Tímarit hjúkrunarfræðinga - 01.11.1996, Síða 44

Ritstjórnarstefna og
starfsóætlun ritnefndar
Stefnt er að útgáfu Tímarits
hjúkrunarfrœðinga sex sinnum á ári.
Tímaritið er málgagn allra íslenskra
hjúkrunarfræðinga og í því er reynt er að
endurspegla ólíkar skoðanir á og viðhorf
til hjúkrunar. Félag íslenskra
hjúkrunarfræðinga leggur metnað sinn í
að allir félagsmenn þess finni þar lesefni
sér til gagns, fróðleiks eða ánægju.
Tímaritið er vettvangur fræðilegrar
og félagslegrar umræðu um hjúkrun. í
faglega hluta tímaritsins eru birtar
greinar uin hjúkrunarstörf, nýjar
rannsóknir í hjúkrun, viðtöl við fólk um
hjúkrun og aðrar faglegar upplýsingar
sem eiga erindi til hjúkrunarfræðinga. í
félagslega hluta blaðsins eða frétta-
hlutanum er greint frá kjaramálum og
öðru sem er að gerast hjá félaginu.
Ritstjóri ber ábyrgð á að efni, útgáfa
og rekstur blaðsins sé í samræmi við
ritstjórnarstefnu þess.
Formaður félagsins ber ábyrgð á
félagslegu efni þess, öðm en aðsendum
greinum. Höfundar aðsendra greina bera
ábyrgð á efni þeirra. Skoðanir sem í
þeim birtast þurfa ekki að samrýmast
stefnu Félags íslenskra
hjúkrunarfræðinga.
Ritstjóri, ásatnt ritnefnd leggur
metnað í að tímaritið sé vandað að því er
varðar málfar, útlit og efni. Áhersla er
lögð á að faglegar greinar standist
vísindalegar kröfur. Þess vegna setur
ritnefnd reglur um það hvernig höfund-
um ber að skila efni til blaðsins.
Ritnefnd hittist á mánaðarlegum
fundum. Ritnefnd áskilur sér rétt til að
birta greinar eða hafna þeim og til að
setja greinar upp og aðlaga að útliti
blaðsins. Ávallt er leitað umsagnar
utanaðkomandi aðila um rannsókna- og
fræðigreinar.
TÍMARIT HJÚKRUNARFRÆÐINGA 5. tbl. 72. árg. 1996
Greinar
í Tímarit hjúkrunarfræðinga
Almennt um ritun greina
Greinahöfundar eru beðnir um að
skila greinum til Tímarits hjúkrunar-
fræðinga, Suðurlandsbraut 22, 108
Reykjavík. Ef um rannsóknagreinar er
að ræða þá tekur vinnsla þeirra lágmark
þrjá mánuði eftir að þær berast til
blaðsins. Yfirleitt tekur skemmri tíma að
ganga frá öðru efni í blaðið.
Greinar í blaðinu eru í stórum
dráttum tvenns konar. Annars vegar
almennar greinar sem ritnefnd yfirfer og
lagfærir í samvinnu við höfunda fyrir
birtingu. Hins vegar rannsóknagreinar
sem eru ritrýndar af völdum fræði-
mönnum. Miklar kröfur eru gerðar til
slíkra greina um efni, innihald og
framsetningu.
Málfar: Ritnefnd leggur áherslu á
að málfar greina sé gott og þeir sem þar
eiga sæti vilja gjarnan verða höfundum
að liði við greinaskrifin. íslenska þarf
erlend orð ef unnt er og skammstafanir
þarf að útskýra í fyrsta skipti sem þær
koma fram. Myndir og teikningar þurfa
að vera nægilega skýrar til að hægt sé að
prenta eftir þeim.
Rannsóknagreinar
Auk framangreinds gildir
sérstaklega um rannsóknagreinar:
Greinum skal skilað í þríriti hverju
sinni. Endanlegri gerð skal skila á
tölvudisklingi. Hafið 4 sentimetra
spássfu á alla vegu. Þannig verður
línulengdin 13 sentimetrar á A4 en 14
sentimetrar á „US letter" síðustærð.
Jafnið vinstra megin en ekki hægra
megin, notið tvöfalt línubil og 12 punkta
Times letur. Heimildalisti takmarkast af
tilvísunum í viðkomandi grein.
Uppsetning greinanna skal vera
samkvæmt reglum ameríska
sálfræðingafélagsins. Upplýsingar um
þær er að finna í bókinni Publication
Manual of the American Psychological
Association og í íslenskri þýðingu í
bókinni Gagnfrœðakver handa
háskólanemum eftir Friðrik H. Jónsson
og Sigurð J. Grétarsson.
Titilsíða: Þar komi fram nafn
greinar og höfunda(r), starfsheiti og
upplýsingar um náms- og starfsferil.
Útdráttur: Útdráttur á að vera
stuttur (hámark 150 orð) og þýðing hans
á ensku á að fylgja. I útdrættinum á að
koma fram: Tilgangur rannsóknarinnar,
aðferð í grundvallaratriðum, helstu
athuganir, niðurstöður og ályktanir.
Frœðilegur bakgrunnur: í inngangi
þessa kaíla á tilgangur rannsóknarinnar
að koma skýrt fram. I fræðilegri
umfjöllun er vísað á nauðsynlegar
heimildir en ekki gerð víðtæk fræðileg
úttekt á viðfangsefninu. Athugið vel að
heimildalistar og tilvísanir séu rétt og
samræmd.
Aðferð: Lýsið úrtaki, rannsóknar-
aðferð (tilraun, könnun, magnbundin,
gæðabundin o.s.frv.), mælitæki/spum-
ingalista og tölfræðiathugunum nægilega
vel til að aðrir geti endurtekið rann-
sóknina. Vísið í heimildir að þeim
aðferðum sem beitt er ef þær eru til.
Getið þess ef leyfi rannsókna- eða
siðanefnda var fengið til að gera
rannsóknina.
Niðurstöður: Niðurstöður em settar
skipulega fram með töflum og myndum
sem í texta er vísað skýrt í. Endurtakið
ekki nákvæmlega í textanum það sem
töflurnar sýna heldur dragið saman
aðalatriði. Stundum nægir að setja
einstaka niðurstöður fram með fáum
orðum í texta.
Umfjöllun: Hér er lögð áhersla á
þau atriði í rannsókninni sem eru ný og
ályktanir sem draga má af þeim. Dragið
ekki saman niðurstöður úr næsta kafla á
undan. Látið koma fram hvaða máli
niðurstöður rannsóknarinnar skipta,
takmarkanir þeirra og tengsl við aðrar
rannsóknir. Skoðið niðurstöðurnar út frá
tilgangi rannsóknarinnar en varist
alhæfingar sem ekki em studdar af
niðurstöðum. Gefið hugmyndir að nýjum
rannsóknum og tilgátum.
Þakkir: Berið einungis fram þakkir
til fólks sem hefur veitt mikla aðstoð við
verkefnið og að fengnu leyfi viðkomandi.
Heimildir: Fylgið reglum APA eins
og að ofan greinir og þá sérstaklega
íslensku þýðingunni í Gagnfrœða-
kverinu. Fylgið þessum reglum nákvæm-
lega og frá byrjun, það sparar mikla
vinnu áður en yfir lýkur. Ljósrit af
reglum þessum er hægt að fá hjá
Tímariti hjúkrunaifrœðinga.