Fréttatíminn - 01.07.2016, Page 18

18 | FRÉTTATÍMINN | Föstudagur 1. júlí 2016
Það er stórmerkilegt að vera í Íslendingahafinu bláa í Frakklandi þessa dagana. Gangi maður um í fótbolta-
treyjunni góðu þá heyrist kallað á
öðru hverju götuhorni: „Islande/
Ísland/Iceland!“ Þeir sem kalla eru
allra þjóða kvikindi, eins og stund-
um er sagt, og ástæður stuðningsins
geta verið margs konar. Sumir vilja
sannarlega að Íslandi gangi vel á EM,
aðrir eru líklega alveg til í að þeirra
lið mæti Íslandi síðar í keppninni,
enn aðrir kalla þetta kannski upp
með dálitlum hroka, en hverjum er
ekki sama um það?
Bílf lautur eru þeyttar og manni
er jafnvel heilsað á götum úti með
handabandi af bláókunnugu fólki.
Það þykir greinilega stórmerkilegt
að hitta Íslending, enda erum við
smælki meðal þjóða eins og margoft
hefur verið tuggið síðustu daga.
Starfsmenn á hótelum grannskoða
vegabréfin, svona nokkuð hafa þeir
aldrei séð áður.
Frá íbúum Norðurlandanna finnur
maður greinilegan mun. Ísland er
þeirra land á mótinu og við erum enn
meiri frændur og frænkur þessa fólks
en áður. „Kære nordiske venner“
ávarpið hefur fengið nýja og dýpri
merkingu. Í hugum knattspyrnuá-
hugafólks á Norðurlöndum hefur
Ísland færst nær Evrópu.
Ótrúlegur árangur karlalands-
liðsins í fótbolta hefur auðvitað
magnað upp hvað það ku vera óg-
urlega merkilegt að vera frá þessu
landi íss og elda. Maður getur ekki
annað en bólgnað smávegis út.
Íslendingurinn þenur brjóst og
sperrir stél. Þúsundum saman hafa
Íslendingar í Frakklandi og líklega
um allan heim byrjað að hljóma
eins og „agentar“ frá Íslands-
stofu: „You should really come to
Iceland!“
En hvað er það sem gerir þetta
ævintýri mögulegt? Þetta vilja
margir ræða á götum úti, þjónar
á veitingahúsum, starfsfólk versl-
ana, fjölmiðlamenn úr ýmsum
áttum. „Hvernig er þetta hægt?“
spyr fólk og manni verður fátt um
svör, endurtekur sömu klisjurnar
aftur og aftur. Við erum vön því,
Íslendingar.
Undir niðri liggur samt eitthvað
annað og meira. Manni dettur
helst í hug djúpstæð samheldni
þjóðarinnar þegar á þarf að halda.
Þessa samheldni þekkjum við vel
og hún endurspeglast í hugarfari
þessa ótrúlega fótboltaliðs. Liðið
sýnir okkur bestu hliðar þjóðarsál-
arinnar, hvernig við getum náð
saman þvert á hópa og ólíkar
skoðanir. Íslenskt samfélag þarf að
hitta á gullna töfrajafnvægið milli
hæfilegrar einstaklingshyggju og
nauðsynlegrar samstöðu og sam-
kenndar. Sá vegur er vandrataður
en á þessu augnabliki í sögu lands-
ins höfum við líklega alla burði til
að finna hann.
Maður veltir fyrir sér hvort fót-
boltinn, þessi fallegi leikur, geti
haft djúpstæð áhrif á þankagang
þjóðarinnar. Og þá er gott að fara
varlega. Mikilvægt er að grípa ekki
til hugmynda um eðlislæg einkenni
þjóðarinnar sem kúrir í norðri,
hugmynda sem fóru á alltof mikið
flug á árunum fyrir hrun og leituðu
jafnvel inn í ræður leiðtoga okkar
sem fluttar voru út um allan heim.
Því að þrátt fyrir ótrúlegan árangur
í menningu (og já, íþróttir eru hluti
af henni) þá erum við Íslendingar
ekki frábrugðnir öðru fólki. Litn-
ingarnir eru nokkurn veginn þeir
sömu hjá okkur og milljóna- og
milljarðaþjóðum veraldar. Hins
vegar getum við sýnt bæði okk-
ur og öðrum fram á mikilvægi
samheldni, samvinnu og prúð-
mennsku. Þetta eru atferlisþætt-
ir sem að koma að góðum notum
bæði í snúnum samvinnuverkefn-
um, eins og fótbolta, og í daglega
lífinu fyrir hvert og eitt okkar.
Þessa hluti, samheldni, samvinnu
og prúðmennsku, geta íslensku leik-
mennirnir okkar í Frakklandi kennt
okkur. Þeir eru stórmerkilegir og
hugprúðir í nálgun sinni á verk-
efnið sem að fyrir liggur. Þeir haga
sér eins og sannir höfðingjar og fyr-
ir vikið verðum við enn merkilegri
þjóð.
Ekkert mótar okkur meira en
menningin sem við tökum öll þátt
í að rækta. Verum ánægð, verum
stolt og glöð, en pössum að tútna
ekki um of út yfir frábærum ár-
angri. Þá er nefnilega hætta á að
blaðran springi.
Verum sjálfum okkur, þessari
merkilegu þjóð, til sóma.
Áfram Ísland!
Guðni Tómasson
MERKILEG
ÞJÓÐ
Köllunarklettsvegi 1, 104 Reykjavík. Sími: 531 3300. ritstjórn@frettatiminn.is
Útgefandi: Gunnar Smári Egilsson. Ritstjórar: Gunnar Smári Egilsson og Þóra Tómasdóttir.
Fréttastjóri: Þóra Kristín Ásgeirsdóttir. Ritstjórnarfulltrúi: Höskuldur Daði Magnússon. Dreifing: Póstdreifing. Framkvæmdastjóri
og auglýsingastjóri: Valdimar Birgisson. Fréttatíminn er gefinn út af Morgundegi ehf. og er prentaður í 83.000 eintökum í Landsprenti.
lóaboratoríum lóa hjálmtýsdóttir
Netlu-, túnfífla- og birkilaufstöflur
örva brennslu og meltingu og eru
bjúglosandi. Sérstaklega er mælt
með vörunni til að hreinsa líkamann.
Colonic Plus
Kehonpuhdistaja
www.birkiaska.is
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Bodyflex Strong vinnur gegn stirðleika
og verkjum í liðamótum og styrkir
heilbrigði burðarvefja líkamans.
2 hylki tvisvar á dag í tíu daga. Síðan er hægt
að minnka skammt í 2 hylki á dag. Inniheldur
hvorki laktósa, ger, glúten né sætuefni.
Bodyflex
Strong
Evonia eykur hárvöxt með því að
veita hárrótinni næringu og styrk.
Evonia er hlaðin bætiefnum sem
næra hárið og gera það gróskumeira.
Bætiefni ársins í Finnlandi 2012.
Evonia
www.birkiaska.is
byko.is
FERÐATASKA 26”
9.595kr.
41119949
Almennt verð:
15.995 kr.
FERÐATASKA 22”
7.995kr.
41119950
Almennt verð:
13.595 kr.
FERÐATASKA 18”
6.495kr.
41119951
Almennt verð:
10.895 kr.
EM-TILBOÐ
40% AFSLÁTTUR
Harðar ferðatöskur