Tímarit hjúkrunarfræðinga - 01.12.1999, Blaðsíða 31
Fundur með formönnum svæðisdeilda
Fundurinn var haldinn að morgni 5. nóvember og sóttu
fundinn auk formanna svæðisdeilda og formanns félagsins
fulltrúar stjórnar og starfsmanna. Formenn sögðu frá
starfsemi deildanna en fræðslustarf er þar umfangsmest.
Bent var á þá þróun að launabil milli dreifbýlis og þéttbýlis
hafi minnkað með nýjum samningum og því erfiðara að fá
hjúkrunarfræðinga til starfa á landsbyggðinni. Rætt var um
fjárhagsstöðu deildanna og ákveðið að vísa til stjórnar
beiðni um hækkun framlags félagsins til deildanna.
Þá var rætt um aukin áhrif ferliverka á hjúkrun. For-
menn voru sammála um að skapa þyrfti umræður um þau
mál í svæðis- og fagdeildum.
Rætt var um nauðsyn þess að bæta ímynd hjúkrunar-
fræðinga til að fá eðlilega endurnýjun í stéttina. Formenn
lýstu ánægju með tillögu frá ritnefnd um að hver svæðis-
deild fengi eina síðu í tímaritinu á næsta ári til að koma að
því efni sem þær vilja. Nýjar reglur félagsins um ferða- og
dagpeninga voru kynntar.
Að lokum var kynnt bréf sem norðausturlandsdeild
hefur sent þingmönnum vegna klámiðnaðar sem virðist
vera búinn að festa rætur hér á landi.
Félagsráðsfundur
Félagsráðsfundur var haldinn föstudaginn 5. nóvember
1999, að Suðurlandsbraut 22. Á fundinn mættu formenn
fag- og svæðisdeilda auk formanna nefnda félagsins. Á
fundinum var kynntur ársreikningur félagsins fyrstu 10
mánuði ársins 1999 og Flerdís Sveinsdóttir, formaður, fór
yfir starfsáætlun stjórnar 1999-2001. Formaðurinn kom
inn á kjaramálin þegar hún ræddi kjara- og réttindakafla
starfsáætlunar. Flún lagði áherslu á að félagið þyrfti að
heyra vilja félagsmanna varðandi kjarastefnuna. Fram kom
að Magnús Fleimisson, kjaramálafulltrúi, er hættur störfum
og verður ráðinn hagfræðingur í hans stað eins fljótt og
unnt er.
Miklar umræður sköpuðust um kjaramálin og kjara-
stefnu félagsins. Rætt var m.a. um framgangskerfi, áhrif
þeirra og tilgang, áhrif minnkandi launamunar dreifbýlis og
þéttbýlis og álagsgreiðslur. Málefni fagdeilda voru einnig
rædd. Umræður urðu um styrkupphæð félagsins til
fagdeilda og var ákveðið að beina því til stjórnar að hækka
upphæðina sem sett er í þennan málaflokk. Einnig var
ákveðið að hafa sama hátt á umsóknum um styrki
félagsins til fagdeilda á næsta ári sem og á þessu.
Umsóknarfrestur er til 15. apríl 2000. Reglur um notkun
merkja fagdeilda voru kynntar og samþykktar og rætt um
að endurskoða nöfn fagdeildanna.
Á fundinum var tekin ákvörðun um viðfangsefni næsta
hjúkrunarþings sem haldið verður 10. nóvember á næsta
ári. Ákveðið var að fjalla um stefnu Félags íslenskra hjúkr-
unarfræðinga í óhefðbundinni hjúkrunarmeðferð á næsta
hjúkrunarþingi. Þá kynnti formaður félagsins umræðuna á
SSN-þinginu um „heilsu fyrir alla á 21. öld“ (HFA 21) og
hlutverk hjúkrunarfræðinga og félagsins í heilbrigðis-
áætlun til ársins 2005 á íslandi. Rætt var um á hvern hátt
félagið og fagdeildir þess geta komið að þessu máli.
Meðal annarra mála, sem tekin voru fyrir, var umræða
um hjúkrunarfræðinga og reykingar. Ákveðið var að
fagdeild lungnahjúkrunarfræðinga sjái um þennan mála-
flokk en fái til þess aðstoð frá félaginu, m.a. til að halda
utan um hópinn „Hjúkrunarfræðingar gegn reykingum".
Ákveðið var að setja inn á heimasíðu félagsins almanak
sem væri opið félaginu, fag- og svæðideildum, stóru
sjúkrahúsunum og menntastofnunum hjúkrunarfræðinga til
að viðburðir skarist síður. Samþykkt var ályktun gegn
breytingum á Vísindasiðanefnd, kynntar reglur um ferða-
og dvalarkostnað sem samaþykktar voru af stjórn í ágúst
sl., fundurinn ályktaði gegn klámi og sendi ályktunina til
alþingismanna og að lokum var rætt um notkun starfs-
heitis hjúkrunarfræðinga í auglýsingum og mun félagið
skoða það nánar.
Fundarstjóri var Erlín Óskarsdóttir, 1. varaformaður.
Leiðrétting
í samantekt síðasta tölublaðs um nokkra punkta í
sögu hjúkrunar á íslandi kemur fram að hjúkrunar-
fræðingar beri ábyrgð á hjúkrun samkvæmt lögum frá
1974. Lög um heilbrigðisþjónustu eru reyndar frá
1974 en það er ekki fyrr en gerð er breyting á lög-
unum 1978 sem staðfest er að hjúkrunarfræðingar
beri ábyrgð á hjúkrun.
Tímarit hjúkrunarfræðinga • 5. tbl. 75. árg. 1999
319