu stjórnendur og
lykilstarfsmenn munu fá
bónusa sem nema allt að
árslaunum þeirra. Mynd
SigTryggur Ari JóHAnnSSon
Formaður
slitastjórnar
Jóhannes Rúnar
Jóhannsson