Fréttatíminn - 19.11.2016, Blaðsíða 30

30 | FRÉTTATÍMINN | Laugardagur 19. nóvember 2016
Leið eins og
hamstri í hjóli
Svanur Herbertsson hlustaði á hjartað sitt og hætti að vinna
hjá stóra manninum til að fylgja eftir draumnum um að vinna
sem tónlistarmaður.
Helga Dögg Ólafsdóttir
helga@frettatiminn.is
Þetta er gríðarlegt frelsi. Ég hef verið að sanka að mér reynslu gegnum árin sem ég get loksins nýtt mér.
Ég fékk sjálfstraust til að þora
að stíga skrefið að fara bara
alla leið og trúa á sjálfan mig
og gera þetta bara. Það var
svolítið ógnvekjandi fyrst því
ég vissi ekki alveg hvort þetta
myndi ganga upp fjárhagslega
svona til að byrja með. Síðan
kom bara í ljós að ef að mað-
ur er bara nógu duglegur þá
virðist allt ganga upp,“ segir
Svanur Herbertsson sem hætti
vinnu sinni hjá stórfyrirtæki
til þess að uppfylla draum sinn
um að starfa sem tónlistar-
maður í fullri vinnu.
Mismunandi vinnuumhverfi
hentar mismunandi fólki og
það passa ekki allir í sama
boxið. „Ég hef alltaf verið í
tónlist en alltaf þurft að vinna
með tónlistinni. Ég var að
vinna í stóru fyrirtæki í sumar
og fram að hausti. Ég vann í
söluveri og fékk í rauninni leið
á því að vera ekki að gera það
sem mér finnst skemmtileg-
ast að gera. Ég ákvað að taka
smá áhættu og vinna alfarið að
tónlist.“
Tónlist frá blautu barnsbeini
Svanur hefur verið umkringd-
ur tónlist síðan í barnæsku.
Hann stofnaði fyrstu hljóm-
sveitina sína 13 ára gamall
og hefur verið að spila með
allskyns tónlistarmönnum síð-
an og er nú með sína eigin tón-
listarkennslu. „Ég hef verið að
vinna í Hljóðheimum undan-
farna mánuði sem kennari. Ég
hef verið að kenna á píanó í
gegnum tíðina og verið í tón-
list síðan ég var krakki. Nú er
ég með einkakennslu hérna
heima í stúdíóinu hjá mér og
er að kenna á eitt af vinsælu-
stu tónlistarforritunum sem
er notað í dag. Fyrst ég er með
þessa aðstöðu, afhverju ekki
að bæta við sig vinnu og kenna
það sem ég hef lært. Það er svo
gefandi að fá að miðla reynsl-
unni minni.“
Það tók nokkurn tíma fyrir
Svan að þora að taka svo stóra
ákvörðun og fylgja draumn-
um sínum. Hann hætti hjá
stóra manninum og tók málin
í sínar eigin hendur. „Ég fór
í mikla andlega vinnu til þess
að vinna upp sjálfstraustið. Ég
var bara leiður á þessu týpíska
9-5 vinnuumhverfi, að mað-
ur sé að harka og þræla fyrir
eitthvert stórt fyrirtæki og
er bara eitthvert lítið peð og
ekki að sjá neinn árangur. Mér
leið eins og hamstri í hjóli,
komst ekkert áfram. Nú vinn
ég bestu vinnu í heimi af því
að ég hlustaði á hjartað mitt og
fylgdi tilfinningunni sem bjó
innst inn í mér. Ég gæti ekki
verið hamingjusamari.’’
Svanur fór í mikla andlega vinnu til að vinna upp sjálfstraustið. Mynd | Hari
Heiður Anna hefur farið í gegnum
fimm ár og tíu prófatarnir. Mynd | Hari
Ég var bara leiður
á þessu týpíska 9-5
vinnuumhverfi, að
maður sé að harka og
þræla fyrir eitthvert
stórt fyrirtæki og er
bara eitthvert lítið
peð og ekki að sjá
neinn árangur.
Hljómsveitin Þrír býður upp á íslenskan heimilisiðnað úr daglega lífinu
„Eins og nafnið Þrír gefur til kynna
þá erum við þrjú í þessu,“ segir
Jón Torfi Arason, gítarleikari og
söngvari sveitarinnar í símanum
frá Stykkishólmi. „Við erum tvö
héðan úr Hólminum, ég og Sigur-
björg María Gísladóttir sem spilar
á kontrabassa og Þórdís Claessen
leikur á trommur. Við erum búin
að spila saman í tvö eða þrjú ár, en
þetta er fyrsta útgáfan okkar.“
Jón Torfi er lukkulegur með nýja
gripinn sem prýddur er perlaðri og
litríkri mynd af hljóm-
sveitinni. „Hugmyndin
að perlinu kemur frá
henni Sigurbjörgu. Hún
perlaði þetta sjálf eftir ljósmynd
og með mikilli fyrirhöfn. Ég held
að það séu einhverjar sjöþúsund
perlur á framhliðinni.
Myndin þurfti að
vera stór og sæmi-
lega nákvæm. Sig-
urbjörg er góð
í höndunum, tekur upp á að hekla
sér rúmteppi og hitt og þetta og
umslagið kemur vel út. Þórdís sér
svo um grafíkina, þannig að þessu
er deilt bróður- og systurlega á milli
okkar í sveitinni.“
Jón Torfi setur að
mestu saman texta
og lög sveitar-
innar. Hann
segist eins og aðrir eiga sínar hetjur
úr tónlistinni og áhrif frá þeim,
nefnir til dæmis Tom Waits, Bob
Dylan og Megas en textarnir virðast
dregnir upp úr djúpi daglega lífsins.
„Innblásturinn að textunum er
misjafn, ég hef starfað sem sjómað-
ur síðustu árin og það litar stundum
textaskrifin. Fyrsta lagið á plötunni
heitir til dæmis Blálanga og sá texti
er búinn til um borð í einhverjum
dalli frá Grindavík. Oft er þetta bara
það sem er að gerast í kollinum á
mér þar og þá, hvað gremst mér eða
hvað elska ég þegar nýtt lag kallar á
mig. Svo þróast þetta í samspilinu.“
| gt
Umslagið er perlað
sterkum litum,
textarnir eru ortir
upp úr íslenskum
veruleika og útgáfan
öll er sannur heimilis­
iðn aður. Hljómsveitin
Þrír hefur sent frá sér
plötuna Allt er þegar
Þrír er! Prýðilegt perl. Umslagið af
Allt er þegar
Þrír er.
Þau Sigurbjörg
María Gísladótt-
ir, Jón Torfi Ara-
son og Þórdís
Claessen mynda
hljómsveitina
Þrír.
Nú fer prófatíðin bráðum að
renna í hlað í flestum háskólum
landsins. Til að gera lífið léttara
fyrir stressaða nemendur
ákvað Fréttatíminn að fá til liðs
við sig Heiði Önnu Helgadóttur,
nýútskrifaðan háskólanema
með glimrandi ráð við undir-
búning prófanna. Gott er að
byrja undirbúninginn snemma.
Heiður Anna hefur farið í gegn-
um fimm ár og tíu prófatarnir svo
hún er enginn nýgræðingur þegar
kemur að prófatíð. Hér eru fimm
ráð sem hún mælir með að kvíða-
sjúkir háskólanemar fari eftir:
• Í upphafi jólaprófatarnar mæli
ég með því að búa til ítarlegt
skipulag, jafnvel þó að þú vitir
að þú munir aldrei fara eftir því.
Gott skipulag er gulli betra.
• Því næst mæli ég með því að
hala niður SelfControl appinu,
stilla það á klukkustund í senn
og taka verðskuldaðar pásur
inn á milli. Appið lokar á valdar
vefsíður svo bugaðir námsmenn
geta ekki fallið í freistni mis-
gáfulegrar tímaeyðslu.
• Í pásunum er gríðarlega mik-
ilvægt að gera vel við sig. Fá
sér súkkulaði og mandarínur,
horfa á einn stuttan (lykilatriði)
sjónvarpsþátt, fara í göngutúr
eða hringja í einhvern sem segir
manni að maður sé frábær.
• Ég mæli líka með því að kíkja
endrum og eins á Twitter, en
fólk í prófatörnum er almennt
fyndnara en annað. Mikilvægt
að muna samt að setja það inn í
SelfControl appið!
• Að lokum mæli ég svo með því
að drekka nóg af kaffi. Kaffi
með morgunmatnum, kaffi yfir
lestrinum og kaffi í hverri pásu.
Og nei, Amino telst ekki með.
5 ráð fyrir
bugaðan
háskólanema
á leið í prófatíð
HEILSURÚM
ÍSLENSK HÖNNUN OG FRAMLEIÐSLA
Síðumúla 30 - Reykjavík | Sími 533 3500
Hofsbót 4 - Akureyri | Sími 462 3504