Fréttatíminn - 22.04.2016, Side 25

|25FRÉTTATÍMINN | HELGIN 22.APRÍL–24. APRÍL 2016
Móðir átján ára stúlku með
kvíðaröskun segir það stöð-
ugan línudans að ala upp
barn með kvíða
„Dóttir mín var alltaf á einhverj-
um mörkum og við vissum aldrei
hvað var að. Hún hélt til dæmis
ekki athygli í skólanum þrátt
fyrir að vera góður námsmaður.
Það var eitthvað að trufla hana
frá því að hún var svona níu ára
og hún átti alltaf erfitt með að
tengjast öðrum krökkum,“ segir
Margrét Hanna, móðir átján ára
stúlku sem var greind með kvíða
í 9. bekk.
„Þegar hún varð unglingur fór
þetta að hafa miklu meiri áhrif
á hana. Hún miklaði alla hluti
rosalega fyrir sér og fór að brjóta
sjálfa sig niður. Í níunda bekk fór
skólasálfræðingurinn að velta því
fyrir sér hvort hún væri mögu-
lega með ADHD en svo komst
hún til barna, heila- og taugasál-
fræðings sem greindi hana með
kvíða og áráttuþráhyggjuröskun,
en það er kvíðaröskun. Ástæðan
fyrir því að hún getur ekki ein-
beitt sér er sú að hún er stöðugt
með áhyggjur af hinu og þessu í
umhverfinu.“
Eftir greininguna var dóttir
Margrétar sett á kvíðalyf sem
hjálpuðu henni þar til hún byrj-
aði í menntaskóla. „Hún vildi
komast í framhaldsskóla utan
hverfisins til að komast á lista-
braut en þá þurfti hún að vera
með 9,5 í meðaleinkunn svo það
gekk ekki upp. Svo þegar hún
byrjaði í framhaldsskóla fór kvíði
vegna verkefnaskila að heltaka
hana og hún hætti að geta tekist
á við hluti og sjálfsmyndin varð
sífellt brotnari. Áráttuhegðunin
kemur fram í hlutum eins og að
hún er með tölur á heilanum
og er með fullkomnunaráráttu,
hvort sem það er þegar hún er að
velja föt á morgnana eða að gera
öll verkefni 100%. Ef hún er ekki
fullkomlega ánægð með verk-
efnin sín þá getur hún ekki skilað
þeim. Þessi kvíði er ofsalega
hamlandi því hann stoppar hana
í að gera svo margt. En í dag eru
hún í hálfu námi og það gengur
betur.“
Dóttir Margrétar hittir reglu-
lega geðlækni og gengur til sál-
fræðings, auk þess að stunda
jóga. „Þegar hún fær óútskýrð
kvíðaköst þá dregur hún sig í hlé
og gerir öndunaræfingar. Það
hefur hjálpað henni mjög mikið
að vera í skátunum því þar hefur
hún eignast sína bestu vini á allt
öðrum forsendum en í bekknum
þar sem þú þarft að vera ein-
hverskonar steríótýpa. Í dag veit
ég að litlir hlutir láta henni líða
hryllilega. Ég þarf stundum að
halda í alla mína innri ró til að
ná henni út úr húsi. En svo þarf
maður líka að passa sig að verða
ekki of meðvirkur, þetta er mjög
mikill línudans.“
„Við erum heppin því við
eigum peninga til að leita okkur
allra mögulegra úrræða, en það
eru alls ekki allir í þeirri stöðu.
Hver sálfræðitími kostar 15.000
krónur og það er ekkert niður-
greitt svo kostnaðurinn hefur
auðveldlega farið upp í 60.000
krónur á mánuði. Ég hef horft
upp á fólk sem vill gera allt fyrir
börnin sín en hefur ekki efni á
því.“ | hh
Margrét Hanna segir hluti eins og að velja föt á morgnana geta breyst í óyfirstíganlegt verk.
Sífelldur
línudans
að eiga
barn með
kvíða
ÉG ÞARF
STUNDUM AÐ
HALDA Í ALLA
MÍNA INNRI RÓ
TIL AÐ NÁ
HENNI ÚT
ÚR HÚSI.
Margrét Hanna,
móðir stúlku sem var greind
með kvíða í 9. bekk.
Mynd | Rut