Fréttatíminn - 13.08.2016, Blaðsíða 30

Britney og Christina gefa út lag
sama dag
Britney Spears gaf út nýtt lag í vikunni sem ber
nafnið Clumsy og hefur það fengið svakalega góða
dóma. Sama dag gaf Christina Aguilera út nýtt lag
líka en það heitir Telepathy. Þær stöllur hafa verið
þekktar fyrir að vera í mikilli samkeppni við hvor aðra
svo það kemur ekki endilega á óvart að Christina hafi
ákveðið að gefa sitt lag út rétt á eftir Britney.
Bæði lögin hafa fengið mjög góðar viðtökur og
aðdáendur söngkvennanna halda ekki vatni yfir
þessum frábæru lögum.
Britney er að gefa út annað lag sitt á vænt-
anlegri breiðskífu hennar sem mun heita Glory.
Hitt lagið sem hún hefur gefið út heitir Private
Show.
Var afbrýðisöm út í systur sína
Kendall Jenner segir frá því í viðtali við Vogue, í sept-
emberhefti tímaritsins, að hún hafi oft fundið fyrir af-
brýðisemi í garð systur sinnar Kylie. „Ég man eftir að
hafa grátið í svefnherberginu mínu af því að Kylie átti
svo marga vini, en ekki ég,“ segir Kendall. Hún segist
hafa tekist á við einmanaleika sinn með því að fara í út-
reiðartúr eða bara með því að læsa sig inni í herberginu
sínu.
Kendall segir líka í viðtalinu að hún eigi mjög erfitt með að fá
að vera ein í dag. Hún segist stundum eyða miklum tíma á
hverjum degi í að hrista af sér fólk sem er að elta hana
út um allt. Hún fær lánaða bíla annarra og segir að hún
fari stundum í afslappandi bað til þess að aftengjast
öllu.
Amma Adele
í fullu fjöri
Amma söngkonunnar Adele er í fullu
fjöri, 73 ára gömul. Adele hefur alltaf
verið náin ömmu sinni, Rose, en árið
2012 féll hún í gólfið í stórmarkaði en
hún fékk alvarlegt hjartaáfall. Hún
þurfti að fara í aðgerð strax og var
Adele allan tímann við hlið ömmu sinnar
á spítalanum. Hún afbókaði alla tónleika
sína á meðan Rose var á spítalanum og neit-
aði að fara frá henni, fyrr en hún næði bata. Vinur
ömmunnar segir að Rose hafi ekki slakað neitt á eftir hjartaáfallið og sé
mjög félagslynd, vinni mikið í garðinum sínum að dytta að plöntum og
blómum. Hann segir líka að margir sem þekkja hana kalli hana Super
Gran, eða súperömmu.
Þórey Edda var
aðeins búin að æfa
frjálsar íþróttir í fjögur
ár þegar hún komst á
sína fyrstu ólympíulei-
ka, árið 2000. Fjórum
árum síðar varð hún í
fimmta sæti.
Sólrún Lilja Ragnarsdóttir
solrunlilja@amk.is
„Ég hef ekki horft á ólympíuleika
í sjónvarpi í tuttugu ár af því ég
var sjálf á síðustu fernum leikum,
þannig ég upplifi þetta öðruvísi
en áður og get fylgst meira með
en þegar ég var á staðnum,“ seg-
ir Þórey Edda Elísdóttir, verk-
fræðingur og ólympíufari sem var
um tíma í hópi fremstu kvenna í
heiminum í stangarstökki. „Það
rifjast ýmislegt upp, margar mjög
góðar minningar,“ bætir hún við.
Skjálfandi á beinunum
Þórey keppt sjálf á þrennum
ólympíuleikum, þeim fyrstu árið
2000 og síðustu 2008, en árið
2012 var hún flokksstjóri hjá ís-
lenska frjálsíþróttaliðinu. Hún seg-
ir upplifunina á þessum árum hafa
verið mjög mismunandi. „Fyrst
auðvitað eftir því hvar ég var
stödd reynslulega séð og svo að
vera ekki að keppa, það var mjög
áhugavert.“
Þórey var 23 ára þegar hún fór
á sínu fyrstu leika og hafði þá að-
eins æft frjálsar íþróttir í fjögur ár.
Hún hafði hins vegar góðan grunn
úr fimleikum sem hún hafði æft í
tíu ár. „Það gekk mjög vel hjá mér
strax. Ég var svo sem búin að æfa
eins og vitleysingur alla ævi, en
ég leit samt á mig sem byrjanda
á mínum fyrstu ólympíuleikum.
Vala Flosadóttir var stjarna á
þessum tíma og gekk frábærlega
vel,“ segir Þórey, en Vala lenti í
þriðja sæti í stangarstökki á leik-
unum árið 2000. „Ég var auðvitað
Mismunandi reynsla Þórey hefur upplifað ferna ólympíuleika, þrenna sem hún keppti á
sjálf og eina sem flokksstjóri íslenska hópsins.
Skjálfandi á beinunum
á fyrstu ólympíuleikunum
hálf skjálfandi á beinunum inni í
ólympíuþorpinu, til að byrja með.
Þetta var allt mjög yfirþyrmandi.
Það hafði blundað í mér draumur
frá því ég var krakki, að komast á
ólympíuleika, en mig óraði ekki
fyrir að hann myndi rætast.“
Full af sjálfstrausti
Fjórum árum síðar mætti Þórey
hins vegar reynslunni ríkari á sína
aðra ólympíuleika. Og var þá á há-
tindi síns ferils. „Ég hafði bætt mig
mikið um sumarið og kom með
allt annað hugarfar inn í leikana.
Ekki með hálfgerða minnimáttar-
kennd heldur með sjálfstraustið í
botni og ætlaði mér stóra hluti. Ég
var mjög ánægð með að hafa náð
fimmta sætinu, en ég fór inn í úr-
slitin með því hugarfari að ég ætl-
aði að vera í baráttunni um brons-
ið. Mér tókst það um tíma. En ég
var mjög sátt. Þetta var næstbesti
árangurinn minn á ferlinum.“
Á síðustu leikunum sínum, árið
2008, vonaðist Þórey til þess að
geta farið þetta á reynslunni og
náð þokkalegum árangri, þrátt
fyrir að líkaminn væri ekki í nógu
góðu standi. „Þó ég væri í góðu
formi þá var staðan á mér allt
öðruvísi en fyrir hina leikana, í
undirbúningi. Og ég varð fyrir
miklum vonbrigðum þar. Þannig
reynslan mín af ólympíuleikunum
var upp og niður,“ segir Þórey létt
í bragði. En hún lauk ferlinum á
þeim leikum.
„Líkaminn minn var ekki að
þola þetta lengur og þá var eina
í stöðunni að hætta. Ég var líka
orðin 32 ára og vildi fara stofna
fjölskyldu. Ég átti svo barn í
september árið eftir. Þetta var á
planinu,“ segir Þórey en hún er
nú búsett á Hvammstanga ásamt
manni sínum og tveimur sonum
og starfar sem verkfræðingur á
verkfræðistofu þar í bæ.
Líður vel á Hvammstanga
Þórey lauk BS-námi í verkfræði
meðan á íþróttaferlinum stóð en
bætti svo meistaragráðunni við
síðar. „Það var mjög gott að vera
í verkfræðinni meðfram. Ég leit á
þetta sem hálfgert öryggisnet því
það er mjög algengt að það sé ekk-
ert sem bíður hjá íþróttamönnum
þegar þeir hætta.“
Þóreyju líður vel á Hvamms-
tanga og segir lífsgæði fjöl-
skyldunnar í raun hafa aukist
til muna eftir að þau fluttu úr
borginni og út á land. Þau hafi
allt til alls.„Ég mæli eindregið
með því að fólk prófi að flytja út
á land. Maður er alltaf svo dugleg-
ur að víkka sjóndeildarhringinn í
útlöndum, en maður gleymir að
sjá sitt eigið land frá öðru sjónar-
horni.“
…fólk 2 | amk… LAUGARDAGUR 13. ÁGÚST 2016
KRINGLUNNI 2. HÆÐ | HAGKAUPSHÚSINU, SKEIFUNNI
SPÖNGINNI, GRAFARVOGI
BARNA-
GLERAUGU
til 18 ára aldurs
frá 0 kr.
Miðast við endurgreiðslu
frá Sjónstöð Íslands.
Þrátt fyrir að hafa unnið náið með
Renée Zellweger í kvikmyndun-
um um Bridget Jones þekkti Hugh
Grant ekki leikkonuna í sjónvarps-
þáttunum „Watch What Happens
Live“ á dögunum. Hann var spurð-
ur spurninga um nokkrar mót-
leikkonur sínar en þegar kom að
Zellweger sagðist hann aldrei hafa
séð þessa manneskju áður. „Hver
er þessi önnur frá hægri, ég hef
aldrei séð hana áður í lífi mínu,“
sagði leikarinn og virtist nokkuð
hissa þegar honum var sagt að um
Renée Zellweger væri að ræða.
Hann viðurkenndi að hann væri
ekki í neinu sambandi við mót-
leikkonur sínar. „Þær hata mig all-
ar, held ég.“ Zellweger hefur verið
borin þungum sökum varðandi
lýtaaðgerðir og sætt harðri gagn-
rýni fyrir að hafa farið í augnpoka-
aðgerð og fleira. Gagnrýninni hef-
ur hún svarað fullum hálsi og talað
um tvöfalt siðgæði þegar kemur
að útliti kvenna í Hollywood. Það
komi engum við hvað hún gerir
við sinn líkama og það sé óþol-
andi að vera stanslaust að senda
skilaboð um að konur séu ekki
nógu góðar; of feitar, of mjóar,
betri ljóshærðar, betri dökkhærð-
ar, með appelsínuhúð og svo
framvegis. Þessi skilaboð geti haft
ófyrirsjáanlegar afleiðingar fyrir
yngri kynslóðina og þau sem eru
áhrifagjörn. Zellweger vísar öllum
vangaveltum um lýtaaðgerðir á
bug.
Þekkti ekki mótleikkonuna Hugh Grant og Reneé Zellweger Á frumsýningu Bridget
Jones’s Diary.
Þekkti ekki Zellweger
Hugh Grant segir allar mótleikkonur sínar hata sig