Dagblaðið Vísir - DV - 02.02.2016, Page 20

Vikublað 2.–4. febrúar 201616 Sport
„Vörumerkið íslenskur
handknattleiksþjálfari“
n Brýnasta verkefnið að halda úti b-liði n Bestu þjálfararnir of dýrir fyrir HSÍ
Þ
að er alveg klárt að orðið
er til vörumerkið íslenskur
handknattleiksþjálfari,“ segir
Einar Þorvarðarson, fram­
kvæmdastjóri HSÍ. Dagur
Sigurðsson stýrði Þjóðverjum óvænt
til sigurs á Evrópumótinu í hand­
knattleik um helgina. Þýskir fjölmiðl­
ar hylla dag sem hetju og helstu fyrir­
menni landsins keppast við að bera
hann lofi, enda hefur þýska lands­
liðið ekki leikið um verðlaun á stór­
mótum frá árinu 2007, þegar það
varð heimsmeistari á heimavelli.
Einar, sem hefur fylgst náið með
Degi, segir að þegar Íslendingar
léku tvo leiki við Þjóðverja, rétt
fyrir mót, hafi hann séð handbragð
Dags á liðinu. „Varnarlega er þetta
geysilega sterkt lið. Honum tókst
að leggja grunninn með góðri vörn
og markvörslu og þegar þú nærð
þessum þáttum góðum, þá ertu í
mjög góðum málum í þessari íþrótt.“ Í
mótinu hafi liðið svo eflst með hverju
verk efninu. „Það er með ólíkindum
hvernig leikmenn þýska liðsins urðu
fullmótaðir leikmenn í þessu móti.“
„Hefur gert þetta stórkostlega“
Hann tekur fram að í þýska liðinu séu
engir aukvisar, þó að marga lykilmenn
hafi vantað í hópinn. Um sé að ræða
leikmenn sem leiki stór hlutverk í
liðum sínum í þýsku Bundesligunni,
sterkustu deildarkeppni heims. Þeir
séu því vanir að leika undir pressu
og axla ábyrgð. Það breyti því ekki að
Dagur hafi unnið frábært starf með
liðið. „Foringinn hefur gert þetta
stórkostlega. Það er frábært að sjá
hvað hann er kominn langt í sínu
starfi og hvernig hann hefur unnið.
Hann gerði frábæra hluti hjá Fusche
Berlin,“ segir Einar. Hann segir að
Dagur tileinki sér alltaf nýjustu tækni
í þjálfun sinni og nálgun við starfið.
Hann sé enn fremur í mjög góðu
sambandi við leikmenn sína. Hann
vinni mikið í því að byggja þá upp.
Í Þýskalandi er vagga handbolt­
ans í Evrópu. Hvaða þýðingu hefur
sigur þýska landsliðsins á mótinu, fyrir
íþróttina? „Ég held þetta hafi mjög já­
kvæða þýðingu. Í raun og veru hefur
maður ekki séð handboltann þróast
í Þýskalandi síðan Þjóðverjar urðu
heimsmeistarar 2007. Markaðslega
hjálpar þetta liðunum í Þýskalandi
mikið, sem og handboltanum í Evrópu.“
Fjársvelti HSÍ
Evrópumótið þykir hafa verið frábær
auglýsing fyrir handboltann. Úrslit
komu á óvart og ný lið komu fram á
sjónarsviðið. Áhorfendamet var sleg­
ið í Póllandi og aukinn áhugi hef­
ur í för með sér auknar tekjur. Einar
segir að orðið hafi mikill uppgang­
ur í handboltanum í Norður­Evrópu
og Skandinavíu undanfarin ár. Því
miður hafi raunin ekki orðið sú á Ís­
landi, þar sem fjármunir handbolta­
hreyfingarinnar séu af skornum
skammti. „HSÍ veltir um 200 milljón­
um á ári og þar af er sjálfsaflaféð 70 til
80 prósent. Það er mjög erfitt að auka
það í þessu árferði sem hér hefur ver­
ið eftir hrun. Ég tek fram að við erum
með frábæra samstarfsaðila – um 20
fyrirtæki – að baki sambandinu, en
við erum svolítið fastir í fjötrum. Við
höfum ekki getað haldið úti b­lands­
liði síðan 2007 og erum með Laugar­
dalshöll sem er barn síns tíma. Við
getum til dæmis aðeins selt 2.400
áhorfendum miða á landsleiki.“
Einari telst til að Ísland hafi alls
sent 61 lið á stórmót frá árinu 1958.
Þar á hann við lið af báðum kynjum
auk yngri landsliða. Það sé í raun
merkilegt þegar horft sé til annarra
íþróttagreina, svo sem körfubolta
og fótbolta, og þeirra fjármuna sem
aðrar þjóðir sem spili handbolta
hafi úr að spila. Í skýrslu ÍSÍ,
Kostnaður vegna afreksíþróttastarfs
á Íslandi, kemur fram að þörf sé á
töluverðum breytingum til að Ísland
geti boðið íslensku íþróttafólki
sambærilega aðstöðu og tíðkast í
kringum okkur. „Fyrir ÓL 2012 fékk
danska handknattleikssambandið
145 milljónir króna til að undirbúa
karlalandsliðið til keppni á meðan
HSÍ fékk 10 milljónir króna frá
Afrekssjóði ÍSÍ fyrir sama verkefni.“
Verðum að koma b-liði á koppinn
„Það er erfitt fyrir okkur að fylgja þess­
um þjóðum eftir,“ segir Einar og tekur
sem dæmi að á EM í Danmörku 2014
hafi Íslendingar leikið við Norðmenn
– og haft betur. Meðan á því móti stóð
hafi Noregur verið með æfingabúðir
fyrir b­liðið á sama stað og Norðmenn
léku leiki sína. Leikmenn þess liðs hafi
fylgst með öllum leikjum norska liðsins
á mótinu, til að fá nasaþefinn af stór­
móti. Margir þessara leikmanna hafi
núna verið í a­liðinu, sem komst í und­
anúrslit í Póllandi. Aðstöðumunurinn
sé þannig mikill. „Svona lagað kostar
peninga. Nú eru að verða einhver kyn­
slóðaskipti í landsliðinu en til þess
að geta búið til betri leikmenn þarftu
stærri hópa. Þú þarft að geta undir­
búið menn fyrir að koma inn í a­liðið.
Við þurftum að hætta með þá vinnu
2008,“ segir hann en tekur þó fram að
Ólafur Stefánsson hafi unnið gott starf
með afrekshópinn svokallaða, sem
eru æfingabúðir efnilegra leikmanna.
Brýnasta verkefnið, þegar kemur að
landsliðinu, sé hins vegar að koma b­
liði á koppinn á nýjan leik.
Árangur landsliðsins á EM í Pól­
landi var undir væntingum. Kallað
hefur verið eftir að handknattleiks­
forystan fari í naflaskoðun. Einar
segir aðspurður að reglulega þurfi að
endurmeta stöðuna. Fyrir fimm árum
hafi HSÍ farið í stefnumótunarvinnu
en þau markmið sem þar voru sett
hafi verið uppfyllt. Hann bendir á
að þrír til fjórir starfsmenn vinni hjá
HSÍ og verkefnin séu mörg. Erfitt sé
að þróa sambandið án þess að aukið
fjármagn komi til. „Ég held líka að HSÍ
standi frammi fyrir því að vera borið
saman við KSÍ, þar sem rekstrar­
umhverfið er allt annað og stærstur
hluti fjármagnsins kemur að utan.
Það er ekki sanngjarn samanburður.“
Efnileg yngri landslið
Eins og áður sagði var þýska
landsliðið í lægð þegar Dagur tók við
því og Svíar upplifðu svipaða hluti
eftir að gullkynslóð þeirra hætti. Einar
er ekki endilega þeirrar skoðunar að
Íslendingar muni dragast aftur úr á
næstu árum. Hann segir vissulega rétt
að deildin hér heima sé ekki eins sterk
og hún var áður. Slæmt sé að liðin
taki ekki þátt í Evrópukeppnum og
að bilið á milli deildarinnar á Íslandi
og bestu deildanna í Evrópu, sé að
aukast. Bestu leikmennirnir fari út í
atvinnumennsku fyrr en áður og það
komi niður á gæðum deildarinnar.
Aftur á móti bendir hann á að Ís­
land hafi átt mjög sterk landslið í
yngri flokkum karla. U­19 ára lands­
liðið hafi unnið brons á HM í fyrra
og U­18 sé að fara á stórmót í sumar.
Hann bindur vonir við að innan fárra
ára komi upp ný kynslóð landsliðs­
manna sem náð geti góðum árangri.
„Öldudalur? Ég ætla að vona ekki.“
Einar segir að kynslóðaskiptin í
landsliðinu hafi gerst hægar en vonir
hafi staðið til. Leikmenn fæddir 1990–
1991, sem náðu góðum árangri 2008,
hafi ekki komið jafn snemma inn í
landsliðið og menn hafi bundið vonir
við, en því liði tilheyrðu til dæmis Aron
Pálmarsson, Ólafur Guðmundsson
og Stefán Rafn Sigurmannsson.
Stærstu nöfnin ekki í boði
Aron Kristjánsson er hættur með
landsliðið. Einar segir að nefnd
innan HSÍ vinni að málinu en ekkert
liggi fyrir í þeim efnum. „Það er
verið að horfa á markaðinn eins
og hann er. Menn gefa sér tíma í
þetta en við erum ekki að keppa um
stærstu nöfnin í Evrópu. Þeir þjálf­
arar sem standa sig best fara í stóru
liðin eða stærri sambönd. Við erum
ekki samkeppnishæfir til að fá þessa
menn til að vinna fyrir okkur.“
Hann bendir á sá háttur hafi
skapast að menn sem stýri íslenska
landsliðinu þjálfi í kjölfarið í Evrópu.
Það sé virkilega ánægjulegt. „Það
er ákveðin hefð til í íslenskum
handbolta sem gerir það að verkum
að þessir menn ná árangri.“ n
Baldur Guðmundsson
baldur@dv.is
„Það er erfitt
fyrir okkur
að fylgja þessum
þjóðum eftir.
Magnaður Dagur Sigurðsson
þykir hafa unnið kraftaverk
með þýska liðið. Mynd EPA
Í brúnni Einar er tiltölulega bjartsýnn.
Margnota augnhitapoki
Fæst í helstu apótekum og Eyesland Gleraugnaverslun, Glæsibæ
Ef augnhvílan er notuð tvisvar á dag með reglulegu
millibili hefur hún jafnan jákvæð áhrif á hvarmabólgu
(Blepharitis), vanstarfsemi í fitukirtlum, augnþurrk, vogris,
augnhvarmablöðrur og rósroða í hvörmum/augnlokum
Augnhvilan
Augnhvílan er auðveld í notkun og
vermir í 10 mínútur í hvert sinn.
Hún er einfaldlega hituð í 30 sekúndur
í örbylgjuofni og lögð yfir augun.