Tímarit hjúkrunarfræðinga - 01.12.1999, Blaðsíða 13
skulum á þessum tímamótum standa saman sem ein heild
í einu félagi hjúkrunarfræðinga. Leiðin að því marki þótti
löng og oft ströng en eftir á að hyggja var hún aðeins
þroskatímabil og leið að einu sterku afli hjúkrunarfræðinga.
Á tímamótum sem þessum er vert að líta til þeirra miklu
áhrifa sem hjúkrun og hjúkrunarfræðingar hafa haft á
íslenskt þjóðfélag. Má þar m.a. nefna fræðslu þeirra til
almennings um heilbrigða lífshætti, mikilvægi forvarna og
um viðbrögð við sjúkdómum og öðrum heilsufarsvanda-
málum. Hjúkrunarfræðingar hafa aukið skilning þjóð-
félagsins á þörfum sjúklinga og hjálpað til við að bæta
heilsufar þjóðarinnar. Daglega stuðla þeir að sjálfsbjörg
einstaklinga og gera þeim þannig kleift að vera eða verða
nýtir þjóðfélagsþegnar. Hugmyndafræði hjúkrunar og
hjúkrunarstarfið hafa áhrif á gildismat og siðferðilega
umfjöllun í þjóðfélaginu og aukin þekking hvers hjúkrunar-
fræðings og hjúkrunarannsóknir auka þekkingargrunn
þjóðfélagsins.
Þessi áhrif á íslenskt þjóðfélag munum við áfram hafa
ef við höfum trú á hjúkrun, á okkur sjálfum og öðrum
hjúkrunarfræðingum.
í nýjasta Tímariti hjúkrunarfræðinga eru settir fram
nokkrir punktar úr sögu hjúkrunar á íslandi. Þar er getið
áfanga sem allir hjúkrunarfræðingar eru án efa stoltir af.
Bak við þá flesta standa margir hjúkrunarfræðingar og að
baki flestum áföngum sem hjúkrunarfræðingar ná standa
fleiri en einn hjúkrunarfræðingur. Hjúkrunarstörfin eru borin
uppi af miklum fjölda hjúkrunarfræðinga sem á hverri
mínútu dag hvern leggja sig alla fram við að sinna skjól-
stæðingum sínum. Það er hinn hljóði hópur hjúkrunar-
fræðinga sem mestu skiptir um árangur og virðingu
stéttarinnar og félagsins. Ég vona að allir hjúkrunar-
fræðingar sjái þátt sinn í þeim áföngum sem hjúkrun á
íslandi, hjúkrunarstéttin og Félag íslenskra hjúkrunarfræð-
inga hefur náð.
Innilegar hamingjuóskir.
wwm* píq mmm
Littmann
Hlustunarpípur
Eyrna- & aU!
Lugnskoðunartæki
Henry Schein Fides. Uu«s8at“9.6“Akurcyri s,mi^6'
Faxafen 12, 108 Reykjavík Simi 588 8999
Dr. Guðrún
Kristjánsdóttir
Kæru hjúkrunarfræðingar og aðrir
góðir gestir!
Á þessum tímamótum vil ég I for-
föllum Birnu Flygenring, formanns
stjórnar námsbrautar í hjúkrunar-
fræði, koma á framfæri kveðjum
og árnaðaróskum frá kennurum, starfsfólki og stúdentum
við námsbraut í hjúkrunarfræði við Háskóla (slands og
jafnframt sérstakri kveðju frá Birnu.
Áttatíu ár er langur tími í ævi hvers manns en stuttur
tími í sögu mannkyns. Saga okkar er stórbrotin og marg-
brotin og í raun mun eldri en ártölin gefa til kynna. Hjúkrun
hefur fylgt manninum frá því hann hóf líf sitt á jörðinni og
þörfin fyrir hjúkrun er manneskjunni nálæg jafnt I nútíð sem
fortíð. Þekking okkar á hjúkrun hefur þó breyst, nákvæmni
og árangur í störfum okkar og þjónustu hefur skilað miklu
til að bæta líf og hagi samferðamanna okkar á þessum 80
árum. Því er ekki úr vegi að minnast þeirra sem geta ekki
verið með okkur vegna þess að þau eru úti á starfs-
akrinum að sinna hjúkrun þeirra sem við eigum starfið
undir - skálum því fyrir öllum þeim hjúkrunarfræðingum
sem eru á vakt á þessari stundu og einnig þeim sem
vegna fjarlægðar og skyldna við fólkið úti um okkar
stórbrotna og víðfeðma land geta ekki lagt leið sína til
okkar á þessum tímamótum - skál!
í tilefni 80 ára afmælisins vill starfsfólk námsbrautar I
hjúkrunarfræði við Háskóla (slands færa félaginu þessa
gjöf. Verkið er málverk og nefnist „Náttúrubrot" og er eftir
Erling Jón Valgarðsson (Ella). Hjúkrun er eðlilegur hluti af
náttúru okkar mannanna og ef vel á að vera aðskilur hún
ekki manninn og umhverfi hans. Ég les því Ijóð sem
Aðalsteinn Svanur Sigfússon orti í tilefni af sýningu lista-
mannsins og nefnist „Helgur staður náttúrubrot". -
Af jörðu ertu kominn.
Af örlæti sínu hlúir hún að öllu lífi
og finnur því stað.
Af lítillæti sinu fóstrar hún okkur, fæðir og klæðir.
Af vísdómi sínum býr hún okkur hvílustað að lokum.
Að jörðu skaltu aftur verða.
í lotningu bý ég mér litla helgireiti, griðastaði sem ég hverf
til,
þar ert þú sem af jörðu ert kominn auðfúsugestur.
Jörðin er helgur staður, hún er fóstra mín. -
Gleðjumst yfir hjúkrun í þessu landi í 80 ár!
Til hamingju með daginn!
Tímarit hjúkrunarfræðinga • 5. tbl. 75. árg. 1999
301