Tímarit hjúkrunarfræðinga - 01.12.1999, Blaðsíða 7

Ritstjóraspjall m
Afmæli og áríð 2000
Desemberblaðið er að þessu sinni til-
einkað því að 80 ár eru liðin frá því fyrsta
félag hjúkrunarfræðinga var stofnað hér
á landi. Afmælið var haldið hátíðlegt
þann 6. nóvember sl. á Kjarvalsstöðum
kl. 16.00-18.00.
Boðið var upp á ýmsa dagskrárliði og
var mikið fjölmenni í húsinu. Áttatíu
rauðar rósir skreyttu Kjarvalsstaði og á
boðstólum var konfekt og freyðivín í
tilefni dagsins. Til að miðla þeim sem
ekki komust í fagnaðinn hlutdeild í
afmælinu birtast í þessu tölublaði
Tímarits hjúkrunarfræðinga myndir og
ræður þeirra sem lögðu sitt af mörkum til
að gera hátíðarhöldin sem veglegust.
Afmælisnefndin átti veg og vanda af
dagskránni. í nefndinni áttu sæti
Þorgerður Ragnarsdóttir, sem var
formaður, Bergdís Kristjánsdóttir, Pálína
Sigurjónsdóttir og Aðalbjörg J.
Finnbogadóttir. Fyrsti fundur nefndarinnar
var haldinn í upphafi árs 1999 og eftir
ýmsar hugmyndir um fyrirkomulag
afmælishátíðar varð úr að hafa móttöku
að Kjarvalsstöðum. í auglýsingu frá
nefndinni í síðasta tölublaði voru
hjúkrunarfræðingar hvattir til að
fjölmenna þar sem húsið væri stórt. í Ijós
kom þó að húsið var varla nógu stórt,
svo góð var mætingin.
Lesendum óska ég gleðilegra jóla og
farsældar á nýju ári með þökk fyrir
samfylgdina á árinu sem er að líða. Það
er ótrúlegt að árið 2000 sé rétt ókomið,
svo stutt er síðan næstu aldamót voru í
Ijósárafjarlægð. Þetta er síðasta eintak
Tímarits hjúkrunarfræðinga á þessu ári
og því við hæfi og gleðiefni á þessum
tímamótum að kynna fyrirhugaða heima-
síðu Félags fslenskra hjúkrunarfræðinga.
Undirbúningur er nú í fullum gangi og
verður nýr upplýsingamiðill væntanlega
tekinn í notkun á netinu á næsta ári, árið
2000.
Það má því segja að heimasíðan sé
aldamótagjöf handa hjúkrunarfræðingum
en jólagjöfin er nú sem fyrr handbók og
dagbók.
Gleðilegjól!
S JÚKRAHÚS
REYKJAVÍ KU R
Hjúkrunarfræðingar á Sjúkrahúsi
Reykjavíkur senda Félagi íslenskra
hjúkrunarfræðinga hjartanlegar
hamingjuóskir í tilefni 80 ára afmælis
félagasamtaka hjúkrunar á Islandi.
Megi félagið halda áfram að eflast
hjúkrunarfræðingum og
skjólstæðingum þeirra til heilla.
fea
Fjórðungssjúkrahúsið áAkureyri óskar
Félagi íslenskra hjúkrunarfræðinga til
hamingju með 80 ára afmælið
Landspítalinn óskar
Félagi islenskra
hj úkrunarfrœðinga
til hamingju með
80 ára afmœlið
LANDSPÍTALINN
.../ þágu mannúdar og vísinda...
Tímarit hjúkrunarfræðinga • 5. tbl. 75. árg. 1999
295