Tímarit Hjúkrunarfélags Íslands - 01.12.1969, Side 46

RADDIR HJUKRUNARNEMA
liitnej'nd:
Margrét Hauksdóttir.
Þóra G. Sigurðardóttir.
Ásrún Hauksdóttir.
Halla Amljótsdóttir, hjúkrunamemi:
HJÚKRUN DRENGS MEÐ
PYLORUS STENOSIS
Stutt sjúkrasaga.
Drengurinn, sem ég skrifa um, kemur inn á barnadeildina sex
vikna gamall. Kemur hann með foreldrum sínum, sem bæði eru
innan við þrítugt, og eiga þau annan dreng, 2ja ára, sem er heil-
brigður.
Drengurinn vóg 3.400 gr. við fæðingu, sem var eðlilegt. Hann
þyngdist um 250 gr. fyrsta mánuðinn, meðan hann var á brjósti.
Svaf hann vel um nætur framan af, en eftir að hann fékk pela
með brjóstinu, hálfs mánaðar gamall, kúgaðist hann við hverja
gjöf og kastaði upp ca klst. eftir, og mókti þess á milli. Hægðir
urðu fremur tregar og harðar, dökkbrúnar á lit og diuresan var
lítil.
Vegna þessa var hann lagður inn á sjúkrahús, í sínum heima-
bæ. Var tekin þar Rtg. mynd af maga og rannsökuð tæmingar-
geta hans. Sýndi sig, að um litla pylous stenosu væri að ræða.
Meðan drengurinn lá á sj úkrahúsinu, fékk hann tvisvar krampa,
sem stóð yfir í 7 mínútur í hvert skipti, kastaði hann upp á
eftir dökkbrúnu magainnihaldi. Var þá tekin ákvörðun um, að
senda drenginn á Barnaspítala Hringsins til frekari meðferðar.
Halla Arnljótsdóttir.
Sjúkdómscinkcniii, nlmenn.
1. Þetta er fremur algengur galli, sem sést oftar hjá drengj-
um, og er talinn arfgengur. 2. Einkennin koma oftast þegar dreng-
irnir eru 2—4ra vikna gamlir, og hverfa síðan af sjálf sér eftir
3ja mán. aldur, þótt ekkert sé að gert. 3. Lýsir þetta sér þannig,
að pylorus vöðvinn vex óeðlilega mikið og verður þykkari en eðli-
legt er, og veldur því, að tæmingargeta magans minnkar. U. Klinisk
einkenni eru: Explosiv uppköst strax eftir mjólkurgjöf, eða ca
1 klst. eftir. Peristaltik magans sést greinilega frá vinstri til
hægri. Barnið léttist, horast, hefur lélegan húðturgor, innfallna
fontanellu og diuresan minnkar. Einnig koma hægðir sjaldan,
þá litlar og dökkar. Barnið hefur sérkennilegan, kraftlítinn grát
og er óhamingjusamt.
136 TÍMARIT HJÚKRUNARFÉLAGS ÍSLANDS