Morgunblaðið - 22.12.2016, Síða 19

FRÉTTIR 19Innlent
MORGUNBLAÐIÐ FIMMTUDAGUR 22. DESEMBER 2016
Bankastræti 4 I www.aurum.is
SKARTAÐU ÞÍNU
FEGURSTA
instagram.com/aurumjewellery pinterest.com/aurum aurumjewellery.tumblr.com twitter.com/aurumjewellery facebook.com/aurumbygudbjorg
Árleg jólasala
Félagsins Ís-
land-Palestína á
Þorláksmessu
fer fram úti við
á horni Lauga-
vegar, Banka-
strætis og
Skólavörðustígs
á morgun.
Ágóði sölunnar rennur til Aisha
– Association for Woman and
Child Protection á Gaza sem
sinna hjálp við konur og barna-
fjölskyldur á svæðinu. Salan styð-
ur jafnframt vinnustofuna Women
in Hebron með sölu á vörum
þeirra.
Jólasala Ísland-
Palestínu í bænum
Friðargangan verður farin niður
Laugaveginn á morgun, Þorláks-
messu, 37. árið í röð. Safnast verð-
ur saman á Hlemmi frá klukkan
17.45 og leggur gangan af stað
klukkan 18.00. Í lok göngu verður
fundur við Austurvöll þar sem
Björk Vilhelmsdóttir, flytur ávarp.
Söngfólk úr Hamrahlíðarkórnum
og Kór Menntaskólans við Hamra-
hlíð syngur í göngunni og við lok
fundar.
Á Ísafirði leggur friðargangan af
stað frá Ísafjarðarkirkju klukkan
18.00 og gengið er niður á Silfur-
torg. Á Akureyri hefst friðar-
gangan klukkan 20 við Samkomu-
húsið við Hafnarstræti og gengið
verður út á Ráðhústorg.
Morgunblaðið/Eggert
Gengið Frá friðargöngunni í Reykjavík í
fyrra. Nú verður hún farin í 37. árið í röð.
Friðargöngur farnar
Ungmennafélagið Þjótandi í Flóa-
hreppi heldur sína árlegu skötu-
veislu í Þjórsárveri í hádeginu á
morgun, Þorláksmessu. Borðhald
hefst kl. 12.
Boðið verður upp á gæða skötu
og saltfisk ásamt tilheyrandi með-
læti. Kaffi og konfekt er innifalið í
verði. Allir eru hjartanlega vel-
komnir.
Morgunblaðið/Golli
Skata Verður víða í boði á morgun.
Þjótandi með skötu-
veislu í Þjórsárveri
STUTT
HB Grandi hefur gefið fimm millj-
ónir króna í neyðarsöfnun UNICEF
á Íslandi vegna hörmunganna sem
nú ríkja í Nígeríu og nágrannaríkj-
unum. Fleiri en 200 börn á dag lát-
ast þar úr vannæringu. Með styrkn-
um frá HB Granda er neyðar-
söfnunin komin vel yfir 20 milljónir.
Framlögin fara í að meðhöndla
vannærð börn og veita veikum
börnum lyf, auk þess sem áhersla er
lögð á að fyrirbyggja að fleiri börn
verði vannærð.
Gefa fimm milljónir
í neyðarsöfnunina
Hamborgarhryggur verður á borðum hjá nærri
helmingi íbúa landsins á aðfangadag, ef marka
má könnun, sem MMR hefur gert.
Samkvæmt könnuninni ætla 46,4% Íslend-
inga að snæða hamborgarhrygg á aðfangadag.
Unnendum hamborgarhryggs virðist þó fara
fækkandi; í sambærilegri könnun MMR fyrir
ári sögðust 49,8% ætla að borða hamborg-
arhrygg og fyrir tveimur árum var hlutfallið
50,4%.
Í könnuninni nú sögðust 9,6% þátttakenda
telja líklegt að þeir myndu borða lambakjöt,
annað en hangikjöt, á aðfangadag. 8% sögðust
ætla að borða rjúpur, 9,6% sögðust ætla að
borða kalkún, 4,4% sögðust ætla að borða
svínakjöt annað en hamborgarhrygg og 21,9%
sögðust ætla að borða eitthvað annað en fram-
angreint. Að sögn MMR eru Íslendingar yngri
en 50 ára töluvert líklegri til að ætla að borða
hamborgarhrygg í ár en þau sem eldri eru. Ís-
lendingar 68 ára og eldri eru líklegri en aðrir
aldurshópar til að borða rjúpur (16%). Þá eru
íbúar á landsbyggðinni líklegri til að borða
lambakjöt á aðfangadag (16%) en íbúar höfuð-
borgarsvæðisins (6%).
Greint eftir stjórnmálaskoðunum eru stuðn-
ingsmenn Vinstri grænna (16%) og Framsókn-
arflokks (15%) líklegri en stuðningsmenn ann-
arra flokka til að hafa lambakjöt á borðum á
aðfangadagskvöld. Stuðningsfólk Framsóknar-
flokks (12%) og Sjálfstæðisflokks (13%) eru lík-
legri að borða rjúpur sem aðalrétt á aðfanga-
dag en stuðningsfólk annarra flokka.
Flestir borða hamborgarhrygg
 Lambakjöt og rjúpur
einnig á jólaborðinu
Morgunblaðið/Kristinn
Jólasteikin Flestir ætla að hafa hamborgar-
hrygg í jólamatinn samkvæmt könnun MMR.