Tímarit hjúkrunarfræðinga - 01.12.1999, Blaðsíða 12

hjúkrunarfræðinga að ávarpa fundinn og færa Hjúkr-
unarfélaginu árnaðaróskir í tilefni afmælisins. Nú tíu
viðburðaríkum árum síðar fyllist ég þakklæti yfir að hafa
fengið tækifæri að vera virkur þátttakandi í að móta sögu
hjúkrunar á þessum síðasta áratugi síðustu aldar
árþúsundsins. Fyrir það þakka ég hjúkrunarfræðingum
sérstaklega um leið og ég óska félaginu og hjúkrunar-
fræðingum öllum bjartrar framtíðar á nýju árþúsundi.
Kristín Á Guðmunds-
dóttir, formaður Sjúkra-
liðafélags íslands
Heilbrigðisráðherra, formaður,
hjúkrunarfræðingar og aðrir
hátíðargestir.
Fyrir hönd Sjúkraliðafélags
íslands færi ég hjúkrunarfræð-
ingum bestu hamingjuóskir á þessum tímamótum í sögu
samtaka þeirra. Áttatíu ár eru ekki langur tími í
veraldarsögunni, en á tímakvarða launþegahreyfinga og
stéttabaráttu eru samtök hjúkrunarfræóinga með þeim
elstu hér á landi. Samtök sem markað hafa djúp spor í
sögu launþega frá upphafi.
í tilefni þessara tímamóta færi ég ykkur fyrir hönd
sjúkraliða lítið listaverk eftir Þóreyju Magnúsdóttur ,/Eju“,
listamann sem getið hefur sér gott orð og viðurkenningu
sem hugmyndaríkur „skúlptúristi". Verk hennar, sem ég hef
valið til að færa samtökum ykkar, er engill sem er lýsandi
tákn um þau miklu og margvíslegu líknarstörf sem hjúkr-
unarstéttin hefur unnið frá upphafi til þessa dags. Það er
sannfæring mín að góðir andar svífi yfir verkum hjúkrunar-
fræðinga og englar í einhverri mynd sveimi yfir störfum
hjúkrunarstéttanna. Ég vænti þess að „englar alheimsins"
muni hér eftir sem hingað til vaka yfir verkum okkar og
samstarf hjúkrunarfræðinga og sjúkraliða eigi eftir að
aukast og eflast og gagnkvæmur skilningur þessara stétta
vaxi og dafni á komandi árum.
Að lokum vil ég nota tækifærið og þakka fyrir gott boð
og ítreka mínar innilegustu hamingjuóskir til ykkar á
þessum tímamótum.
Björk Vilhelmsdóttir,
formaður Bandalags
háskólamanna
Ráðherra, aðrir hjúkrunarfræð-
ingar og veislugestir.
Ég vil fyrir hönd Bandalags
háskólamanna óska hjúkrunar-
fræðingum til hamingju með þau
80 ár sem stéttin hefur staðið saman, faginu og fræðunum
til ómetanlegs stuðnings.
Við í Bandalagi háskólamanna erum stolt af því að hafa
hjúkrunarfræðinga innan okkar vébanda og ég get líka
sagt að það er jafnframt styrkur okkar.
í tilefni þessara 80 ára vill bandalagið gefa hjúkrunar-
fræðingum einhverja gjöf. Ég gekk á milli listmunasala og
fann ekki neitt sem ég gat tengt við heilbrigði og hjúkrun.
En þá sá ég þessa forkunnarfögru skál eftir íslenska lista-
konu (Rannveigu Tryggvadóttur) og sá að hún gat sam-
einað allt í senn: huga, hjarta og hönd.
Vilborg Ingólfsdóttir,
yfirhjúkrunarfræðingur,
landlæknisembættinu
Kæru hjúkrunarfræðingar, aðrir
góðir gestir!
Til hamingju með daginn í dag og
alla þá áfanga sem Félag
íslenskra hjúkrunarfræðinga hefur náð á 80 árum.
Mörgu ber að fagna og margt ber að þakka.
Ber þar fyrst að nefna árangur hins mikla og vanda-
sama trúnaðar- og mannúðarstarfs sem hjúkrunarfræð-
ingar á íslandi hafa sinnt í öll þessi ár. Árangur þess er
augljós í kraftmiklu íslensku þjóðfélagi. Þrátt fyrir það að
þjóðin sé ekki laus við sjúkdóma og margvíslegan heil-
brigðisvanda stendur ísland í fremstu röð meðal þjóða
heimsins hvað varðar heilbrigði og mannúðlega heil-
brigðisþjónustu. Þann árangur má að stórum hluta þakka
hjúkrunarfræðingum.
Annað fagnaðarefni er að stór hluti ungs fólks vill sinna
sama starfi og við, þ.e. hjúkrunarstarfinu, um tvöfalt fleiri
en við höfum aðstæður til að mennta til starfans. Þann
ávinning má þakka hjúkrunarfræðingum og það er upp-
skera þess að hjúkrunarfræðingar hafa skilað góðu hlut-
verki til samfélagsins.
Þriðja fagnaðarerindið er að við hjúkrunarfræðingar
Til hamingju.
300
Tímarit hjúkrunarfræðinga • 5. tbl. 75. árg. 1999