Fréttatíminn - 06.01.2017, Blaðsíða 4

4 | FRÉTTATÍMINN | Föstudagur 6. janúar 2017
Fíkniefni Kókaínneysla var
rúmlega tvisvar sinnum meiri í
Reykjavík í fyrra en árið 2015 og
eykst samhliða efnahagsuppgangi.
Þetta kemur fram í niðurstöðum
doktorsrannsóknar Arndísar Löve
í lyfjafræði.
Arndís mat neyslu á fíkniefnum
með mælingum á frárennslisvatni
frá Sunda- og Skerjafjarðarveitu
með sjálfvirkum sýnatökubún-
aði. Kristín Ólafsdóttir, dósent við
læknadeild og leiðbeinandi Arn-
dísar, telur skýringuna á aukinni
neyslu kókaíns augljósa; nýtt góð-
æri. „Það er áhugavert að kókaínn-
eysla eykst. Neyslan á kókaíni var
miklu meiri fyrir hrun en minnkaði
svakalega eftir hrun. En það er að
koma aftur. Það er greinilega efna-
hagsuppgangur,“ segir Kristín.
Kókaínneysla Reykvíkinga er sam-
bærileg og Oslóarbúa og er að aukast
ár frá ári. Neyslan í Reykjavík er nú
örlítið minni en í París. Kókaínn-
eysla er miklu lægri í Reykjavík en í
helstu fjármálamiðstöðvum Evrópu,
svo sem London og Zürich. | hjf
Lögreglumál Síbrotamaðurinn
sem höfuðkúpubraut föður sinn
á Höfn í Hornafirði í nóvember,
hlaut enn einn fangelsisdóminn á
dögunum fyrir vörslu kannabis-
plantna í bílskúr feðganna. Þegar
hann réðist á föður sinn var hann
að bíða eftir að hefja afplánun
fangelsisdóms vegna fyrri brota.
Þóra Tómasdóttir
thora@frettatiminn.is
Maðurinn er 32 ára gamall og á ára-
langa brotasögu. Hann hefur áður
verið dæmdur fyrir ofbeldi gegn
lögreglu, þjófnað, vörslu fíkniefna
og frelsissviptingu á manni sem
hann lamdi, smánaði, hótaði og af-
klæddi. Íbúar á Höfn segjast, í sam-
tölum við Fréttatímann, lengi hafa
óttast manninn og að mikil ógn stafi
af honum þegar hann neyti vímu-
efna.
Hann hlaut 30 daga fangelsisdóm
í Héraðsdómi Austurlands í desem-
ber fyrir vörslu kannabisplantna í
bílskúr við heimili feðganna á Höfn.
Lögregla hafði gert plönturnar upp-
tækar ásamt búnaði sem notaður
er til að rækta fíkniefni. Maðurinn
játaði brotin.
Þann 17. nóvember réðist hann
á föður sinn og lamdi hann ítrek-
að í höfuðið, mögulega með barefli,
svo höfuðkúpan brotnaði. Lögregla
var kölluð til og var faðirinn þá svo
illa leikinn að hann var fluttur til
Reykjavíkur með þyrlu. Hann var
ekki í lífshættu en dvaldi á spítala
um hríð og er tvísýnt um sjón hans.
Maðurinn afplánar nú dómana á
Litla-Hrauni.
Hrottinn á Höfn dæmdur á ný
Íbúar á Höfn segjast lengi hafa óttast manninn og mikil ógn stafi af honum þegar
hann neyti vímuefna. Mynd | Wikipedia
Kókaínneysla snar eykst
Arndís Löve komst að
því að kókaínneysla
Reykvíkinga hefur
tvöfaldast milli ára,
Nýta glufur til að smygla
Fangelsismál Sæþór Bragi Sölva-
son, 24 ára síbrotamaður, var á
dögunum dæmdur fyrir að reyna
að smygla fíkniefnum inn á Litla-
-Hraun með því að fela þau undir
bíl starfsmanns fangelsisins. Sæ-
þór var dæmdur í 30 daga fangelsi
en hann hefur hlotið fjölda dóma,
þar á meðal 16 mánaða fangelsi
fyrir frelsissviptingu.
Í dómi kemur fram að hann hafi
verið handtekinn á bifreiðastæði
á Selfossi í sumar þar sem hann
hugðist koma amfetamíni, MDMA
töflum og LSD fyrir undir bíl í eigu
starfsmanns Litla-Hrauns. Halldór
Valur Pálsson, forstöðumaður Litla-
Hrauns, segir að fangar nýti sér allar
glufur til að smygla fíkniefnum inn
í fangelsið.
„Þetta er ekki fyrsta tilraunin til
að smygla svona. Margir starfsmenn
koma hingað akandi og menn eru
fljótir að lesa í rútínu og grípa tæki-
færin. Þetta var einkabíll sem þeir
vissu að ætti reglulegar ferðir í fang-
elsið. Um leið og menn reka augun í
rútínu á ferðum í fangelsið þá reyna
menn að finna bílinn úti í bæ. Þetta
verður alltaf möguleiki ef menn eru
nógu skipulagðir,“ segir Halldór Val-
ur. | hjf
Stjórnmál Hæstaréttarlögmaður-
inn Hróbjartur Jónatansson vill
kjördæmavæða Reykjavíkurborg
til þess að rétta af það sem hann
kallar lýðræðishalla hverfa í
borginni. Langflestir borgarfull-
trúar búa í mið- og vesturhluta
Reykjavíkurborgar. Sjálfstæðis-
menn báru upp svipaða hug-
mynd í fyrra en fengu lítinn
hljómgrunn. Líf Magneudóttir,
oddviti Vinstri grænna, segir
hugmyndina ekki góða.
Valur Grettisson
valur@frettatiminn.is
„Það þarf að tryggja að öll hverfi
eigi sinn fulltrúa,“ segir Hróbjartur
sem skrifaði grein í Morgunblað-
ið í vikunni þar sem hann gagn-
rýndi það sem hann kallaði lýð-
ræðishalla í Reykjavíkurborg. Það
skýrði hann með því að af níu borg-
arfulltrúum meirihlutans búa sjö í
mið- og Vesturbænum en hinir tve-
ir búa aðeins austar en þó vestan
við Elliðaár. Hann telur að þannig
verði áherslan minni á önnur hverfi
og tengslarof milli borgarfulltrúa
og íbúa í úthverfum borgarinnar,
sem þó eru sum fjölmennari en ná-
grannasveitarfélög Reykjavíkur-
borgar sem hafa eigin bæjarstjórnir.
„Borginni er stjórnað af fólki sem
býr í Vesturbænum, og þar búa 24-
25 þúsund manns,“ segir Jónatan.
Hann segir tvær lausnir mögu-
legar, annarsvegar að búta Reykja-
vík niður í smærri sveitarfélög,
„eða það sem er raunhæfara, að
kjördæmavæða Reykjavíkurborg,“
segir Hróbjartur.
Hugmyndin er ekki ný af nálinni,
en Halldór Halldórsson, oddviti
Sjálfstæðisflokksins, bókaði sams-
konar hugmynd á fundi forsætis-
nefndar Reykjavíkurborgar í ágúst
á síðasta ári, þegar fjölgun borgar-
fulltrúa úr 15 í 23 var rædd.
„Ég held að það væri rétt að hafa
þetta blandað, hluti borgarfulltrúa
kosinn af heildinni, og svo hluti
kosinn úr hverfunum,“ segir Hall-
dór sem tekur undir að hann hafi
fundið fyrir tengslaleysi borgarfull-
trúa gagnvart íbúum í öðrum hverf-
um, og þá sérstaklega í ljósi þess að
hverfaráðin hafa verið gagnrýnd
fyrir að vera áhrifalaus.
„Mér finnst þetta ekki góð hug-
mynd,“ segir Líf Magneudóttir, odd-
viti Vinstri grænna og formaður
forsætisnefndar. Hún segir borgar-
fulltrúa eiga að vinna að hag allra,
og það geri þeir. Almennt sé unnið
að því að afnema kjördæmafyrir-
komulag sem býður þá upp á bar-
áttu fyrir sérhagsmuni.
„Fyrir utan að borgarfulltrúar
geta verið búsettir í miðbænum þó
þeir hafi alist upp í Árbænum,“ seg-
ir Líf.
Hún segir hinsvegar hugmyndina
endurspegla það að borgarfulltrú-
ar geti gert betur og að þeir þurfi
að efla hverfisráðin, meðal annars
með því að skipa þau kjörnum full-
trúum.
„Ég held að við getum gert bet-
ur,“ segir hún og bætir við að það sé
fáránlegt að ætla að borgarfulltrúar
taki eingöngu mið af eigin hverfum
við störf sín.
Langflestir borgarfulltrúar búa í miðborginni eða Vesturbæ.
Lýðræðishalli að borgar­
fulltrúar búi allir á sama stað
Hróbjartur
Jónatansson
segir lýðræðis-
halla vegna
borgarfulltrúa
úr Vesturbæn-
um.
Líf Magneu-
dóttir segir
hugmyndina
um kjör-
dæmavæð-
ingu ekki
góða.
Halldór
Halldórsson
stakk upp á
hugmyndinni
en fékk lítinn
hljómgrunn.
Lárus Páll Ólafsson er ráðgjafi Bets-
son.com og segir veðmálafyrirtækin
ekki vilja steypa neinum í skuldir.
Mynd | Hari
Veðmálasíður ekki siðlaus starfsemi
Fjárhættuspil Lárus Páll Ólafsson
hefur í áratug starfað sem ráðgjafi
í markaðsmálum fyrir veðmála-
síðuna Betsson.com þar sem hægt
er að spila upp á peninga um
úrslit íþróttaleikja. Hann segir
Betsson hvorki siðlaust né vilja
steypa fólki í skuldir. Þeir geti þó
mögulega ýtt undir freistnivanda.
Þóra Tómasdóttir
thora@frettatiminn.is
2,4% íslenskra knattspyrnumanna
stríða líklega við spilafíkn og 7%
hafa veðjað á úrslit eigin leikja.
Þetta kemur fram í rannsókn Dan-
íels Þórs Ólafsson, prófessors við
sálfræðideild Háskóla Íslands.
Lárus Páll Ólafsson segir veð-
málafyrirtækin ekki siðlaus. „Alls
ekki. Stór hluti af starfsemi þeirra
er að styrkja íþróttafélög. Lógó Bet
365 er á treyjum stórra íþróttaliða
og fyrirtækið kostar sjónvarps-
útsendingar. Veðmálasíðurnar
tengjast starfsemi félaganna með
margvíslegum hætti í mörgum
löndum. Betsson var einu sinni að-
alstuðningsaðili Arsenal.“
Hann segir fjölda fólks vilja veðja
á íþróttir. „Þannig hefur það verið
allt frá því Rómverjarnir voru með
hringleikahúsin. Á vinnustöðum er
veðjað um úrslit á íþróttaviðburð-
um. Einhverjir freistast alltaf til að
svindla. Við því er lítið að segja.
Eftir að hafa starfað nálægt þess-
um geira í um tíu ár er upplifun
mín ekki sú að veðmálafyrirtækin
vilji steypa mönnum í skuldir. Fólk
vill þessa þjónustu og það er boð-
ið upp á hana í öruggu umhverfi.
Rauði þráðurinn hjá fremstu veð-
málafyrirtækjunum er ábyrg spila-
mennska og þau leggja mikið á sig
til að sinna upplýsingagjöf. Þau
reyna að tryggja að menn fari ekki
fram úr sér og tapi ekki stórum fjár-
hæðum, það hagnast enginn á því,
heldur er lagt upp með að fólk spili
reglulega og leggi lítið undir.“
Hann segir veðmálasíðurnar
starfa eftir strangri löggjöf. „En
auðvitað er það ekki fyrirtækjun-
um í hag þegar einhver reynir að
svindla með mútum eða að hag-
ræða úrslitum. Ég gef mér að þau
taki því mjög alvarlega. Ég er hins-
vegar hissa á að veðmálafyrirtækin
marki sér spor í neðri deildunum.
Með þeim er minna eftirlit og auð-
veldara að múta eða svindla.”
Hefur þú áhyggjur af því að
íþróttamenn spili á veðmálasíðum?
„Ég held að það ýti undir freistni-
vanda og ég held að það sé ekki ráð-
lagt. Enda er það víða bannað.“
Sjá nánar bls. 8.
Páskar í Provence
sp
ör
e
hf
.
Vor 3
Páskahátíðin er að ganga í garð, sól fer hækkandi og vor er
í lofti. Í þessari glæsilegu ferð höldum við um hið dásamlega
Provence hérað í suðurhluta Frakklands og frönsku Alpana.
Leið okkar liggur um friðlýsta vatnasvæðið Camargue, til
miðaldabæjarins Aigues Mortes, Arles, klettabæjarins Les Baux
og að Pont du Gard vatnsleiðslubrúnni frá tímum Rómverja.
Undursamleg leið til að fagna vorkomu.
13. - 22. apríl
Fararstjóri: Þórhallur Vilhjálmsson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 212.600 kr. á mann í tvíbýli.
Mjög mikið innifalið!