Dagblaðið Vísir - DV - 02.02.2016, Blaðsíða 2

Vikublað 2.–4. febrúar 20162 Fréttir
Þrif ehf. | Lækjasmári 86 | 201 Kópavogur | Sími: 8989 566 | www.þrif.is | thrif@centrum.is
Fyrirtæki og húsfélög, gerum
tilboð ykkur að kostnaðarlausu
Bjóðum sérhæfða þjónustu fyrir
íbúðir sem eru í túristaleigu
Hefur þú þörf fyrir
þrif
Ekki drekka
vatnið
Ekki er óhætt að drekka vatn
úr krönum á Seyðisfirði vegna
bilunar í tækjabúnaði í vatns-
hreinsistöðinni þar. Sýnir hún
gerlamengun í vatninu þannig að
það stenst ekki gæðakröfur neyslu-
vatnsreglugerðar. Seyðfirðingar
þurfa því að sjóða allt neysluvatn
sem notað er til drykkjar. Þetta á
sérstaklega við um neysluvatn fyrir
ung börn, aldraða og veika, en öll-
um er ráðlagt að sjóða allt vatn.
Unnið er að viðgerð.
Mistök og
leiðrétting
Þau leiðu mistök urðu við vinnslu
forsíðufréttar DV síðastliðinn
þriðjudag að rangt orð slæddist
inn í fréttina. Um er að ræða frétt
um tölvupóst sem þjóðleikhús-
stjóri Ari Matthíasson sendi á
Jón H. B. Snorrason aðstoðar-
lögeglustjóra. Fullyrt var að orðið
„kvendi“ hefði komið fyrir í tölvu-
póstinum. Það er rangt og var
það orð notað á forsíðu DV. Hið
rétta var að orðið „kvenna“ var
notað. DV harmar þessi mistök
og eru þau hér með leiðrétt.
Þrír stjórnarmenn skipta
á milli sín 170 milljónum
n Stjórnarformaður Glitnis HoldCo fær 500 þúsund evrur á ári n ESÍ sat hjá
Þ
rír stjórnarmenn Glitnis
HoldCo, hins nýja íslenska
eignarhaldsfélags sem held-
ur utan um óseldar eignir
Glitnis, munu fá samtals
170 milljónir króna í sinn hlut fyrir
stjórnarsetu á árinu 2016. Á fyrsta
hluthafafundi félagsins, sem fór fram
síðastliðinn föstudag á Hótel Nord-
ica, samþykktu hluthafar að Bretinn
Mike Wheeler fengi samtals 500 þús-
und evrur, jafnvirði ríflega 70 millj-
óna króna, í þóknun fyrir að gegna
starfi stjórnarformanns, samkvæmt
heimildum DV.
Aðrir stjórnarmenn Glitnis
HoldCo, Daninn Steen Parsholt
og Norðmaðurinn Tom Grøndahl,
munu hvor um sig fá 350 þúsund
evrur, jafnvirði 50 milljóna króna,
í þóknun fyrir stjórnarsetu á árinu
2016. Fram kemur í fundargerð, sem
DV hefur undir höndum, að fyrir
utan einn hluthafa, sem á aðeins um
0,02% hlut í félaginu, þá hafi tillagan
um þóknun fyrir stjórnarsetu hlotið
samþykki allra hluthafa sem mættu
á fundinn og greiddu atkvæði. Full-
trúi Eignasafns Seðlabanka Íslands,
sem er í hópi stærstu hluthafa Glitn-
is HoldCo, sat hins vegar hjá við at-
kvæðagreiðsluna.
Mætt var á fundinn fyrir hönd
tæplega 76% hlutafjár í Glitni
HoldCo. Þremenningarnir voru einir
í framboði til stjórnar næstu tvö árin
og því sjálfkjörnir. Til samanburðar
fengu Steinunn Guðbjartsdóttir og
Páll Eiríksson, sem hafa núna látið af
störfum í slitastjórn Glitnis, samtals
190 milljónir króna í þóknun fyrir
störf sín á árinu 2014. Þær greiðslur
jukust hins vegar talsvert á árinu
2015 þegar samþykkt var að hækka
tímagjald slitastjórnar úr 35 þúsund
krónum í tæplega 60 þúsund krónur.
Lítið af óseldum eignum
Stærsti hluthafi hins nýja
eignarhaldsfélags Glitnis er sem
kunnugt er Burlington Loan
Management. Aðrir helstu hluthafar
Glitnis HoldCo, eins og DV hefur
áður greint frá, eru meðal annars
bandarísku vogunarsjóðirnir Solus
Alternative Asset Management,
Silver Point og Nomura Corporate
Funding Americas.
Í kjölfar þess að Glitnir lauk
formlega slitameðferð með sam-
þykkt nauðasamnings fékk slitabúið
undanþágu frá höftum undir árslok
2015 til að inna af hendi greiðslu upp
á 520 milljarða í erlendum gjaldeyri
til almennra kröfuhafa. Þá hefur slita-
búið einnig nýlega framselt eignir
til íslenska ríkisins sem eru metn-
ar á um 230 milljarða króna miðað
við bókfært virði þeirra. Það verð-
ur hlutverk stjórnar Glitnis HoldCo
að halda utan um þær óseldu eign-
ir sem eftir eru í eigu félagsins og
umbreyta þeim í laust fé á komandi
árum og greiða út til hluthafa.
Þá gefur félagið út skuldabréf
sem er afhent samningskröfuhöfum
í hlutfalli við fjárhæð krafna þeirra
á Glitni. Afborganir af bréfinu verða
ársfjórðungslega og ræðst fjárhæð-
in hverju sinni af því hvernig til tekst
að umbreyta eignum í reiðufé. Fyrir
utan fjármögnun í erlendri mynt til
Íslandsbanka munu eignir félagsins
að stærstum hluta samanstanda af
ríflega 30 milljarða króna útlánasafni
í erlendum gjaldeyri. Samkvæmt
sjóðsstreymisáætlun Glitnis er gert
ráð fyrir því að búið verði að um-
breyta þeim eignum í reiðufé á árinu
2017.
Hætti við að fara í stjórn
Tilkynnt var um það í september
árið 2012, þegar væntingar voru um
að hægt yrði að ljúka slitum búsins
innan skamms, að slitastjórn Glitnis
hefði tilnefnt Svíann Jan Kvarn-
ström, sem var meðal annars í fram-
kvæmdastjórn Dresdner Bank,
sem formann stjórnar bankans eft-
ir nauðasamninga. Þremur mánuð-
um síðar var sagt frá því að hin-
ir stjórnarmenn félagsins yrðu þeir
Mike Wheeler, Steen Parsholt, Tom
Grøndahl og Steinunn. Ári síðar var
hins vegar tilkynnt um að samkomu-
lag hefði náðst milli slitastjórnar
Glitnis og Jans Kvarnström um að
hann myndi ekki taka við stjórnar-
formennsku eins og ráðgert hafði
verið. Þá var greint var því í DV í sept-
ember í fyrra að Steinunn hefði hætt
við að taka sæti í stjórn Glitnis eftir
nauðasamninga. Sagði Steinunn við
það tilefni að hún hefði gert það upp
við sig fyrir „nokkru síðan“ að taka
ekki sæti í stjórninni enda teldi hún
að nú væri „rétti tíminn til að ljúka
afskiptum sínum af Glitni og takast á
við nýtt hlutverk.“ n
Framseldi 95%
hlut í Íslands-
banka til ríkisins
Slitabú Glitnis innti af hendi allt stöðug­
leikaframlag sitt til íslenska ríkisins í lok
síðustu viku og munaði þar mestu um
95% eignarhlut í Íslandsbanka. Er bank­
inn því núna að fullu í eigu ríkisins en
miðað við bókfært eigið fé Íslandsbanka
er 95% hlutur metinn á um 185 milljarða.
Þá samanstendur stöðugleikafram­
lag Glitnis meðal annars af eignarhlut­
um í íslenskum félögum á borð við
Sjóvá, Reiti, Lýsingu og Lyfju auk þess
sem íslenska ríkið mun eignast um 7
milljarða kröfu á hendur Reykjanesbæ.
Hörður Ægisson
hordur@dv.is
70 milljónir 50 milljónir 50 milljónir
Steen Parsholt Tom GrøndahlMike Wheeler