Morgunblaðið - 22.12.2016, Side 13

Fjör á fjöllum Hagavaðall er uppspretta leikja og þar er gaman að vaða.
Gaman saman Gönguferðir eru fjölskylduvæn útivist, hér er hópur við Leikvelli við upphaf ferðar frá Tungumúla.
Systir Elvu, Ragnhildur Kristín, ásamt dóttur sinni Auði Þórhallsdóttur. Fjær er Arndís Harpa, einnig systir Elvu.
heilmikið hvernig skrifa ætti ferða-
sögu.
„Þetta voru miklar pælingar
og smátt og smátt breyttist þetta
og bókin varð að lokum allt öðru-
vísi en hefðbundin göngubók. Bókin
hefur lotið sínum lögmálum, þetta
gerðist bara, bókin stjórnaði þessu
sjálf. Ég uppgötvaði sjálf svo margt
á þessum ferðum mínum og bókin
er fyrir vikið eins og lagskipt
ganga. Ég byrjaði á að ganga og
lesa mér til og tala við heimafólk,
síðan fór ég að skoða jarðfræðina
og fornleifafræðina, tala við sér-
fræðinga og vinna þetta með sveit-
ungum mínum. Þegar ég fór að
kafa í örnefnin og sögurnar á bak
við þau, þá opnaðist enn einn
heillandi heimurinn. Fyrir fólk sem
gengur þessar leiðir og hefur bók-
ina, þá bætir svo miklu við að geta
lesið um örnefni og fleira sem verð-
ur á vegi þess.“
Erfiðasta nótt afa míns
Í bókinni séu líka persónulegar
vangaveltur hennar sem tengjast
stöðunum.
„Á einum stað segi ég til dæm-
is frá því að þar átti afi minn sína
erfiðustu nótt, þegar hann var að-
eins tólf ára og óttaðist um líf föður
síns sem var úti á sjó í aftakaveðri.
Ég var þarna á sumarbjörtum degi
og fjörðurinn spegilsléttur. Þetta er
dæmi um hvernig hægt er að upp-
lifa stað með ólíkum hætti, eftir því
hverjar aðstæðurnar eru hverju
sinni. Ég spái og spekúlera um
hittt og þetta í bókinni, ég leyfi
mér að hugsa og tala við lesand-
ann.“
Bjó til nýjar gönguleiðir
Af þeim 44 gönguleiðum sem
eru í bókinni þá eru ellefu alfara-
leiðir, enda er Barðaströndin eins-
konar gegnumstreymisstaður þar
sem fólk fer í gegn þegar það fer
inn á Vestfirðina. „Ég bjó til marg-
ar nýjar gönguleiðir og með bók-
inni fylgir kort af þessum leiðum.
Eitt dæmi er ganga út í Sauðanes,
sem er lítið nes út í fjörð en
dásamlegur staður, þarna er maður
í algleymi. Og það er auðvelt að
ganga þangað, það geta bæði börn
og gamalmenni, enda lagði ég mik-
ið upp úr því að hafa gönguleiðir í
bókinni fjölbreyttar og fyrir fólk á
öllum aldri, vana jafnt sem óvana.
Sumar gönguleiðirnar eru erfiðar
en aðrar mjög auðveldar og allt þar
á milli. Þær eru merktar með tákn-
um í bókinni þannig að fólk sér
hvort þær til dæmis hæfa börnum
eða ekki, hvort fornleifar eru á leið-
inni, hvort þær liggja í hring eða
ekki og svo framvegis. Ég er mjög
ánægð með hvað það eru margar
gönguleiðir í henni sem hæfa börn-
um.“
Fundu týndan rúnastein
Þegar Elva Björg er spurð að
því hvort eitthvað sértaklega eftir-
minnilegt hafi orði á vegi hennar á
ótal gönguferðum um Barðaströnd-
ina segir hún hún hafi frétt af
rúnasteini uppi á Þingmannaheiði
sem hafði verið týndur í eina öld.
„Fólk vissi ekki hvar hann var,
svo við fórum að leita, ég og
mamma mín, og við fundum stein-
inn í fyrstu ferð. Þetta var ótrúlega
merkilegt og mikil upplifun. Við
fengum norskan rúnasérfræðing til
að kanna þessa meintu rún sem rist
er í steininn, en hann vill meina að
þetta sé ekki rún heldur búmark,
kannski merki fyrir bæ. Þessi rúna-
steinn var þekktur þegar Eggert
og Bjarni voru þarna um 1750 og
þótti ekki nógu gamall til að vera
neitt merkilegt, en í dag finnst okk-
ur þetta býsna merkilegt,“ segir
Elva Björg og bætir við að henni
hafi einnig þótt eftirminnilegt og
merkilegt að uppgötva ákveðna leið
sem hún vissi ekki að hefði
nokkurntímann verið farin.
„Ég fékk upplýsingar hjá eldri
manni á Barðaströnd um þessa leið
og ég fann í vegagerðarskjölum á
Þjóðminjasafninu hvar hafði verið
gengið. Það er ótrúlega magnað að
grúska og átta sig á hvernig maður
tengist landinu og hvernig maður
gengur stundum handan örnefn-
anna, svo langt af leið að ekkert
heitir þar neitt. Maður sér kannski
hæsta tindinn en hann heitir ekk-
ert. Þá fer maður að hugsa um
mennskuna og hvernig við mann-
fólkið setjum okkar orð á alla
hluti.“
DAGLEGT LÍF 13
MORGUNBLAÐIÐ FIMMTUDAGUR 22. DESEMBER 2016
Bláu húsin v/Faxafen
Opið í dag kl. 11-21, Þorláksmessu kl. 10-22, Aðfangadag kl. 10-13.
Fallegar Jólagjafir
Gjafakort
Sími 553 7355 • www.selena.is • Næg bílastæði • Selena undirfataverslun