Dagblaðið Vísir - DV - 02.02.2016, Side 8

8 Fréttir Vikublað 2.–4. febrúar 2016
Á
nokkrum vikum hafa
tveir suðvestanstormar
valdið miklu landbroti við
ströndina við Vík í Mýrdal.
Fjörutíu metrar af grónu
landi hurfu eins og dögg fyrir sólu og
mikill sjór flæddi inn í austasta hluta
þorpsins þar sem iðnfyrirtæki hafa
aðstöðu ásamt meðal annars Vega­
gerðinni. Heimamenn hafa mikl­
ar áhyggjur af þróun mála þar sem
varnarlínan fyrir opnu Atlantshafinu
er nú nánast að engu orðin.
„Ég myndi ekki taka svo stórt til
orða að hér væri neyðarástand. Hins
vegar er staðan sú, eftir þessa hvelli
að það getur skapast hér neyðar­
ástand ef saman fer há sjávarstaða
og hvassviðri með suðvestanátt. Þá
er hætt við að síðasta vörnin gefi sig,“
segir Ásgeir Magnússon, sveitarstjóri
í Mýrdalshreppi.
Hvarf eins og dögg fyrir sólu
Eins og sjá má á meðfylgjandi mynd­
um sem Þórir N. Kjartansson ljós­
myndari tók á flugi yfir strand­
lengjunni fyrr í þessum mánuði,
er sjórinn að vinna sig að austasta
hluta byggðarlagsins. Margt athygl­
isvert má lesa út úr myndinni sem
tekin var þann 11. janúar á þessu
ári. Í fyrsta lagi sést greinilega hversu
mikið landbrotið hefur verið aust­
ast í þorpinu. Rauða línan sýn­
ir hvar gróni bakkinn var í nóvem­
ber. Ásgeir sveitar stjóri bendir á að
þarna hafi verið melgresi þar sem
rótar kerfið er flókið og öflugt. „Þetta
hvarf eins og dögg fyrir sólu.“ Þá má
einnig sjá hvernig sandfangarinn út
frá ströndinni er að vinna sitt verk.
Sandur gengur fram með honum á
báða vegu og ljóst má vera að þessi
tilraun er að heppnast vel. Hins vegar
hefur molnað mjög úr garðinum og
þar sem var öflugur brimbrjótur við
enda garðsins, eða eins konar haus,
er nú brimið búið að skola stærstum
hluta stórgrýtisins í burtu.
Ljóst var við upphaf byggingar
sandfangarans, árið 2010, að um til­
raun var að ræða og að hann myndi
eingöngu tryggja fjöruna að vest­
anverðu að Reynisfjalli. Ströndin
er því óvarin með öllu austan við
fangarann.
Síðasta víglínan orðin þunn
Ásgeir Magnússon segir ráðamenn
hafa skilning á stöðunni. Hann
hefur rætt við innanríkisráðherra
og starfsmenn Vegagerðarinnar og
fyrir dyrum stendur sameiginlegur
fundur með innanríkisráðherra eða
starfsmönnum ráðuneytisins og
vegamálastjóra. Fjörutíu milljónir
króna eru á fjárlögum þessa árs
til undirbúnings fyrir nýjan sand­
fangara austar en sá sem fyrir er.
Ásgeir segir ljóst að stærra grjót
n Sjórinn brýtur 40 metrum nær þorpinu frá áramótum
n Gæti skapast neyðarástand ef fer saman há sjávarstaða og hvassviðri
Eggert Skúlason
eggert@dv.is „Þetta
hvarf
eins og dögg
fyrir sólu
40 m.
Öflugur sandfangari Á aðfangadag 2011. Sandfangarinn til í slaginn. Fremst á honum er
öflugur haus sem á að standast kröftugt brimið. Mynd Þórir n. KjartanSSon
Mikið landbrot á skömmum tíma Þessi mynd er tekin 11. janúar og
eins og sjá má á rauðu línunni hefur sjórinn étið sig á skömmum tíma um
fjörutíu metra í átt að byggðinni. Nú er orðið mjög stutt í varnargarðinn
sem liggur samsíða rauðu línunni. Gefi garðurinn sig mun sjór streyma inn í
þorpið, en landið er víða lægra innan við garðinn. Mynd Þórir n. KjartanSSon
SíðaSta
vörnin
við vík
Grasbakkinn
eins og hann
var um það bil
9.11. 2015
PARKET...DÚKAR...FLÍSAR...TEPPI...PARKET...DÚKAR...FLÍSAR...TEPPI...PARKET...
ÚTSALA
Skútuvogi 6 - Sími 568 6755
Revestimiento
Ace Negro 33,3x100 cm
Ace Blanco 33,3x100 cm
Pavimento
Crystal Floor White 33,3x33,3 cm
Crystal Floor Dark 33,3x33,3 cm
Verðdæmi: Harðparket eikarplanki 8mm kr. 1990.- m2
Tarkett viðarparket eik 3 stafa kr. 3990.- m2
Teppi og dúkar 25-70% afsláttur
WC innb. kassi/skál/seta kr. 39.700
Þúsundir fermetra af flísum með
20%-70% afslætti