Fréttatíminn - 11.06.2016, Blaðsíða 38

Einstakt ár að baki
Tónlistarstjórinn Þorvaldur Bjarni Þor-
valdsson var nýráðinn tónlistarstjóri þegar
hann stóð á sviði með Sinfóníuljómsveit
Norðurlands. „Þetta var hraðnámskeið í
hvernig var að vera hluti af hljómsveitinni.“
Hof Heimkynni Sinfóníuhljómsveitar Norðurlands.
Gítarblót Samstarfið við Guðmund Pétursson
gítarleikara gekk vonum framar.
Unnið í samstarfi við
Menningarfélag Akureyrar
Þetta er búið að vera frábært ár hjá Menn-ingarfélagi Akureyr-ar, MAk. Metnaðarfullt
starf hefur skilað sér í húsfylli,
vinsælum tónleikum sem vegna
eftirspurnar hafa líka verið fluttir
í Eldborgarsal Hörpu í Reykjavík,
tónlistarflutningi Sinfóníuhljóm-
sveitar Norðurlands í erlendum
kvikmyndum og gjöfulu sam-
starfi tónlistarmanna úr ólíkum
áttum.
„Ég hef aldrei upplifað annað
eins ár,“ segir Þorvaldur Bjarni
Þorvaldsson, tónlistarstjóri
Menningarfélags Akureyrar,
MAk.
Þegar hann var ráðinn til starfa
fyrir rúmu ári ákvað hann að selja
húsið sitt í Reykjavík og setjast
að á Akureyri. Jón Páll Eyjólfs-
son, sem ráðinn var leikhússtjóri
á sama tíma, ákvað að gera slíkt
hið sama og nú síðast Þuríður
Helga Kristjánsdóttir, nýráðinn
framkvæmdastjóri MAk.
„Við hefðum bara getað leigt
húsnæði hér og verið í stellingum
að stökkva aftur suður ef þetta
gengi ekki upp, en við vildum
sýna metnað okkar í verki og
einnig listamönnum hvað það er
gott að vera hérna,“ segir Þor-
valdur Bjarni.
Þegar dagskránni var hrint úr
vör síðastliðið haust reyndi virki-
lega á hvernig fólk tæki þessu
nýja menningarfélagi. „Það kom
að því að röðin stóð út á götu.“
Samstarf við þungarokks-
hljómsveitina Dimmu sló eftir-
minnilega í gegn og ljóst að MAk
ætlaði sér að endurskapa hlut-
verk sinfóníuhljómsveitar.
„Mér finnst gaman að láta
drauma fólks rætast. Eins og
gerðist þegar ég hafði samband
við Guðmund Pétursson gítar-
leikara með ákveðna hugmynd
en hann spurði hvort hann mætti
ekki frekar semja verk fyrir Sin-
fóníuhljómsveitina og rafmagns-
gítar og úr varð Rafgítarkonsert
nr.1. Svo komst ég að því að við
Atli Örvarsson, sem hefur samið
tónlist fyrir Hollywood kvik-
myndir og sjónvarpsþætti, áttum
þann sama draum að byggja upp
Stjórnendur Menningarfélags Akureyrar ákváðu að setjast að á Akureyri til að sýna metnað sinn í verki. Það skilaði sér
í frábæru fyrsta ári og Þorvaldur Bjarni Þorvaldsson tónlistarstjóri boðar frekari sókn. Nú er sumardagskráin í fullum
gangi og haustið verður tekið með trompi
kvikmyndatónlistarver á
Akureyri. Hof reyndist það
vel hannað að við gátum
strax hafist handa og nú
má heyra Sinfóníuhljómveit
Norðurlands flytja tónlist í
nokkrum erlendum bíó-
myndum, þar á meðal The
Perfect Guy sem var sölu-
hæsta bíómynd Bandaríkj-
anna í þrjár vikur sam-
fleytt.“
Þetta hefur þó ekki
alltsaman verið dans á rósum og
það kostar blóð, svita og tár að
byggja upp vel heppnað og öfl-
ugt menningarstarf. Þegar fyrsti
framkvæmdastjóri MAk lét af
störfum var fjárhagurinn í mikilli
óreiðu og óvissa um framtíðina.
„Þetta var mikið áfall þegar upp
komst um alla vitleysuna sem
hafði átt sér stað.“
Nokkrum mánuðum seinna
hinsvegar var Þuríður Helga
Kristjánsdóttir ráðin fram-
kvæmdastjóri og með hennar
innkomu, auk ástríðu og elju-
semi Þorvaldar Bjarna og Jón
Páls, horfði til betri vegar. „Við
erum að vinna með almannafé og
það skiptir máli að við förum vel
með það. Það hjálpar til þegar
við ráðumst í verkefni sem skila
af sér hagnaði því þá getum við
spilað meira,“ segir Þorvaldur
Bjarni.
Nú stendur yfir sumardag-
skrá MAk með skemmtilegum
tónleikum Hinsegin kórsins,
ítalskri söngveislu Artic Opera,
tónleikum Arons Óskarssonar
og Dáðadrengja frá Dalvík og
léttri klassík í flutningi bæj-
arlistamannins, Láru Sóleyjar.
Haustið hefst svo með hvelli með
sýningu rússneska ballets St.
Pétursborgar á Hnotubrjótnum.
Í kjölfarið verða portrait tónleik-
Gott ár að baki Verkefni Sin-
fóníuhljómsveitar Norðurlands
hafa verið óvenju margþætt
og viðamikil eftir að hún sam-
einaðist Leikfélagi Akureyrar og
Menningarfélagi Hofs í Menn-
ingarfélagi Akureyrar.
ar með verkum Atla Örvarsson-
ar, ásamt nýju verki og tónleikar
Ólafs Arnalds og Sinfóníuhljóm-
sveitar Norðurlands og heilmargt
fleira.
„Við erum rétt að byrja,“ seg-
ir Þorvaldur Bjarni og lofar að
gestir Eldborgarsals Hörpu fái
líka að njóta einhverja þessara
verka, þar á meðal er sinfónískt
verk Þorvaldar Bjarna, Völuspá,
í flutningi hinnar mögnuðu Völu
Guðnadóttur.
…ferðir
kynningar
14 | amk… laugardagur 11. júní 2016
Við hefðum bara getað leigt
húsnæði hér og verið í stell-
ingum að stökkva aftur suður ef
þetta gengi ekki upp, en við vildum
sýna metnað okkar í verki og einnig
listamönnum hvað það er gott að
vera hérna.
Þorvaldur Bjarni Þorvaldsson
Tónlistarstjóri