Fréttatíminn - 19.11.2016, Blaðsíða 2

2 | FRÉTTATÍMINN | Laugardagur 19. nóvember 2016
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Á gönguskíðum í Seefeld í Tíról
Fararstjórar: Íris Marelsdóttir & Árni Ingólfsson
Verð: 188.800 kr. á mann í tvíbýli.
Mjög mikið innifalið!
4. - 11. febrúar
Vetrarólympíubærinn Seefeld býður upp á allt það besta fyrir
ógleymanlegt vetrarævintýri. Skíðagöngubrautir svæðisins
eru 280 km langar í 1.200 - 1.550 m hæð yfir sjávarmáli,
og henta jafnt byrjendum sem lengra komnum. Gist verður
á huggulegu 4* hóteli í hjarta Seefeld. Einstakt tækifæri til
útivistar og hreyfingar í skemmtilegum félagsskap.
Dómsmál Íslenskum sjómönnum
í Afríku var bent á að skrá lög-
heimili sitt erlendis og aðstoðuðu
útgerðirnar sem þeir unnu hjá við
að breyta lögheimilisskráningu
sinni. Íslenskur sjómaður segir
Sjólaskip hafi haft þetta kerfi og
að Samherji hafi tekið við því.
Skattayfirvöld hafa rannsakað 57
sjómenn fyrir skattalagabrot og
meirihluti málanna kominn til
ákæruvaldsins.
Ingi F. Vilhjálmsson
ingi@frettatiminn.is
„Þegar menn byrjuðu að vinna hjá
útgerðinni í Afríku töldu þeir að
þetta væri í lagi og ekki brot á lög-
um. Þeir sem hagnast alltaf mest
á þessu eru atvinnurekendurnir
sjálfir. Þeir forma þetta þannig að
það sé best að hafa bara verktaka í
vinnu hjá sér og sleppa þannig við
fullt af gjöldum og losna við alls
kyns kostnað,“ segir íslenskur sjó-
maður sem vann hjá Afríkuútgerð
Samherja, Kötlu Seafood, í sam-
tali við Fréttatímann um mál
tuga sjómanna sem skatt-
rannsóknarstjóri hefur
kært til embættis héraðs-
saksóknara fyrir skatta-
lagabrot.
Eins og Fréttatíminn
greindi frá í gær, föstudag,
hefur embætti skattrann-
sóknarstjóra rann-
sakað mál 57 sjó-
manna sem talið
er að hafi framið
skattalagabrot
með því að greiða ekki tekjuskatt
af launum sínum á Íslandi þrátt
fyrir að hafa í reynd verið búsett-
ir hér á landi og verið fastráðnir
starfsmenn útgerða. Mál meirihluta
þessara 57 einstaklinga hefur skatt-
rannsóknarstjóri sent til héraðssak-
sóknara til frekari rannsókna sem
kunna að leiða til útgáfu ákæra.
Blaðið hafði heimildir fyrir því að
einhverjir af sjómönnunum hafi
starfað hjá útgerð Sjólaskipa í Afr-
íku en Samherji keypti þá útgerð
árið 2007. Þá eru einhverjir starfs-
menn Samherja meðal þeirra sem
verið hafa til rannsóknar vegna
skattalagabrota samkvæmt heim-
ildum blaðsins.
Sjómaðurinn sem starfaði hjá Afr-
íkutúgerð Samherja segir að þegar
útgerðin keypti reksturinn af Sjóla-
skipum árið 2007 hafi Sjólaskip haft
þennan háttinn á, að hvetja menn
sem störfuðu hjá útgerðinni til að
skrá lögheimili sitt erlendis. Sam-
herji hafi því tekið þetta fyrirkomu-
lag í arf. „Sjólaskip höfðu gert þetta
og áfram var þetta gert eftir þeirri
forskrift enda voru að hluta
til sömu starfsmenn. Mönn-
um var bara bent á að gera
þetta svona. Nú eru þessir
menn með skattalögguna á
eftir sér.“ Sjómaðurinn seg-
ist ekki vita hvort eða hvern-
ig þeir sem skráðir
voru með lög-
heimili erlendis greiddu skatta af
launum sínum.
Á endanum þá réðu sjómennirn-
ir því hins vegar sjálfir hvernig þeir
höguðu búsetu sinni og hvar þeir
greiddu skatta sína. Sjómaðurinn
bendir hins vegar á að sjómenn hafi
almennt séð ekki mikla þekkingu á
skatta- og peningamálum. Um 80 ís-
lenskir starfsmenn unnu hjá útgerð
Samherja í Afríku þegar mest var
og voru laun þeirra há, um þúsund
dollarar á dag. Þeir dvöldu í Afr-
íku við fiskveiðar í 40 til 50 daga í
senn og fengu því nokkrar milljónir
króna í laun fyrir hvert úthald.
Einn af starfsmönnum Samherja
í Afríku sagði í samtali við DV árið
2012 að hann fengi greidd laun í
evrum inn á íslenskan gjaldeyris-
reikning. „Við vinnum hjá erlendu
fyrirtæki, tekjurnar verða til er-
lendis, við erum skráðir í erlendu
landi, fáum greitt í evrum á Íslandi
og borgum ekki skatt af þeim hér.“
Þetta fyrirkomulag við launa-
greiðslur til sjómannanna hefur
hins vegar dregið dilk á eftir sér.
Sjómennirnir geta bæði átt á hættu
að þurfa að greiða álag vegna van-
goldsins tekjuskatts, borga sektir
auk þess sem ekki er útilokað að
þeir verði ákærðir fyrir skattalaga-
brot.
Ekki náðist í Þorstein Má
Baldvinsson, forstjóra Samherja,
við vinnslu fréttarinnar.
„Nú eru þessir menn með
skattalögguna á eftir sér“
Ráðleggingar útgerðanna
kom sjómönnum í
skattrannsókn
Sjómaður sem starfaði hjá útgerð Samherja í Afríku segir að verklagið við launagreiðslur hafi haldist frá tíð Sjólaskipa og að
starfsmönnum hafi verið ráðlagt að skrá lögheimili sitt erlendis, meðal annars í Máritaníu. Þeir sjómenn sem gerðu þetta
hafa lent í vandræðum gagnvart skattayfirvöldum á Íslandi.
Þorsteinn Már
Baldvinsson,
forstjóri Sam-
herja. Mynd | Hari
Líkamsárás Maður á fertugsaldri
var handtekinn á fimmtudags-
kvöldi eftir að hann veitti föður
sínum hættulega áverka.
Valur Grettisson
valur@frettatiminn.is
Rúmlega þrítugur karlmaður var
handtekinn á fimmtudagskvöld
eftir að hafa gengið í skrokk á 68
ára gömlum föður sínum á Höfn í
Hornafirði. Faðirinn er á batavegi
en hann var fluttur með þyrlu Land-
helgisgæslunnar vegna ófærðar.
Fréttatíminn ræddi við bæjarbúa
sem er verulega brugðið.
Það var rétt fyrir klukkan sjö á
fimmtudagskvöld sem lögreglan á
Höfn í Hornafirði fékk tilkynningu
um líkamsárás í heimahúsi. Þegar
lögreglan kom á vettvang fundu
þeir rúmlega þrítugan mann sem
hafði gengið í skrokk á tæplega sjö-
tugum föður sínum. Samkvæmt
upplýsingum lögreglu var maður-
inn með höfuðáverka sem þurfti
að meðhöndla á sjúkrahúsi. Óveð-
ur var á Suðurlandinu í gær og því
var allt flug ófært. Þá voru góð ráð
dýr, en kalla þurfti á þyrlu Land-
helgisgæslunnar til þess að sækja
manninn og ferja á Landspítalann
í Reykjavík.
Sonurinn var yfirheyrður í gær og
síðan fluttur á Litla-Hraun þar sem
hann afplánar eftirstöðvar refs-
ingar sem hann átti eftir að afplána.
Sonurinn sem um ræðir hefur
margsinnis komist í kast við lögin,
og hlaut meðal annars 16 refsidóma
á ellefu árum, á milli áranna 2000
og 2011, meðal annars fyrir brot
gegn valdstjórninni þegar hann
ógnaði lögreglumönnum á Höfn í
Hornafirði, en maðurinn var þá fjar-
lægður af heimili föður síns, eftir að
faðirinn hafði óskað eftir því.
Íbúum á Höfn er verulega brugð-
ið vegna málsins. „Það eru allir í
sjokki,“ sagði einn bæjarbúi sem
vildi ekki láta nafns síns getið, og
bætti við að svona alvarlegar lík-
amsárásir eigi sér afar sjaldan stað
á Höfn í Hornafirði og því sé fólki
nokkuð brugðið.
Maðurinn er ekki lífshættu eftir
árásina eftir því sem Fréttatíminn
kemst næst en maðurinn er enn á
spítala að jafna sig eftir árásina.
Gekk í skrokk á föður sínum
„Það eru allir í sjokki“
Þyrla Landhelgisgæslunnar sótti manninn á Höfn í vitlausu veðri.
Kjaramál Pólitískt skipaðir
nefndarmenn í kjararáði fá rúm-
ar fimmtán þúsund krónur á tím-
ann, bæði fyrir fundasetu og eins
fyrir undirbúning undir fundi.
Fréttatíminn hefur reynt að fá
uppgefið hjá fjármálaráðuneytinu
hvað nefndarmenn frá greidda
marga tíma en án árangurs.
Þóra Kristín Ásgeirsdóttir
tka@frettatiminn.is
Áætlað er að kjararáð hafi 38 millj-
ónir til umráða á þessu ári, sam-
kvæmt ríkisreikningi. Það er um-
sýslukostnaður, laun starfsmanns
í hlutastarfi og laun til ráðs-
manna. Fréttatíminn hefur
hinsvegar ekki upplýsingar
um hvernig þetta skiptist.
Nefndarmenn fá rúmar 15.000
krónur á tímann, bæði fyrir
fundarsetu og undirbún-
ing undir fundi
Sveinn Arason ríkisendurskoð-
andi segir að kjararáð hafi aldrei
verið skoðað sérstaklega af emb-
ættinu. Það yrði líka vandræðalegt
þar sem ráðið ákvarðar launakjör
ríkisendurskoðanda. Þetta fyrir-
komulag bjóði reyndar upp á að
ráðið lendi milli stafs og hurðar
þegar komi að opinberu eftirliti.
Í kjararáði sitja fimm aðalmenn
og fimm varamenn. Þrír eru kosnir
af Alþingi eftir tilnefningu stjórn-
málaf lokka, Hæstiréttur skipar
einn og fjármálaráðherra einn.
Kjararáð hefur sætt gagnrýni
víða í samfélagi eftir að það
ákvað að hækka þingfarar-
kaup alþingismanna um
tæp 45 prósent eða sem
nemur 338.254 krónum á
mánuði. Þá hækkuðu laun
forsætisráðherra einnig
umtalsvert og verða
2.021.828 krónur en
laun annarra ráð-
herra að meðtöldu
þingfararkaupi
verða 1.826.273
krónur á mánuði.
Pólitískt skipaðir
fulltrúar í kjararáði
fá 15.000 á tímann
Sveinn Arason
segir að Ríkisendur-
skoðun hafi aldrei
skoðað kjararáð
sérstaklega.