Fréttatíminn - 02.07.2016, Side 36

…viðtal 4 | amk… LAUGARDAGUR 2. JÚLÍ 2016
OrkupOkinn
Allt sem
þú þArft
HOll
Og góð
OrkA
Sólrún Lilja Ragnarsdóttir
solrunlilja@amk.is
Ég hef alltaf séð sjálfa mig fyrir mér í eigin rekstri, en ég gæti alveg verið að selja blómavasa eins og kynlífstæki. Fyrir mér er
þetta bara rekstur,“ segir Gerður
Huld Arinbjarnardóttir, eigandi
verslunarinnar Blush.is sem selur
hjálpartæki ástarlífsins og aðrar un-
aðsvörur.
Hafði aldrei átt kynlífstæki
Fyrirtækið stofnaði hún fyrir fimm
árum, þá aðeins 21 árs gömul. Í
fyrstu var aðeins um að ræða net-
verslun og heimakynningar, en í
apríl á þessu ári ákvað Gerður að
færa út kvíarnar og opna verslun í
Hamraborginni í Kópavogi, þar sem
við spjöllum saman innan um kyn-
lífstæki, unaðsolíur, kerti og ýmis-
legt annað forvitnilegt.
Hún segir mikið hafa breyst á síð-
ustu árum, bæði hvað varðar áhuga
á kynlífstækjum og kynlífshegðun.
Þá sé fólk alltaf að verða opnara í
umræðunni um kynlíf. Sjálf hefur
hún verið dugleg að tala opinskátt
um kynlíf og kynlífstæki þrátt fyr-
ir að hafa fundist það óþægilegt í
fyrstu.
„Ég held að starfið sem ég hef
unnið, í að opna umræðuna, hafi
haft mikil áhrif. Og líka það sem
Sigga Dögg kynfræðingur hefur
verið að gera. Það hefur orðið mikil
breyting á umræðunni en það þarf
alltaf einhver að vera brautryðjandi
og tala um það sem öðrum finnst
óþægilegt. Þetta var alveg jafn
óþægilegt fyrir mig þegar ég var að
byrja. Ég hafði aldrei átt kynlífstæki
sjálf fyrr en stofnaði fyrirtækið
mitt, þó ég hafi kannski prófað eitt-
hvað. Þetta var alls ekki áhugamálið
mitt.“
Á kynlífstækjaráðstefnu
Hún hefur því sjálf lært mikið um
kynlífstæki og kynlífshegðun frá því
hún hóf reksturinn. „Ég veit núna
til dæmis hvað það er mikilvægt að
þekkja sjálfan sig áður en maður
fer að stunda kynlíf með öðrum. Ég
vildi svo mikið óska þess að einhver
hefði sagt við mig þegar ég var ung-
lingur: „Heyrðu vinan, viltu byrja
á því að stunda sjálfsfróun áður en
þú ferð að ríða þessum strák.“ Mér
finnst ég hafa þroskast af því að tala
um kynlíf og heyra sögur frá öðr-
um,“ segir Gerður sem veit það líka
núna að karlar geta alveg eins haft
litla kynhvöt eins og konur.
Gerður er búin að eiga hollensk-
an kærasta í þrjú ár, en hann á
einmitt líka kynlífstækjaverslun svo
þau lifa og hrærast í sama brans-
anum. „Upprunalega var hann
heildsalinn minn en svo hittumst
við á kynlífstækjaráðstefnu og
fórum að vera saman. Ég er mjög
ánægð með þá ákvörðun að hafa
slegið til. Við búum bæði á Íslandi
og í Hollandi og flökkum á milli.
Ekkert óheilbrigt við það sem ég geri
Gerður Huld, eigandi Blush.is, verður stundum fyrir fordómum vegna þess að hún selur kynlífstæki, en meðbyrinn
er þó meiri. Hún hafði aldrei átt kynlífstæki þegar hún stofnaði fyrirtækið fyrir fimm árum, þá aðeins 21 árs.
Sem gengur upp af því við bæði get-
um unnið mikið í gegnum netið,“
útskýrir hún.
Þarf ekki bdsm-samtök
Fólk gerir oft ráð fyrir því að Gerður
sé öllum hnútum kunnug í kynlífi
og geri ekkert annað en að stunda
kynlíf með hinum ýmsu hjálpar-
tækjum, sérstaklega vegna þess að
maki hennar er í sama bransa.
„Það er mjög algengt að fólk haldi
að heimilið okkar sé undirlagt af
hjálpartækjum, rólum og svona.
En það er svo alls ekki þannig. Ég á
alveg jafn leiðinleg móment í kynlífi
og allar aðrar konur og það sama á
við um hann. Við erum bara í venju-
legu sambandi og ég er ekki alltaf
að nota kynlífstæki. Að sjálfsögðu
þekkjum við þessi tæki kannski
betur en aðrir og höfum prófað flest
allt. Maður þarf samt alls ekki að
vera meðlimur í bdsm-samtökum
til að geta selt kynlífstæki. Ég get
alveg sett mig í spor þeirra sem vilja
kaupa sér svipur, endaþarmstæki
eða aðra hluti sem kannski eru gróf-
ari en hefðbundin tæki, með því að
kynna mér hlutina. Ég held að kyn-
líf sé eitthvað sem geti sameinað
okkur öllu. Við þráum öll að vera
snert, vera mikilvæg og finna að
einhvern langi í okkur,“ segir hún
sposk á svip.
Mamma selur allskonar vörur
Gerður var alin upp í Breiðholti til
ellefu ára aldurs en þá flutti hún í
Kópavoginn, þar sem hún býr enn.
Nú í sama húsi og faðir hennar – á
neðri hæðinni. „Ég er mjög mikil
fjölskyldumanneskja og er mikið
með mömmu og pabba,“ segir hún
og brosir. Þá á Gerður sex ára son
sem býr hjá henni aðra hverja viku.
„Hann er einmitt í bekk með dóttur
eiganda verslunarinnar Tantra. Það
eru held ég þrjár kynlífstækjaversl-
anir á Íslandi og það er því ótrú-
lega skemmtileg tilviljun að börn
eigenda tveggja þeirra séu saman
í bekk. Sonur minn veit auðvitað
ekki að mamma hans selur kyn-
lífstæki, hann veit bara að ég á fyr-
irtæki sem heitir Blush.is sem selur
allskonar vörur.“
Dóttir kærasta Gerðar, og jafna-
ldra sonar hennar, veit hins vegar
að pabbi hennar selur kynlífstæki.
„Hún var forvitnari en sonur minn
og það var tekin ákvörðun um að
segja henni það. En það þarf ekk-
ert að útskýra þetta í smáatriðum.
Þetta eru einfaldlega leikföng fyrir
fullorðna. Það þarf ekki að segja
meira. Annars held ég að hann sé
bara heppinn að alast upp í svona
opnu umhverfi, þar sem er jákvætt
umtal um kynlíf. Það er ekkert
óheilbrigt eða slæmt við það sem ég
er að gera.“
Pabbi lánaði peninga
Gerður og vinkona hennar, Rakel
Ósk Orradóttir, fengu hugmyndina
að stofnun Blush.is þegar þær voru
báðar í fæðingarorlofi, en þær
kynntust í mömmuhópi á með-
göngunni. Rakel fór reyndar út úr
fyrirtækinu eftir fyrsta árið, en
þær eru ennþá bestu vinkonur. „Ég
vissi ekkert hvað ég var að fara að
gera og ég held að það sé ástæðan
fyrir því að þetta gekk upp. Ég hafði
ekkert að óttast og vissi ekkert hvað
gæti gerst. Við áttum auðvitað enga
peninga þannig ég fór til pabba og
bað um lán til að stofna fyrirtæki.
Þegar ég sagði honum hvernig
fyrirtæki, þá sagði hann margt
vera heimskulegra en það, enda
stunduðu allir í heiminum kynlíf,“
segir Gerður sem er þakklát fyrir
stuðning foreldra sinna og annarra í
kringum sig.
„Þrátt fyrir að reksturinn hafi
alltaf gengið þokkalega var þetta
ekki auðvelt fyrstu þrjú árin. Ég
var alltaf að vinna aukavinnu með
og botnaði mig algjörlega í skuld-
um bara til að koma þessu af stað.
Svo allt í einu kemst maður yfir
ákveðinn hjalla. Þá fer allt að ganga
betur og tilfinningin verður svo
góð. Það er talað um að það taki fyr-
irtæki tvö til þrjú ár að fara að skila
hagnaði og það var þannig í mínu
tilfelli. Svo er það fyrst núna sem
ég orðin nokkurn veginn áhyggju-
laus eða veit minnsta kosti að þetta
gengur.“
Finnur fyrir fordómum
Aðspurð segist Gerður stundum
finna fyrir fordómum vegna þess
að hún er í þessum ákveðna rekstri,
en ekki einhverjum öðrum. „Ég er
stundum spurð að því hvernig ég
hafi endað í þessu, eins og þetta sé
einhver endastöð. En það er alls
ekki þannig. Þetta var upphafið og
hefur gengið svona líka vel. Það er
alls enginn heimsendir að selja kyn-
lífstæki. En það er aðallega eldra
fólk sem lætur svona. Ég hef annars
fundið fyrir miklum meðbyr, sér-
staklega eftir að ég fór að opna um-
ræðuna meira og stofnaði snapchat
aðgang fyrir Blush.is.“
Gerði dreymir um að fara með
fyrirtækið á erlendan markað og
er hún nú að opna nýjan snapchat
aðgang á ensku sem er fyrsta skref-
ið að því markmiði. „Minn draum-
ur er að fá að fræða fólk og opna
umræðuna meira. Mig langar að
vera frumkvöðull í því að opna
umræðuna gagnvart kynlífi. Gera
það smekklega og án þess að vera
dónaleg. Ég vil vera pían sem er
þekkt fyrir það. Að fólk bendi á mig
og segi að ég hafi hjálpað því að tala
um kynlíf. Mig langar að komast á
þann stað að ég geti verið með fyrir-
lestra og frætt fólk.“
Í venjulegu sambandi Gerður kynntist kærastanum sínum á kynlífstækjaráðstefnu, en hann hafði þá verið heildsalinn hennar um tíma. Hún
segir þau vera í ósköp venjulegu sambandi. Mynd | Rut
Ég hafði aldrei
átt kynlífstæki
sjálf fyrr en stofnaði
fyrirtækið mitt, þó
ég hafi kannski próf-
að eitthvað. Þetta
var alls ekki áhuga-
málið mitt.