Fréttatíminn - 19.11.2016, Blaðsíða 28

28 | FRÉTTATÍMINN | Laugardagur 19. nóvember 2016
„Það verður sami gamli góði Prik
maturinn, nema vegan,“ segir Örn
Tönsberg sem með hjálp yfirkokks
Priksins, Ásgeiri Jónssyni, hannar
nýjan matseðil fyrir Prik allra
landsmanna. Á seðlinum verð-
ur enginn réttur sem inniheldur
dýraafurðir.
Veitingastaðurinn og barinn
Prikið er í miðbæ Reykjavíkur og
er þekktur fyrir fjörugt næturlíf
og sveittan og góðan skyndibita.
Örn hefur verið dýraafurðalaus
í eitt og hálft ár og finnst mikil-
vægt að hægt sé að fá góðan vegan
skyndibita á Íslandi. „Þetta mun
gera Prikið enn betra. Við erum al-
gerlega gera þetta útaf eftirspurn.
Vegansamfélagið á íslandi hefur
stækkað gríðarlega og við ætlum
að svara þessu kalli. „Við þurftum
að klífa hæsta fjall Nepals og ráða
sjö gátur frá öldungi þorpsins á sjö
dögum og sjö nóttum til að fá upp-
skriftina góðu,“ segir Ásgeir.
Hægt verður að breyta öllum
hamborgurum á nyja matseðlin-
um yfir i grænkeraborgara og eru
aðdáendur vegan-lífstílsins strax
byrjaðir að fagna. Matseðilinn
verður kláraður um helgina og
kynntur snemma í næstu viku.
100% vegan borgari.
Rúgbrauð frá Brauð og co,
klettasallat, Pica de gallo-sósa,
kókosflögur, Siracha vegan-
mæjó, salat og nachos-flögur.
Sveittur og góður í þynnkunni.
Sami gamli góði Prik
maturinn, nema vegan
Ég vann sem arkitekt og í borgarskipulagi í Kaupmannahöfn en var alltaf að mála þegar tími gafst. Mig langaði
alltaf til að læra myndlist en
það var ekki stemning fyrir því
á mínu heimili, ég átti frekar
að læra eitthvað praktískt. Svo
fyrir nokkrum árum þegar ég
var búin að vera að vinna sam-
fleytt í mörg ár fann ég að ég gat
ekki meir og ákvað að breyta
um stefnu,“ segir Ingibjörg
sem byrjaði að hanna peysur
á börn og stofnaði fyrirtækið
Kattomanium, auk þess sem
hún fór að mála af meira kappi
og taka þátt í sýningum. Síðan
hún flutti heim til Íslands í fyrra
hefur hún eingöngu einbeitt
sér að myndlistinni og opnar
fyrstu einkasýningu sínu hér
á landi í dag. Á sýningunni má
sjá olíumálverk, silkiþrykk og
útsaumsmyndir sem Ingibjörg
hefur unnið síðan hún tók stóru
u-beygjuna.
„Olíumyndirnar eru hluti
af þessu ferli, að breyta um
stefnu í lífinu og lýsa tilfinn-
ingum sem manni finnst frekar
óþægilegar, eins og hræðslu,
reiði og sorg. Þetta eru dálítið
sterkar og kannski óþægilegar
myndir sem taka pláss. Kross-
saumsmyndirnar eru allt öðru-
vísi en þær gerði ég á meðan ég
var heima í fæðingarorlofi með
yngsta barnið mitt. Mig langaði
að vinna með konuna sem situr
heima, konuna sem þjón heimil-
isins. Og það er einhver frústra-
sjón í því og þess vegna eru and-
litin á myndunum kefluð. Ég var
sjálf auðvitað rosalega ánægð að
geta verið heima með barnið mitt
en fór mikið að hugsa um konuna
sem er föst á heimilinu, alltaf.
Eins og hlutskipti svo margra
kvenna víðsvegar um heiminn
er. En sama hvort það er maður
eða kona, þá langaði mig að lýsa
þessari tilfinningu að geta ekki
sagt frá því hvernig manni líð-
ur.“ | hh
Átti að læra
eitthvað
praktískt
Ingibjörg Huld Halldórsdóttir lærði arkitektúr
í Kaupmannahöfn og hefur búið þar og
starfað síðastliðin sautján ár. Hana dreymdi
þó alla tíð um að verða myndlistarkona. Hún
opnar fyrstu einkasýningu sína á Íslandi í
Gerðubergi í dag.
„Mig langaði að vinna með konuna sem situr heima, konuna sem þjón heimilis-
ins. Og það er einhver frústrasjón í því og þess vegna eru andlitin á myndunum
kefluð.“
Með franskt lostæti út í geim
Það er algjör óþarfi að borða
ómerkilegan mat og hafa það
skítt þó að maður er sendur út
í geim í þágu vís-
indanna. Þetta veit
franski geimfarinn
Thomas Pesquet
manna best. Hann
hringsólar nú um
jörðina ásamt
félögum sínum á
leið í Alþjóðlegu
geimstöðina.
Franski geimfarinn Thomas
Pesquet er smekkmaður á mat,
bæði á jörðu sem á himni.
Alþjóðlega geimstöðin hefur hring-
sólað um jörðina frá árinu 1998
á milli 330 og 430 km hraða á
klukkustund og hún fer sextán
hringi í kringum kúluna okkar á
hverjum degi.
Á fimmtudagskvöld var þremur
nýjum geimförum og íbúum stöðv-
arinnar skotið upp frá Kasakstan.
Þeir koma hver frá sínu stórveldi;
Rússlandi, Bandaríkjunum og
Frakklandi. Ráðgert er að geim-
fararnir verði að störfum í Alþjóð-
legu geimstöðinni í sex mánuði og
Frakkinn Thomas Pesquet sem er að
fara í sína fyrstu geimferð ætlar ekk-
ert að slá af kröfum sínum til lífsins.
Það er ekki hægt að segja annað
en Pesquet haldi hefðir heimalands-
ins í heiðri, sérstaklega þegar kemur
að matargerðarlistinni, en máltíðir
eru víst oft dálítið einsleitar í geim-
ferðum. Í farangri geimfarsins sem
flytur þau í stöðina er nefnilega að
finna sérútbúinn franskan sælker-
amat sem Michelin-stjörnu kokkar
heimalandsins útbjuggu sérstaklega.
Þar má meðal annars finna nauta-
tungu, foie gras, andalifur og anda-
brjóst.
Frakkinn ætlar samt að deila
matnum með félögum sínum
en skammtarnir eru sérstaklega
útbúnir fyrir jóla-, nýárs- og afmæl-
isveislur. Sjálfur mun hann eiga af-
mæli á tímabilinu og einnig leiðtogi
hópsins, hinn reynslumikli banda-
ríski geimfari Peggy Whitson. Hún
slær með ferðinni nýtt met í ferðinni
sem sú kona sem hefur verið lengst
í geimnum en þetta er þriðja ferð
hennar í Alþjóðlegu geimstöðina.
Til viðbótar við franska fíneríið í
veislurnar tekur Pesquet líka saxó-
fóninn sinn með í ferðina. Músík og
matur virðast vera málið hjá franska
geimfaranum og enginn afsláttur
veittur af lífsgæðunum. | gt